هيامنا💕
8...
اصبح الصباح و من الساعه 3 جود صحت و متوترة خايفه الامتحان يسخن معاها مع انو هي قرت و شاطرة في الرياضيات بس الخوف😢
كانت ماشه و جايه في غرفتها و ماسكه الكتاب بيد و بتعضي القلم بيد
سلمى صحت و ما كانت عارفه انو جود صحت براها قالت تصحيها احسن
سلمى جات داخلة لقت جود في حالتها ماشه و جايه و متوترة🙂
سلمى : يا بت ها كدي اشربي ليك حاجه بعداك اقري
جود: ماما والله مابقدر اشرب خليني اخلص اخر جزء و اجيك
سلمى: طيب اول ما يأذن الفجر تجي تشربي عشان تجهزي
جود: طيب طيب
.. بعد ما خلصت و صلت و شربت شايها جهزت و مشت سريع سريع
وهي ماشه و قربت من المدرسة كانت بتقرا و مندق ة في الكتاب و ما مركزة في الشارع فجأة تحس بانها اصطدمت بزول طويل😳
: عمياء انتي و لا ما بتشوفي😬💔
جود : كنت بقرا و مركزه في الكتاب😢
... بنرفزة : تقري ما تقري دخلني فيك شنو نا
جود عاينت ليهو: انت جاي تكورك فيني شايفني قاصده يعني و مشت دخلت المدرسة ..
نور : جوود ما حننجح والله ما حننجح الامتحان ده ما حيمر على خير ابدا واايي واايي اخر التعب ده كلو نتيجتنا تخرب بي رياضيات تافهه زي دي😪💔
جود لبعتها في ظهرها: يا ريت اللبعه دي تتذكريها لانو انا براي متوترة و انتي عارفاني ما ناقصه توتر على الفيني دي رياضيات فاهمه يعني شنو رياضيات😢 يلا ماشه اكل لو جايه ارح
نور : احيي يا ظهري طيب ارح لكن ما حاكل
مشو و قعدو يراجعو لحد ما جا زمن الامتحان و دخلو و جود تعضي في القلم و تهز في رجلها و تحل في الامتحان
مرة تبكي و مرة تضحك لدرجه انو المراقب بقى يراقبها اكتر😂💔
خلصو الامتحان
نور جات جارية لجود مبسوطه: حببتي الامتحان عسسل ولله😆
جود زعلانه : برا عسل معاك في مسأله الزمن انتهى لي فيها واااايي الرياضيات راحت😢😢💔
نور طاخ بالكراس في راس جود: يا بت انا القدامك دي ما ضامنه الحليتهم فاا شنو ايزي يا بت + الليله خلاص هم و انزاح ارح نحوم ياخ
جود: اي والله اخيرا خلصنا منها ... خلي الحوامه بعد ما تجيني علياء جاية بعدين☺
نور صرت وشها: و معاها المتخلف داك مش 😒
جود :ااه ما فارقه وجوده و عدمو واحد
نور: انا ماشة معاك كلمت امي قالت ما عندها مشكله😆
جود: الله يعيني بس😢💔
و هم ماشين في الشارع جود سمعت صوت زول بنده عليهم
جود و نور اتلفتو
جود: انت تاااني 😬💔
: اي انا 👀
جود : اوووفف عايز شنو تاني ما كفاية قبيل
نور: يا بت هاا اسكتي دقايق
: عليك الله سكتي صحبتك دي
جود: ما بسكت ابيت تعال لصق خشمي
نور همست لجود: ده ود عمتي الكلمتك عنو ما تفضخيني الله يفضحك
جود شهقت : اهااا طيب معليش يا حضرة الاستاذ بس لانك بتقرب لحببتي دي💙
... ضحك : ما استاذ و لا شي زحي الرسميات الزي حقت الضباط دي ... فهد 🤝🏼 و مد يدو
جود سلمت عليه: جود و لو ما الاخت دي ما كان سلمت عليك😒💕
فهد: طيب نوور بس كنت عايز اديك القروش خالتي قالت اديك ليهم
نور : اها تسلم .. يلا يا جوود نمشي
جود : مشينا
... فهد زي ما شايفين ود عمة نور عمرو21 سنه بقرا في تالتة طب الخرطوم 💕 اسمر طويل حواجبو غزيرة و عيونو مكحلة كحل رباني❤ لحيتو ما غزيرة شديد و عندو غمازة في خدو الشمال و لمن يضحك مع اسنانو المرتبة و البيضاء حاجه وبعلي شديد😹💙...
يتبع....
