البارت الثالث عشر
من بعد ما صار بيهم هالموقف قبل بيوم اخذو حذرهم كولش ع نفسهم وع البيت ..
الايام تمشي بصوره طبيعيه تمر سنه ثانيه ونور تصير بالسادس اعدادي يعني بكالوريا ( وماادراك ما هي ) نور كانت فرع علمي ومادخلت دروس خصوصيه بسبب وضعهم المادي اعتمدت ع دراستها فقط بالبيت ..
بيوم من اجتي من المدرسه كالعاده تمشي هي وصديقتها سميه قبل ميوصلون للبيت يشوفون شخص واكف قريب عنهم موجه نظراته ع نور 👇👇
نور .. هذا شبي اشو بس يباوع شوفيني خمه بيه شي اخاف مخربطه لو ملابسي وسخه وهذا هيج صافن 😑
سميه ..(تباوع عليها ) .. لا مابيج شي ابد بس هذا اعرفه تره ساكن قريب علينه ويحجون عليه مو خوش ولد يضحك ع البنات وينصب عليهن بحجه الحب وتالي يعوفهن ..
نور .. الله ليوقفه لعد وشكو لاحكنه اخاف عباله احنه مثل باقي البنات لا عيني اوكف حدك تره متعرفني اني منو حته الجان حاربته 😎
سميه .. دسكتي عيني هتلر كافي تره طار الفيل 😃😂
( توصل البيتهم سميه وتودع نور وتروح )
نور .. روحي الله وياج (وتشوف الولد بعد يمشي وراها ) ... وبكلبها تحجي 👈👈👈 ( بله شلون هذا ظل لازك ويلحكني اني ماخلصت من التابعه والجان انوب جاني واحد من الانس استغفر الله ياربي )
توصل للبيت تلكي واكف اكبالها الى ان تدخل نوروتسد الباب بوجهه هو يضحك ويرجع يكمل طريقه 😂😂
نور .. هلو ماما 🤨
ام نور .. هلو حبيبتي شلونج بالمدرسه اليوم
نور .. الحمدلله زينه راح اروح ابدل ( تدخل للغرفه تلكي ساره كاعده )
ساره .. ع طول اني اوصل قبلج طبعا اذا انتي تمشين ع بيض
نور .. هفففففففف 🤨
ساره .. شكو شبيج وجهج ميبشر بخير
نور .. شمدريني اكو واحد لزك بينه بس يمشي ورايه من رجعت من المدرسه لحد ماوصلت للبيت ..
ساره .. تكمز عليها .. احجي ولج من هذا اخاف معجب
نور .. متسكتين بله يا معجب يا بطيخ واني ورايه بكالوريا
ساره .. ظلي هيج معقده لما تموتين
نور ..😑
بالليل 👇👇
ام نور تحجي ويه اختها هم ساكينين بغير محافظه بعيده عنهم وبالسنه مره يله يتشاوفون ولما يصير اتصال بينهم يبقون بالساعات يحجون 😂
خاله نور .. اكولج نسيت اكولج شلونها نور هم لساها تشوف اشياء
ام نور .. والله الحمدلله هالفتره زينه بس ابد ماعدها حظ بالدراسه مشلوع كلبها بس تقره وماكو فايده وتدرين ما سجلنالها ع دروس خصوصيه تعرفين وضعنه ميسمح وهذ ابوها شابع قهر عليها
خاله نور .. اسمعي قبل مننتقل لهنا جانت اكو مريه بمنطقتنه القديمه يكلون عليها شوافه وعدها خبره بهالامور اخذي نور عليها خلي تبيتلها وتشوف شبيها ..
ام نور .. والله ماادري بس ابو نور يضوج من هيج سوالف يكول خليها هي قويه وتعرف تصرف
خاله نور .. دفتحي الموضوع ويا وقنعي هاي مستقبلها خطيه لتشيلون ذنبها
( يخلصون مكالمه وتظل ام نور تفكر بالموضوع تروح ع نور وتكوللها خالتها شكالت ونصحتها بهاي الشوافه)
نور .. شوفي ماما عادي اروح بس ماعندي ثقه بيهن تره 😌
ام نور .. خلي نشوف بنتي بلكت بيها فايده بس المشكله ابوج شلون نقنعه .
نور .. ميخالف اني اكوله واقنعه رمشي عليه خلي احجي ويا 😩.
(تروح نور تخابر ابوها صح هو ما مرتاح الروحتهم بس ما رفضلها طلب ) يجي ثاني يوم 👇👇
هالمره سميه غايبه ونور ترجع وحدها وتشوف نفس الشخص الشافته قبل بيوم واكف ويتقرب عليها ..😳
نور .. عزه بعيني هذا شيريد مني 😱
الولد .. بس لحظه ممكن احجي وياج ( يمشي وره نور)
الشارع شبه فارغ ودنيا ظهر 👇
الولد .. بس اوكفي لحظه اكولج ع شي بس اسمعيني
نور .. تزيد سرعتها نور تحس روحها راح اطير من المشي😂😂 توصل للبيت تهجم الباب من الدك يطلع ابوها ( اليوم نازل من الدوام ) ..يفتحلها الباب 👇
ابو نور .. ها نوره شبيج بابا هجمتي الباب بيج شي ؟
نور .. ( ترتبك من تشوف ابوها كدامها ) لا بابا حبيبي مابيه شي بس جوعانه اريد اروح اكل .. تروح تركض الغرفتها
تبدل ملابسها وتظل تفكر بالولد ..عوذه منج سميه اله اليوم تغيبين وعفتيني بهيج موقف 😨
تروح تغسل وتساعد امها بتحضير الغده وساره لساها ما جايه !!
