البارت العشرون
من بعد ما زوج خالتي اخذ مني الكتاب وحاسبني عليه ..
اتفاجئت من ردت فعله ليش هيج سوه احتمال يكون
هذا الكتاب مؤذي او بي اشياء ميصير اقريها ..
تذكرت الاشياء القريتها بالكتاب عن التابعه .. استنتجت كلام الشوافه الكالتلي بي قبل ..
يعني فعلا اني عندي هيج شي ؟؟ يعني مو مجرد افكار او اوهام هاي حقيقه ..😨
سرى .. هاي انتي هنا نور شعندج كاعده وحدج تعالي بره يمنه 😜😎
نور ..لااا ماعندي شي جيت اجيب مي الكرار وكعدت شويه هنا ما شايفه بيت خاله صار هوايه ..
بالرجعه يصير طريق بيت خالتي ع السوك مباشره يعني لازم نعبر السوك يله نوصل للبيت ..
ساره .. ماما خلي نفوت من السوك عفيه ..
ام نور .. اي هو احنه طريقنه راح يصير مناك ..
ساره ( تموت ع السوك حته تظل تشتري وتفتر ) ..😘😍
وبأثناء وجودهم بالسوك .. البنات يمشن سوه وياخذن اليعجبهم .. بس نور عازله روحها تفكر بالقرته وبالحلم الصار وياها وليش خبرتها المره بأن تبتعد عن عمار .. شنو السبب ..؟؟
يمرون صدفه من يم محل عماار يشوفو مغلق .. ما مفتوح تستغرب نور اكثر شعجب وليش .. بهالوقت عمار ..👇👇
عمار كان اليوم كوله متخربط وضعه مو تمام حرارته مرتفعه ووجهه احمر ويرجف اهله ملتمين يمه حته يصحى بس ماكو فايده .. ابو عمار يروح يجيب دكتور حته يشوف وضعه..👇👇
الدكتور يوصفلهم عده مسكنات وخافض للحراره وهمه ميدرون العله مو بالدكتور السبب الوصله الهيج حاله هي امه وروحتها لسيد والطلاسم والحجاب الجوه راسه .. ( الجن المرسل اله ماكدر يظهرله بسبب ايه الكرسي اللابسها يخاف يحترق من يشوفها .. لهذا سببله هالحاله الهو بي حته يكدر يأذي ..
ام عمار .. ( تقرر تروح ع السيد ) اني لازم اروح ع السيد اشوف حاله ابني ليش هيج دصير ..😭😭
السيد يعلم بحضور ام عمار اله ( خبرو التحت امره 👻)
يرحب بيها بكل بساطه ويعرفها ع شنو جايه وليش وشي اكيد محضرلها شي ثاني حته يوهمها بيها ..👇👇
السيد .. ما عليج ام عمار خيتي لتخافين انتي بس خلي يشرب هذني وهذا البخور بخري بغرفته وهو يصير زين ..
تاخذهن ام عمار وطبعا تدفع لسيد ضعف الدفعته سابقا .. بحجه هالاشياء احسن حته تتحسن حاله عمار ..
بيت نور ..👇👇
بالليل كعدو سو بالحديقه سوالف وضحك .. هنا ساره حجت البنات خالتها عن عمار ..
سرى .. ها لج نور اشو من اخابرج واحجي وياج ما كلتيلي بهيج شي ضامه عليه موو ..😩
نور ..ولج لا هي مجرد ولد اجه اتقدم واهلي رفضو وماما ابد متقبل نفتح الموضوع مره ثانيه ديربالج تحجين تره اموتج 🙂🙂
( هي متدري اصلا امها حاجيتلها الخاله نور عن كولشي لان متضم عليها ابد 😂😂)
تدخل ام عمار الغرفه عمار تشوفه نايم .. شويه وضعه احسن .فجاة تنتبه ع القلاده اللابسها .. بدون متعرف شنو بيها تاخذها منه ..
ام عمار .. هاي شنو وليش لابس هيج شي عمار ..
تدخل حوراء عليها .. ماما عوفيها هاي هديه وميصير تاخذين هديه غيرج .. اتركي عمار لابسها ..
ام عمار .. هااا افتهمت قصدج هاي الهديه من ذيج الحيه المسمومه .. طبعا كان ظني بمحله مسويتله سحر وخلت ابني هيج يصير بي .. الله ينتقم منها ..😡😡
حوراء .. اوف استغفر الله ياربي .. اروح الغرفتي احسن ..😣
ام عمار بحجه تنظف غرفه عمار تخلي البخور وتكوم تبخر بالغرفه .. عمار يكعد من ريحه البخور .. يحس هاي الريحه تخنكه تأذي تخلي بصعوبه يتنفس .. يشوف امه كدامه تبخر ..😔😔😔
عمار .. يمه .. يييييمه .. شدسوين ليش يمه كااااافي طفي ..😨
ام عمار .. ((تفز من صوت ابنها وترتبك )) .... هاي علمودك يمه من العين والحسد سوده عليه محسود يمه ع طولك وجمالك ..
عمار .. يمه فدوه اروحلج طفي تره دااختنك (يكوم يكح ويتنفس بصعوبه ..)) تخاف عليه امه تبعد البخور عنه بس تبقي بالغرفه ( مصممه تأذي ابنها وادمره بأفعالها هاي ) ..
عمار تجي عينه ع البخور .. يظل يركز بي اكثر واكثر دخان البخور اليطلع اتحول الاشياء غريبه اجسام ضخمه تفتر اصوات تطلع منها تذكره بنور ... ولازم يبتعد عنها .... يتذكر القلاده اللابسها .. يتفقدها ماكو .. وين راحت وين اختفت يفز من مكانه مفزوع وعينه ع البخور .. يقوي كلبه ويتعوذ من الشيطان .. يحاول يوهم نفسه هو ديتخيل .. فجأة تندك الباب وتدخل عليه امه جايبتله كلاص عصير ( طبعا بي الطلاسم محلوله بالعصير).. الاشياء والاصوات تختفي ...تقريبا نقذته من الموقف الهوه بي ..بس راح يشوف اكثر بعد ....
ثاني يوم 👇👇
نور تروح للمدرسه ..
تشوف حوراء .. تريد تروح تسألها عن القلاده وشلون وضع عمار .. لان خافت عليه اكثر من شافت المحل مالته مقفل ..بس اكيد تتردد وتخجل .. وتبقه بمكانها متروح ..
بيت نور وبيت خالتهم يرحون المقام او مكان مقدس قريب عليهم .. هم لزياره وهم بنفس الوقت يستمتعون سويه ..
اول ميدخلون المكان تشوف نور امرأة كاعده بالباب ويمه اوراق واشياء والنسوان ملتمه يمها ..
#سوسه_الربيعي
