البارت الحادي عشر
تركض نور تتقرب من كرار تحاول تاخذ منه السكين
نور.. كوكو حبيبي انطينياها حته نروح نلعب سوه اني وياك
ام نور .. تركض ع كرار حته تسحب منه السكين ( كرار يركض عنهم ويترك المكان وابو نور يروح ورا )
نور .. ليش ماما هيج سويتي اخاف يأذي نفسه جنت انتظر يلتهي شويه حته اكدر اخذها منه
ابو نور .. نورررروررره تعالي
نور وام نور يرحون ع صوت ابو نور وفجأه 👇👇
فجأه يشوفون كرار نايم بغرفته ومابي اي شي
نور .. شفتو صدكتونين هسه مو كلتلكم قبل فتره شفت كرار وكع من الدرج اكو امرأة دفعته وهسه شفتو بعينكم شصار بي واني على يقين نفس الامرأة وره هالشي
( نور تكمل حديثها وترفع راسها تلكي الامرأة واكفه خلف اخوها مباشره وتحاول تتقرب منه )
ابو نور وام نور منصدمين من الصار مرعوبين وماحجو شي
نور تركض تجيب قرآن وتخلي يم راس اخوها وهو نايم وتلكي الامرأة مختفيه ..
يتصل بيهم ابو علي ..
ابو علي .. شوف ابو نور بالنسبه الموضوع ساره تروح هسه ع جربايتها بالمكان النايمه بي تجيب اي ربطه عدكم بس تكون نظيفه وشدها يم راسها بالضبط ولتخليها تنتبه ابد..
ابو نور .. وبعدين شسوي تكدر تجي انت علينه ؟
ابو علي .. سوي الكلتلك عليه هسه واني باجر جايكم
يروح ابو نور يسوي مثل ما كاله ابو علي وكل هذا وساره نايمه
نور .. تبقه يم اخوها حته تراقبه تغمض عينها لمده ثواني
وتفتح ع صوت امها ..
ام نور .. روحي نوره ارتاحي اني يم اخوج
نوره .. لا ماما اني باقيه هنا بس راح اشرب مي اشو عطشت (تكوم نور حته تشرب مي بس تلتفت ع امها بنفس اللحظه ..
نور .. ماما انتي ليش لابسه اسود؟
ام نور .. (ترتبك) روحي اشربي مي مو عطشانه ..
(تعوفها نور وتروح للمطبخ تسمع صوت تدخل بسرعه تلكي امها واكفه تبجي )
نور ..ماما شتسوين هنا انتي مو جنتي بغرفه كرار ولابسه اسود .. لحظه لون اسود 😳😳
ام نور.. انتي مو كلتي راح تبقين يمه وكلت خلي اجي للمطبخ اسوي حليب الكرار اخاف يكعد وجوعان (نور تعوفها وتروح تركض )
نور .. اكيد متكدر توصل الاخويه لان القرآن يمه ( تروح بسرعه توصل باب الغرفه )
نور .. اعوذ بالله من الشيطان الرجيم .. بسم الله الرحمن الرحيم
(تفتح باب الغرفه وتدخل متشوف احد وكرار نايم ) .. يمه الحمدلله والشكر ربي .. ( تجي ام نور)
ام نور .. ها نور ليش عفتيني ورحتي تركضين صار شي بعد ؟
نور .. ماما ماكو شي مجرد اوهام ابقي انتي هسه يم كرار واني راح اشوف ساره .. ( تروح نور للغرفه تلكي ابوها كاعد يم ساره )
ابو نور .. ها بنتي شلونه كرار
نور .. الحمدلله بابا زين ساره مااتحسن وضعها؟
ابو نور .. بعدها نايمه واني سويت مثل ما كال ابو علي ولساتني انتظر 😑
ساره .. ( تفتح عيونها) .. هاي ليش ملتمين يمي شبيه اني ..
نور .. مابيج شي خفنه عليج شفناج بهيج وضعيه
ساره .. ليش شصار بيه اني حته تخافون
ابو نور.. ليش متذكرين شصار وياج
ساره .. لا مااذكر ( تباوع ع الربطه المشدوده بجربايتها) .. هاي شنو شحاطين هنا ..