نور .. ماما لعد وين ساره
ام نور .. ماادري اتاخرت اليوم اني هم ظل بالي عليها
بهاي الاثناء تندك الباب وتجي ساره عليهم ضايجه
نور .. اتمنى فديوم تدخلين البيت ووجهج يضحك بس معبسه
ام نور .. ها سرو ليش اتاخرتي اليوم اليوم نور وصلت قبلج
نور ..💃💃😛😛
ساره .. هاي المدرسه شدت اله تاخذ درس اضافي ومتنه تعب 🤨
ام نور .. يله غسلي وبدلي حته نتغده ونور حضري نفسج العصر نروح ع الشوافه .. يجي العصر 👇👇
( تتحضرنور ويأجرلهم ابوهم سياره يرحون ع المنطقه الساكنه بيها الشوافه يوصلون البيتها شكله طبيعي نفس اي بيت بس الغرفه الكعدو بيها كولش جبيره ومظلمه ماارتاحت نور ابد وبده الخوف يدخل بكلبها )
تدخل عليهم الشوافه وشايلها بيدها سبحه ..
الشوافه .. يا هلا بيكم (لهجتها جنوبيه )
ام نور .. الله يسلمج بالمهلي
الشوافه ( تباوع ع نور ) .. ها بعد خالتج شنو العله البيج بيانج حيل مضيومه ..
نور ( تستغرب شلون عرفتها) 😳 اي خاله اني تعبانه وحظ ماعندي اريدج تشوفيلي ..
الشوافه ( تفتح كتابها وتاخذ اسمها واسم امها وتظل تقره ) شوفي بنيتي انتي عندج تابعه وهاي التابعه تضرج ع دراستج وحته ع زواجج وع خلفتج .
نور .. هي شنو التابعه شرحيلي عنها .
الشوافه .. شوفي بنيتي بزمن النبي سليمان عليه السلام بعض من الناس يكول بأن التابعة عجوز شمطاء تهدم الدور والقصور وتقلل الرزق بالليل والنهار وتخلف الربا والأشرار فما أن علم بها سليمان حتى أمر بجرها بالسلاسل والأغلال وعذبها عذابا شديدا وقال لها : كيف نخفف عنك العذاب والشر كله منك فقالت : يا نبي الله : أنا التابعة التي أخلي الديار وأنا معمرة الهناشير والقبور وأنا التي مني كل داء ومضرة ، نومي على الصغير فيكون كأن لم يكن وعلى الكبير بالأوجاع والأمراض والعلل والبلاء العظيم والفقر وأسلط عليه ما لا يقدر عليه ، ونومي على المرأة عند الحيض أو عند الولادة فتعقر ولا يعمر حجرها ، ونومي على التاجر في تجارته بعد الفرح بالربح فيها فيخيب ويخسر ، وكامت تعددله بالاصناف التعذب بيها البشر .. واكو ناس تكول هي قرين الانسان وهذا القرين من الجان يصير مصاحب للانسان من ولادته لحد ميموت هو ويا ويغوي ع الافعال الموزينه ومرات يحرضه حته يأذي نفسه ..
ام نور .. اعوذ بالله من الشيطان الرجيم .. والحل عيني شنو نسوي
الشوافه .. اذبح دجاجه سوده وادفنها بمكان بس اني اعرفه وان شاءالله ينحل كولشي .. بس ها كولشي بحسابه
ام نور .. ادللي عيني بس تخلصين بنتي وترتاح حته كامت تأثر ع اختها واخوها بالبيت .
الشوافه .. تصيح ع بنيه وتجي الابنيه شايله دجاجه سوده وبيدها الثانيه سكين .. تاخذ الشوافه الدجاجه وتخليها بطشت وتذبحها (منظر مرعب ومشؤوم يكزبر الجلد 😳😨😱)
يرجعون للبيت نور وامها ونور طول الطريق تفكر شلون هيج هي بيها ) يشوفها ابوها ويجي يكعد يمها
نور .. بابا تكولي ممتوفقين ماطول هالتابعه وياج تاثر ع مستقبلي وحته زواجي وخلفتي
ابو نور .. بنتي عوفي هالسوالف والخرابيط شوفي كل واحد من عدنه عنده قرين وهالقرين هو انتي بس الجزء السىء منج يعني افكارج وطاقتج السلبيه العندج كونت الها وعي خاص بيها وصارت مؤذيه واول مابدت بيج لان انتي قريبه عليها .. الانسان يتكون من جسد وروح وفكر والانسان بحسب تواجده وافكاره والنوايا العنده راح تنبعث منه اشياء يااما تكون ايجابيه او سلبيه .. التخلص منها كولش سهل وبسيط قوي ايمانج بنتي بصلاتج وقراءه القران والتقرب من الله عز وجل وسوي خير خلي نفسج طيبه شكد متكدرين وثقي هسه تشوفين فرق جبير ..
( كلام ابوها يحسسها براحه ويغير معنوياتها ) ويمر اسبوع ونور تتناسه الموضوع تدريجيا وتلتزم بصلاتها وقراءه القران وقررت بعد متروح ع اي ساحر او شواف حته ابو علي قاطعو مجرد يجي البيتهم كصديق للعائله وبس .. وبيوم وهي بالمدرسه بوقت الفرصه تجي عليها بنيه تسألها .. .. انتي نور؟؟؟؟
نور .. اي اني اتفضلي
الابنيه .. اني اسمي حوراء هنا ادرس بصف الخامس اجيت نقل قبل فتره واكو شخص وصاني عليج
نور .. ومنو هالشخص؟؟
حوراء .. عمار الي يمشي وراج يوميه وره مترجعين من المدرسه وصاني اجي عليج واكولج يريد يتقدملج 😍 شنو رأيج بالموضوع؟؟؟
💃💃💃💃
#سوسه_الربيعي
