لبارت التاسع عشر
يتحضرون حته يجون بيت خالتهم .. ينظفون البيت ويفرغولهم غرفه خاصه حته يرتاحون بيها ويجمعون اغراضهم .. ام نور تبدي تحضر العشه وابو نور يطلع يجيب مسواك للبيت .. يمر ساعتين تقريبا وتندك الباب ..
نور .. اني اروح افتح 😃
ساره .. لاااااا ولج اني افتحلهم الباب 😍😃
يرحن يركضن حيل وحده تتسابق ويه الخ حته يفتحون الباب .. تفتح الباب ساره وتشوف خالتها وتحضنها وتسلم عليها ووراها نور بالسره انوب تجي ام نور وابو نور 😂😂
خاله نور .. تدخل بالبيت من بعد ما خلصت سلام حته ترتاح من الطريق الطويل 😑..
بنات خالتهم يسلمن ع ام نور .. وهنااا يجي وقت سلام البنات الرسمي 👇👇
هنا مو مجرد سلام وبس وانما عياط ع خبال ع فرحه متنوصف 😂😂👇👇
سرى بنت خاله نور .. هييييييي شفتكم ما صدكت جيت ( هاي طبعا وحده حاضنه الخ ويكمزن ))
تجي مها اخت سرى بنت خاله نور )) تبعدها عن ساره ونور وتجي هي تشبكهن مره ثانيه وهم يكمزن ..
الولد هنا مااجوي بقو يم ابوهم يعني السفره بناتيه فقط 💃😍 ..
يدخلون يغيرون ملابسهم و يحضرون العشه سوه ويتعشون سوه وراها التعلوله .. وهنا لازم نور تاخذ سرى وتشوفها كل البيت حته الاركان والحياطين والسطح متخلي شي كولشي تستكشف ..ونور حيل فرحانه وملتهيه وياهم حته ما حست بالوقت ..😍🥰
عمار يرجع للبيت حته ينام ويرتاح يدخل الغرفته وره شويه وتندك الباب .. تجي حوراء وشايله قلاده نور ..
تدخل ع عمار ..
حوراء .. شوف عمار تره اني مو المرسال مالتكم تره تعبتوني ..
عمار .. شكو شبيج اكولج طلعه وطلعتي ملابس واخذتي السوك كوله شتريدين بعد..
حوراء .. هاك عيني اخذ هاي حبيبتك دزتها الك حته مااعرفها شنو ولا شفتها اصلا ..تشمر عليه القلاده وتروح ..
عمار .. يفرح كولش وياخذ القلاده يفتحها لان اصلا نور حاطتها بقلاده مخصوصه بوضع الحجاب .. يفتحها ويشوف ورقه يفتح الورقه يلكي ايه الكرسي يستغرب منها وشنو الغايه حته ادزها نور اله .. يعني معقوله نور حست بالصار ويايه وكتبتلي هالشي حته تحميني ؟؟ زين ليش اني شفت نورمن صار ويايه الموقف وليش هذا الشخص ينصحني بأن ابتعد عنها ؟؟ ....يكوم يوجعه راسه من التفكير ... يذكر كلام ابو و شلون نصحه ..... اعوذ بالله من الشيطان الرجيم ... يروح يغسل ويتوضه ويجي يمدد ع الجربايه يذكر قلاده نور يروح يلبسها وبدون تردد ..يفكر بنور يروح باجرحته يشوفها بس صدووووووك باجر عطله 😨.. اهووووو يغطي راسه وينام 😩😒... وهالمره عمار وبهاي الليله ما شاف ولا سمع اي شي ..
ثاني يوم .. 👇👇👇
الغده طبعا دولمه لان ميحلى غير شي بهاي اللمه الحلوه .. ام نور فاتحه باب المطبخ وتشتغل بالدولمه وتسولف ويه خاله نور والبنات كاعدات يسمعن حديثهم ويضحكن ..
سرى اكبر من نور بسنه وهي طالبه كليه اداره واقتصاد مرحله اولى 😍
اما مها ..طالبه معهد تقني واكبر من نور بسنتين 😍
ام نور تسولفلهم ع المواقف الصارت بيهم قبل وعن حاله نور .. بس نور متخليها تكمل كل الحجي لان تدري بخالتها تخاف من هيج امور وتقلق ع عائلتها ..وتقاطعهم يله كولو وين جولتكم لهذا اليوم ..؟؟
بعد الغده يتفقون يرحون يسوون جوله اول شي البيت جدهم وبعدين خالتهم الثانيه ..
يصير العصر .. التبديل والهوسه والعركه ع الكنتور والملابس والغرفه مخبوصه .. والامهات تصيح وينكم الجمله المشهوره ..
تره راح نروح ونعوفجن ..😂😂
يرحون البيت جدهم يقضون وقت ساعه تقريبا بعدين ينتقلون البيت خالتهم الثانيه ..
خالتهم ..👇👇
ربة بيت وعدها 3 بنات وولد وزوجها متقاعد كان نقيب سابقا بالجيش .. بيتهم كولش كبير وحلو وبي حديقه بره ومرجوحه
يروحن البنات ينجمعن سوه بره والباقي كاعدين بداخل البيت ..
ام نور تصيح ع نور حته تجيب مي الاخوها ..
نور تروح للمطبخ حته تجيب مي الاخوها يلفت انتباها مجموعه كتب مصطه ع رف بالصاله .. تتركهن وتروح تودي مي الاخوها بس يصير عدها فضول تعرف هذني شنو ..
تروح تاخذ كتاب متذكر شنو عنوانه بالضبط تفتحه تلكي اشياء واسماء مكتوبه عن الجان ..
تقره اكثر توصل لجان الاسمه التابعه او القرين وشلون تسيطر ع البنات وع الشباب تتبعهم وتأذيهم وكذلك واكو نوع اخر هو تابعه ام الصبيان هذا النوع من الجان يقتل الاولاد اول متولدهم امهم اوبعض الاقاويل تكول تخطفهم .. تقره اكثر بعد تعرف بامور سحره الجان والمشعوذين وشلون شغلهم وسيطرتهم ع مجموعه من الجان ..
توصل الى ...(((( كيف تصبح حاكم جان ))) يجذبها الموضوع تقره اول سطر .. غرفه مظلمه ومقفولع مجموعه شموع ناااار حواليك .. تريد تكمل قراءتها وينجر منها الكتاب تباوع تلكي رجل خالتها كدامها ..
رجل خالتها ..هذا الكتاب ممنوع تقري واذا شفتج بعد واكفه يم هذني الكتب ازعل عليج ..😡
#سوسه_الربيعي
