الجزء السابع
تمشي الايام والاوقات ونور ع نفس وضعها بس تحس صارت قويه اقوى من قبل .. الى ان يجي يوم من الايام ..
ابو نور كاعد سوه ويه ام نور ويسولفون
ابو نور .. ام نور تذكرين صديقي ابو علي
ام نور .. اي شلون مااذكره خوش رجال ليش اتصل عليك لو التقيت بي
ابو نور .. بالصدفه لكيته يداوم ويايه بنفس الفوج صار عنده اولاد ثنين وسألني عن عائلتي وحجيتله بس شغله بي حيرتني وخوفتني منه
ام نور .. شنو ياستار شبي
ابو نور .. حاكم جان
ام نور .. يمه اعوذ بالله .. اكولك ليش متحجيله عن وضع نور
ابو نور .. قبل مااحجي هو كشفلي الوضع وكال بعد كم يوم يجي للبيت .. حضري نفسج حته اعزمه هالايام..
وره ايام يتصل ابو نور ع ابو علي ويعزمه هو وعائلته للبيت
ابو نور .. ساره نوره وينكم تعالو اريدكم
ساره ونور .. ها بابا جينه
ابو نور .. شوفو بنياتي راح يجي صديق الي بالفوج وبنفس الوقت عندي معرفه بي سابقه هو وعائلته حاب يتعرف عليكم
نور .. ماشي بابا هلا بي
ساره .. اي بابا
يجي وقت العزومه ويحضرون عائله ابو علي ويصير وقت العشه ينجمعون سوه ع السفره ما عدا نور وساره ..
بعد العشه.. يجي ابو نور ع نور وساره يلكاهم بالمطبخ يقنعهم حته يدخلون يتعرفون ع ابو علي وعائلته😑😃
يدخلون نور وساره يسلمون ويكعدون ..
ابو علي .. ماشاءالله صلوات على محمد الله يحفظهم ابو نور وتشوفهم احسن ناس ..
(ابو علي متكونه عائلته من زوجته واولاده الاثنين)
ابو علي .. تعالي نور اكعدي قريب عليه
نور .. تستغرب من طلبه تباوع ع ابوها😳 (يسمحلها بأن تروح)
تكعد نور قريبه من ابو علي
ابو علي .. افتحي ايدج وخلي اشوفها
نور .. تنفذ الطلبه منها 😌
ابو علي .. شوفي بنتي اني راح احجي وانتي كولي صح او لا انتي وضعج الدراسي موتمام بمعنى تدرسين وتتعبين ومتجيبين نتيجه زينه هاي اول شغله والشغله الثانيه صارلج فتره تحسين بشغلات وتخيلات تخافين منها بس اجتج قوه كمتي تتغلبين عليهن بدون اي خوف ..
نور .. صح عمو كل الحجيته واني عندي ايمان قوي صح اشوف واسمع شي مو بالواقع بس صرت قويه مااهتم .. شلون تعرف كل هذا ممكن تشوفني شي دليل عنك😩😩
ايو علي .. ماشي راح انطيج الدليل بان اني اعرف كولشي .. ابو نور شنو ضايع ابيتكم وصار فتره تبحثون عنه شغله تخص كرار باحد العابه مو صح ؟
ابو نور .. (يضحك ) اي والله صحيح البايسكل مالت كرار انكسر وضاع البرغي اليربطه من الوسط حته اكدر اثبته ومالكيته بالرغم هوايه بحثوه بالبيت
ام نور .. اي صدوك لو تدرين يا ام علي (توجه كلامها الام علي ) عبالك شي وطار وهذا كرار ظل يبجي بالكوه سكت واقتنع بغير لعبه.. 😱
ساره .. عمو يعني انته راح تلكينه البرغي مااصدك😨
ابو علي .. روحي انتي ونور بالاستقبال من اصيح عليكم انتو ابدو ابحثو .. ماشي ؟
نور وساره .. ماشي عمو
يرحون نور وساره للاستقبال اول ميدخلون يكوم يقره ابو علي بصوت خافت ومامفهوم يصيح ع نور وساره ويكوللهم👇👇
ابو علي .. يله هسه ابحثن بس هو موجود بدايه الغرفه ع اليمين
نور .. وينه اشو ما دشوف شي اني (اكو شي بداخلها مصدك كلام ابو علي والشي الثاني ينكره)
ساره ... اييييي لكيته عمو راح اجيبه (تاخذ البرغي وتروح تركض عليهم )
#سوسه_الربيعي