ابو نور .. هيج ربطه امج هاي اعتقد ناسيتها هنا
ساره .. بس ربطه ماما متخليها هنا .. رجاءا بابا شيلها مااريدها
نور .. عوفيها شتردين منها بشنو ضارتج
ساره .. دااكلكم شيلوهاااااااااا ( تبجي)
ابو نور ونور يسكتون بيها وهي ع نفس وضعها .. ياخذها الساره بغير غرفه تبطل بجي بس من ترجع وتشوف الربطه ترجع نفس وضعها يمر اليوم كوله ع نفس الوضع والليل كوله سهر وتعب وماكو نوم .. ثاني يوم يحضر ابو علي البيت ابو نور ويبلغهم يتركون المكان حته يعرف يتصرف بس نور تبقه يمهم بالبيت ..
ام نور تاخذ ساره واخوهم الصغير وتروح البيت جدهم ..
ابو علي .. نوره جيبي صحن كبير وطين من الحديقه بس لازم يكون رطب بي مي وتعالي اكولج شتسوين
نور تنفذ وتحضر الاشياء الابو علي ..
ابو علي .. ابو نور روح جيب الربطه الشديتها بجربايه ساره
نور خلي الربطه بالصحن وضيفي فوكا الطين والمي .. وتعالي كعدي .. ابو علي يخبط المي بايده الى ان يصير لونه اسود
ابو علي .. نور تعالي باوعي بالصحن اذا حسيتي شفتي شي كوليلي
نور .. ماشي عمو ان شاءالله
ابو علي يقره بعض من الطلاسم ( الي بسببها يكدر يحكم او يسيطر ع الجان العنده حته يكتشف الشي المسحور او بالاصح همه يخبرو عن اي شي يحدث ..
نور .. عمو لحظه يمكن شفت شي
ابو علي .. يبطل قراءه ويأشر تاخذه من المي 😱
نور .. (نور تمد ايدها بالمي وتبحث عنه تحسه كولش بعيد ومراح تكدر تلزمه اخر شي تضغط ع نفسها وتسيطر ع روحها من الخوف وتاخذه ) .. يظهر نفس الشي العثرو عليه قبل فتره ( نفس السحر او العمل الي صار النور بس بغير اشياء معمول)
نور .. يعني هسه ساره تكدر ترجع طبيعيه؟
ابو علي .. ساره اكو شي ديخوفها ويسيطر عليها وهالشي مرتبط بيج 😨😑
نور .. قصدك الامرأة الاشوفها اني ؟
ابو علي .. اي صح واكو شي ثاني .
ابو نور .. شنو ابو علي احجي
ابو علي .. اكو شي مرتبط بالبيت فدشي اقوى مني ..
ابو نور . قصدك ننتقل بغير بيت حته نخلص منه
ابو علي .. للافضل الكم ابو نور ..
نور .. بس بابا احنه اتفقنه نكون اقوى منه بالايمان حته نتغلب عليه
ثاني يوم ترجع ام نور وساره من بيت جدهم وساره تكون احسن
ابو نور .. ام نور احنه لازم ننتقل من هذا البيت
ام نور .. ليش شبي البيت واحنه مرتاحين ومستقرين بعد هذا العمر مابينه حيل الهوسه والقهر ..
ابو نور .. ابو علي حذرني من هذا البيت ونصحني انتقل اكو شي هنا اقوى من عدنه صعب نتغلب عليه يااما واحد من عدنه يتاذه
وشفتي الصار بكرار وساره وقبلها نور ..
ام نور توافق ويبدون بأجراءات نقل البيت ويجي اليوم الينتقلون بي صح كان متعب بس حسو براحه لان راح يتخصلون من كل العاشو بالبيت القديم ..
البيت الجديد الانتقلو اله يتكون من غرفه جبيييييره وغرفه نوم واستقبال وصاله والمطبخ والصحيات ..
نور .. بابا كولش حلو عجبني هالبيت واني اختاريت هاي الغرفه حته نسكن بيها اني وساره ..( تباوع ع ساره صافنه ماحجت شي كولش اتغيرت من بعد الاحداث الاخيره )
#سوسه_الربيعي
