البارت السادس
نور (تفتح عيونها) بابا ماما هاي شبيكم ليش واكفين يمي
ابو نور .. شبيج بنيتي ليش وكعتي امج تكول شافتج واكعه بالحديقه
ام نور .. اي نور شسويتي بيه لكيتج واكعه ومتتحركين
نور .. ماادري مااذكر شي مجرد اذكر شي سواد اجه عليه وبعد فقدت الوعي
ابو نور .. كومي بنتي صلي واقري قران شويه هسه ترتاحين
نور .. ان شاءالله بابا
تكوم نور حته تتوضه وتصلي تكمل الوضوء تجي الغرفتها تشوف الحجاب الجانت لابسته ع الجربايه ماالتها
نور .. هذا الحجاب مالتي بس شلون لكيته هنا واني شكد بحثت عنه معقوله جان طول هالوقت ع الجربايه وماانتبهت وهاي الامراه الشفتها اكيد الها علاقه بهذا الحجاب..
ام نور .. ها نوره ها حبيبتي شلون صرتي
نور .. زينه ماما بس شوفي شنو لكيت .. شوفي الحجاب مالتي
ام نور .. اي همزين لكيتي بس وين جان
نور .. شفته هنا ع الجربايه مالتي .. هاي الشغله حيرتني حته كمت اخاف البسه مره ثانيه
ام نور .. اي لتلبسي بعد اتركي
تمر ايام طويله ونور تتحول لاتعس تشوف حياتها بس اصوات وتخيلات حته المدرسه ايام تروح وايام تتغيب بيهن
يجي يوم كان يوم خميس المغرب ام نور تسوي عشه وابو نور يصلح باجهزه البيت بره وساره واخوهم الصغير يلعبون بره
نور جانت نايمه
نور ... هاي شكد نمت اني حته ما حسيت بالوقت ومحد كعدني هاي منو يمي كوكو حبيبي شجابك هنا(اخوها الصغير اسمه كرار)
يطلع كرار من الغرفه وتلحكه نور تصيح عليه وميردلها بس يضحك يصير قريب ع الدرج مال البيت ويكوم يصعد ونور تخاف عليه ..
نور ... كوكو حبيبي تعال انزل شوف شنو انطيك جبتلك عصير وككاو (كرار يعوفها ويصعد الاخر درجه ويوكف وتشوف نور نفس الامرأه واكف خلف كرار مباشره )
نور .. انتي منو وشتريدين مني ؟
الامراه .. تحاول تدفع كرار من الدرج
نور .. لااااااااا عوفي اخويه
الامرأه تشمر كرار من الدرج تجي نور تحاول تلزمه متكدر يوكع كرار ويطلع دم من راسه ومن رجليه تجي نور تركض تشيله
نور ... (تبجي) كوكو شبيك حبيبي مو كتلك لتصعد .. انتي منووووو ليش هيج سويتي بأخويه
الامرأه اختفت وما الها اي وجود ... تظل تبجي نور وتصيح كرار فجاه تصير الدنيا ظلمه وتصحه ع صوت ابوها وامها
ام نور .. نور نور اكعدي ماما هذا حلم
ابو نور .. ( يمسح راس بنته) اعوذ بالله من الشيطان الرجيم اكعدي نوره احنه يمج
نور.. كرار وينه وين كرار خمه بي شي شفتها دفعته من الدرج (تبجي)
ابو نور .. كرار موجود ومابي شي هذا حلم بنتي اتعوذي من الشيطان.
تجي ساره هي وكرار تكمز نور من مكانها وتحضن كرار وتظل تبجي
نور .. كوكو حبيبي الحمدلله مابيك شي هوايه خفت عليك
ام نور .. حبيبتي مابيج شي هذا مجرد حلم انت جنتي نايمه
نور .. ليش معقوله اني جنت نايمه واحلم بس الشفته كوله حقيقه
ابو نور .. تخيلات بنتي ماكو شي
#سوسه_الربيعي
