البارت التاسع
تمشي الايام وام نور تنسه تخبره الابو نور عن موضوع خالهم وشلون يريد ابو علي يحل اله مسأله البيت ويجي يوم كاعدين العائله سوه بالتعلوله وره العشه ويرن تلفون ابو نور ..
ساره .. بابا موبايلك
ابو نور .. شوفي منو يتصل جيبي
ساره .. بابا مكتوب ابو علي يعني هو نفسه عمو ابو علي الاجه يمنه قبل فتره مو صح 🙂😃
ابو نور .. اي هو جيبي (ياخذ الموبايل ويفتح خط ) الووو هلو عيني ابو علي شلونكم شلون الاهل🙂
ابو علي .. الحمدلله انتو شلونكم موجودين بالبيت
ابو نور .. اي موجودين تفضل يمنه
ابو علي .. اي كلت خلي اتصل بابو نور مشتاقله اروح يمه
ابو نور .. كل الهلا بيك باي وقت ( يسد الخط)
ام نور .. خير عيني شراد ابو علي
ابو نور .. راح يجي علينه هسه .. ساره نوره عزلو الاستقبال وحضرو جاي و فاكهه لضيافه
يجي ابو علي البيت ابو نور يباوع ع نوره ويسالها عن وضعها
نور .. الحمدلله عمو وضعي تمام وحتى لو اشوف او اسمع اتعودت صار جزء من حياتي
ابو علي .. بنتي حاولي تتغلبين عليه
نور .. ان شاءالله اكدر
تمشي ساعه ع كعدتهم سوه وفجأه يسمعون صوت الباب تندك
ام نور .. خير يا ستار منو يجينه بهيج وقت
ابو نور .. خليكم هنا اني راح افتح الباب
يفتح الباب ابو نور ويشوف خال نور بالباب بس ضايج وتعبان يسلم ع ابو نور ويدخل للبيت ..
خال نور .. شنو يمكم خطار دااسمع صوت احد جوه
ابو نور .. اي هذا صديقي ابو علي جا يتعلل يمنه
خال نور .. ابو علي نفسه الجان عدكم قبل فتره يا الله رحمتك (يدخل للبيت ويسلم ع ابو علي ويعرفه عن نفسه ويكعدون سوه)
ابو نور .. مستغرب ميدري شكو
خال نور .. اكولك ابوعلي ولو اول مره نتعرف بس اطلب منك شغله
ابو علي .. اي تفضل اطلب
خال نور .. عندي شغله بالبيت واريد ابيعه وهالشي صعب عليه حيل واتأزم وضعي اذا تكدر تسويلي فد حل وينباع البيت واني قبل فتره وصيت ام نور تنطيك خبر بس اظاهر نست بس الحمدلله صارت هالصدفه واتشاوفنه
ام نور .. اي والله كلي ونسيت راحت من بالي
ابو علي .. خير ان شاءالله وين البيت قريب هنا
خال نور .. اي قريب بس عبور الشارع
ابو علي .. كوم خلي نروح نشوف البيت وناخذ ابو نور ويانه
خال نور .. يله نروح ليش لا بلكت تنحل
يرحون سوه ويدخلون البيت بيبي وجدو كاعدين يسلم عليهم ابو علي ويجبرهم يطلعون من البيت حته يفرغ ويعرف يشتغل براحته والصدفه الزينه بيت خالي المزوج هو ومرته واولاده ما جانو بالبيت هذا الشي سهل علينه اكثر..
خال نور .. اني راح اروح اوصل الحجي والحجيه وانتو دخلو للبيت ..
ابو علي .. ابو نور تعال ويايه
يدخلون للبيت ويبدي ابو علي يقره هدوووووووووووء ماكو شي يطلع صوت هوه خفيف خااااااافت صوت اغنيه او صوت طفل مزدوج مجموعه اصوات ابو نور متحصن بالوضوء ويردد بالايات وميخاف وابو علي مستمر بالقراءه بهاي الاثناء يجي خال نور
خال نور .. هاي شنو الصوت يا ستار يمكن صارت عاصفه ( يباوع ع الجو يشوف ماكو شي يرجع يباوع بداخل البيت يسمع الصوت وهوه عالي يمر من يمه يكوم يخاف) هاي شنو ياربي دخيلك شديصير .. 😨😳😳
ابو علي وابو نور يبحثون بالبيت يحاولون يلكون شي عمل او من هذا القبيل بس ماكو وابو علي مستمر بالقراءه وتعبيرات وجهه كولها متغيره ويحس بتعب وضيق..
خال نور بعده واكف بره يخاف يدخل يمهم فقط مكتفي بالمشاهده
خال نور .. (يباوع يلكي ستائر الاستقبال تتحرك تروح وتجي وتبتعد وتختفي ويصير ظلام بالداخل وبعدها اضاءه) .. شنو هذا شصاير جوه يمعودين احد يفهمني (يسمع صوت عاصفه وهو عالي 👻👻👻👻👻) اني شورطني شجابني ع هاي الشغله خلي انهزم .. يروح يركض يريد يطلع اخر شي يحس ع نفسه لازم الحايط ويريد يعبر منه وعايف الباب بصفه .. 😂😂
خال نور .. هاي شبيه شدسوي اني وين رحت 😳
#سوسه_الربيعي
