28
عدت الايام و الشهور و فهد لا كل لا مل من عدم اهتمامي و كل ما مرة يوضح لي و يشرح لي و يذكرني و يقول'' انا ما لقيتك بالساهل عشان من اول محاولات اخليك''.. قلبي مال ليهو جزئيا من تمسكو بي و وضوح صدق مشاعرو في افعالو و كلامو و اي شي يعملو حتى نظراتو .. بس الخوف مالك قلبي خايفه احبو و لمى تأذيني فيهو و خايفه احبو و انخدع في الاخر ما لي الا ربنا ادعي ليه ييسر الخير في طريقي 💙
...
في يوم كنت بفطر مع فهد في واحده بينشات
في اليوم ده قررت اني اصرح عن تبادلي في المشاعر معاه بعد ما اتأكدت من ميول قلبي التام ليه و لكلامه و لعيونه و لصوته و لكل ما هو فهد💙
.. عاين لي في عيوني وقال: بحبك شديد ي الجود
ابتسمت ليه: والجود كمان بتحبك
..بلسان فهد...
قلت ليها اني بحبها بعفويه ساي اتفاجأت بيها بتقول لي والجود كمان بتحبك لاول مرة انا فهد الاحمدي مشاعري تجوط بالطريقه دي و عن الفرح الجواي لمن قالتها ما اظن فرحتو قبل كده 🖤
عاينت لعيونها مسافه كأني بتكلم معاهم بعيوني
قالت لي: هيي حتاكلني بعيونك السمحاات ديل
ما لقيت نفسي الا و انا بقول ليها: يوم الجمعه ابوك فاضي؟!
عاينت لي باستغراب: ليه
حكيت لحيتي: جود بتقبليني؟!
عاينت لي: اقبلك كيف؟
قلت ليها: بتقبليني اكون زوج ليك .. لو اتكلمت مع ابوك في موضوع زي ده حتوافقي؟!
بلسان جود...
انصدمت بيه لمن قال تقبليني زوج ليك !!
ما كان عندي اي استعداد للكلام ده و انا ما اتوقعت يكون فهد خطيبي او زوجي .. عاينت ليه مسافه كنت شايفه الفرح في عيونو و الحماس الجواهو ما حبيت اكسر الفرح و الحماس الجواهو
ابتسمت ليه : بشوف و بديك خبر
ضحك و دسى وشو بين يديه و تاني قعد يعاين لي: يعني راضيه و ما حتزعلي؟؟الحمد لله الحمد لله ربنا يقدم الخير
...
رجعت البيت و انا مبسوطه و مشاعري ملخبطه شويتين💙
حكيت لامي و ابوي
امي: استخيري ربنا والفيه خير ربنا يكتبو
ابوي: فهد زول كويس و زول عرفناهو و انتي اتعايشتي معاهو بس برضو ده ما بيكفي انتي حتعيشي العمر الباقي ليك كلو لا يوم لا يومين القرار الحتاخديو لازم تكوني مقتنعه بيه💙
انا: فعلا والله كلامكم صاح💙💙
.. رقدت في سريري و بقيت بفكر لقيت تفكيري كلو ناحية انو هو اول ما عرف اني ببادلو الشعور اخد الخطوة الجاده عشان يبدا من طريق صح💙
فهد قريب مني كتير بس برضو ده ما بكفي لاني اوافق ساي .. واقف معاي في الصعبه و في الشده قبل ما يجي يوم الحلوة و كم مرا بقع و ما بلقى يد تسندني و انا بعيده غيرو💙 صليت صلاة الاستخارة و نمت💙
... انا و فهد قاعدين سوا وسط جناين و ورود و بساتين و حوالينا كل البحبونا امي و ابوي و نور و علياء و نبيل و ريمان و وهج و دنيا و نصرو و طاطا و علي و اختو منن و ابوهو عمو يعقوب و اهل فهد التانين💙
و فهد بتبسم و بضحك و انا مبتسمه و مبسوطه و فجأه صحيت💙 اخذت نفس و استوعبت انو ده حلم .. عاينت للساعه لقيتها 7 مشيت اتوضيت و صليت المغرب و دعيت ربنا و مشيت لامي .. لقيتها بتحضر في التلفزيون قعدت و حضرت معاها و حكيت ليها اني حلمت بعد ما صليت الاستخارة قالت لي ما تحكيه لي بس لو الحلم كان فيهو فرح و بهجه وافقي و لو فيه حزن ارفضي لانو الحلم بعد الاستخارة بالموضوع الاستخرتي فيه معناها دي اشارة من ربنا ليك
ابتسمت ليها و مشيت قعدت في الجنينة حقتنا و قعدت اعاين للورود و للشجر و افكر في الموضوع ده لقيت نفسي مرتاحه و قلبي ما رافض الموضوع مشيت شلت دفتري و قعدت افضي الجواي فيهو💙
.. عدى يومين من كلام فهد عن الموضوع ده و قررت الليله اديه قراري اتصلت عليه و اتفقنا نتلاقى في كافيه كده
.. مشيت و قعدنا طلب قهوة
شربت شوية من قهوتي: بالنسبه للموضوع الانت فاتحتني فيهو المرة الفاتت لسه على رايك؟
فهد عاين لي بتوتر: اي ايوة لسه على قراري و حتى لو رفضتيني ما مشكلة
ابتسمت ليه: و منو القال ليك اني رافضه انا ما عندي مشكله فيك عارف ليه
فهد بابتسامه:لييه؟
انا: لانو انت فهد و قلبي معلق بكل ما هو فهد
فهد قعد يضحك: الله الله الله .. و انا قلبي ما فيه غيرك و اوعدك ما حتندمي على قرارك ده
قعدنا و اتونسنا و قال انو حيدخل معاي لاهلي و يتكلم معاهم
.. وصلنا البيت اتقدمت و فتحت الباب و كلمت امي و ابوي و فهد دخل
قعدنا في الصالة و مشيت عملت عصير و قدمتو لفهد و انا جاية من المطبخ للصالة سامعه ابوي بقول: جود وحيدتي و حبيبتي و انت كنت ليها خير اخو مع انك غريب بس بقيت قريب ليها اكتر من ناس كتار و انا ما هاميني شي في الدنيا دي غير انها تكون فرحانه و مبسوطه و انا ما عايز منك غير انك تكون ليها زي ما انت هسه حنين و عطوف و ما تتغير عليها لاي سبب و لو ما بتقدر تستحمل بتي يا ريت ما تجازف لانو المجازفه حتأذيها هي .. نزلت مني دمعه على خدي من كلام ابوي حسيت انو انا مالكه الدنيا بابوي ده💙
فهد رد على ابوي: ابشر ي عمي ما حاتغير و ما حاكسر كلمتي و انا لو ما استحملت جود استحمل منو و انا صبري ليها طويل ماليهو حد و اوعدك يا عمي ما حتشوف الا و هي فرحانه💙
دخلت و قدمت العصير و قعدت جمب امي و انا مبتسمه
ابوي : شوفو الوقت المناسب لاهلك و تعالو فيهو و بعدها لو حصل اتفاق نحدد الخطوبة
فهد: الجمعه كيف
ابوي : خير
و فهد مرق ..
يتبع......💙
