البارت الثامن عشر
عمار بهيج موقف وميعرف شنو ديصيرله وهو مشايف مثل هيج اشياء من قبل ..
نور بنفس اللحظه والدقيقه وهي نايمه تشوف ..👇👇
تشوف نفسها بوسط مجموعه من النساء لابسين اسود بمكان او بيت من طين قديم ووسخ ..
تجرها وحده من هاي النساء تكوللها تعالي اكو شي لازم تسمعي تمشي وياها نور بس خايفه ومرعوبه من المجهول الراح تشوفه ..
تدخل عليها امراة كبيره بالسن بس ضعيفه البنيان تجي تتقرب عليها وتبلغها ..👇👇
الامرأة .. نور ابتعدي عن عمار .. نوووووووور لتفكرين بعماار .. ((((تعلي صوتها اكثر ))) نووووور ابتعدي عن عماااااار ...
تفز نور من نومها ( تشهك وترجف متكدر تحجي) ..ياربي اكيد راح يأذون عمار اكيد التابعه مالتي دتحذرني حته اعوفه .. معقوله بي شي هسه ؟؟ لا خطيه شنو ذنبه ليش ادخله ويايه بهيج امور ((( نور ذبت اللوم ع نفسها ومادرت انو امه وره هالشي وخلت عمار بهاي الحاله ))
.. تقره نور المعوذات وايه الكرسي ومجموعه من الادعيه اي شي يجي ع بالها وتدعي ربها بأن يحمي عمار ومتتعرضله التابعه .. تظل تقره وخايفه ..
وبهاي اللحظه .. عمار هو وبهالوضع ..
الشي الشافه بده يصغر شويه شويه بده يضعف وشبه يختفي .. ( هالشي كوله بفضل نور وادعيتها )
اخر شي يكوم من مكانه ويطلع من غرفته .. يلكي ابو كاعد بره ..
ابو عمار .. ها ابني شلون صرت .. اذا زين حته تودي اختك خطيه ضايجه شويه غيرلها جو ... واني بمكانك راح اروح للمحل ..
عمار .. يابه تعبان موزين اني !!!
ابو عمار يتقرب عليه ويكعده .. ليش وليدي شبيك بشنو تحس ..
يحجيله عمار عن الصار ويا .. وابو انسان متدين ويفهم بهيج امور ..
ابو عمار .. ابني هاي الاشياء عادي تصير ويه اي شخص بس تبقه يمك اذا تكدر تتغلب عليه .. بيقينك بإيمانك .. فكر بينك وبين نفسك بشنو مقصر تجاه دينك احنه المسليمن هذا سلاحنه وهاي عقائدنه وليدي .. يتركه ويروح ..😑
عمار يفكر بكلام ابو ويروح يودي اخته مثل ما واعدها يفترون ويشتريلها ملابس واغراض وياكلون بالمطعم واخر شي يرجعون للبيت ..
نور تفكر بشغله حته تحمي عمار من احتمال يصيرله شي .. تكتب ايه الكرسي بورقه بعود الزعفران وباحرف كبيره وواضحه وتخليها تنشف شويه بعدين تلفها بحجاب وتسويها ع شكل قلاده وتخليها بجنطه مدرستها ..
ثاني يوم 👇👇
نور تروح للمدرسه وبوقت الفرصه تروح تبحث عن حوراء تشوفها واكفه هي وصديقاتها ..
نور .. مرحبا حوراء شلونج ..
حوراء .. هلو نور بخير انتي شلونج ..
نور .. حوراء ممكن من رخصتج احجي وياج بشي
حوراء ( تبتعد عن صديقاتها وتاخذ نور ع صفحه )
نور .. مااعرف شلون اكولج بس ممكن تنطين هذا الشي العمار وبدون اي سؤال عفيه مااكدر احجي شي بس العليج وصليها اله وهاهيه مااريد منج شي ..اطلع القلاده ملفوفه بكيس وتنطيها الحوراء ..
حوراء ..تاخذها بس متعرفها شنو .. تريد تسألها النور بس نور متنطيها مجال تتركها وتروح لصف ..
نور .. ياربي اني شسويت هسه شيكول عليه شراح يفكر .. اوك المهم احاول اساعده بشي 😌😑
عمار يتحضر ويه وقت نهايه دوام نور حته يروح يشرفها ..
يروح للشارع التفوت منه نور ويبقه ينتظرها تمر تقريبا ربع ساعه اخر شي تفوت نور هي وصديقتها سميه .. ومنفعله وتحجي بعصبيه وترزل بسميه .. عمار واكف يتأملها وصافن ..
ليت قلبك بحبي قد درى
ليته عن الهوى والعشق قد اكتفى
ليته يعلم ما حالي ؟؟ وليته يعرف بالذي جرى..
سميه تنتبه ع عمار واكف بعيد ويباوع .. تظل تكرص بنور حته تنتبه عليها ونور مستمره ترزل ..😂😂
نور ..( هاي شبيج شبعتيني تكرص شكو غير افتهم تره لا عبالج اسامحج ع السويتي لا عيني ديربالج مثل ما فشلتيني اليوم كدام المدرسه واني ما ضحكت وتكوليلها ضحكت وتالي تخليها اترزلني بالدرس من وراج اني اعلمج سميه ..
سميه.. ولج دكااااافي تره افتهمت بس دباوعي ع الولد واكف اكبالج مو راح اطير عيونه ..
نور .. يا ولد سميه شدتحجين انتي ..
سميه ادير وجه نور حته تباوع ونور تشوف عمار كبالها وتظل ساكته ومتنطق شي
سميه تضحك عليها .. ها ولج وين راح السانج
ترجع نور للبيت .. بس عمار يبقه يفتر ويروح للمحل ميتمنى يدخل للبيت ضايج ويحس غرفته كامت تخنكه ..وميدري بنور والقلاده مالتها ..
نور تدخل للبيت تسلم ع ابوها وامها وفجأة يرن موبايل امها ..تروح ساره تركض حته تشوفه منو
ساره ... ماما هاي خاله دتتصل عليج ردي عليها ..تودي الموبايل الامها ..
ام نور .. تفتح خط وتفرح من بعد ما سمعت وبلغتها اختها بأن هي وعائلتها راح يجون يقضون اسبوع يمهم ..
نور وساره يكمزون من الفرح .. هاي خالتهم كولش عزيزه عليهم وحيل يحبوها عدها بنات ثنين وولد ثنين .. معناها الونسه والسوالف والطلعات والفرات والاكل الزين ويه الجمعه الحلوه بيناتهم والسهر لصبح .. 🥰💃😎😀😃 .. يا سلاااااام ..
((ياريت تنعاد هالايام حته وترجعلنه ضحكتنه من صدوك ))
#سوسه_الربيعي
