هيامنا🌹💕
13...
محمد رد لنور: اهاا طيب انا ماشي غرفتي ارتاح حبة و اجيكم كلهم: طيب امشي😊
قريب وقت العصر جود و نور و امها بدو في تجهيزات الغداء نور: جود عليك الله ظبطي لينا سلطة روب سمحه من يدك😋❤
جود : بس كده!! ما طلبتي شي يستيي طيب😂
و ضبطتها و رصو الغدا و قعدو كلهم ☺❤
اثناء ما هم بياكلو
فهد: امممم😋❤ تسلم يدك يا خالتو سلطة الروب خطيييرةة والله😻❤
اسماء 'ام نور' : تسلم يا ولدي لكن ما عملتها انا عملتها جود☺❤
فهد مدهوش: والله ما شاء شكلو يدك طاعمه في الاكل😋❤
جود ساكتة
نور : والله هي ماشاء الله في الطبخ خطييرةة😻❤
فهد: خليها تعلمك فالحه تاكلي بس😂❤
جود: اعلم منو 👀 دي خليها تعرف تعمل بطاطس اول شي بعداك اعلمها
نور: زاتو ما بتعلم منك خلي ده يتعلم و اشرت على فهد😂
جود ما باقي ليها الا تقوم تخنق نور 😂😂
فهد: والله انا على الاقل بعرف حبة حاجات ما زيك لكن لو ممكن تعلميني ما عندي مانع '' و ابتتسم ليها ''😊❤
نور بتعاين لجود و جود بتحمر ليها
جود: جدن ما عندي مشكله
'' و بلعت ريقها و كملو اكل
جود و نور في المطبخ بغسلو في العده
جود : هسي في داعي لحركاتك دي يومك زاتو ياخ
نور : و انا هسي قلت شي؟
جود : اسكتي اسكتي
نور : خلصتي ؟!
جود : اي مارقه اقعد برا
نور: طيب امشي و بلحقك
جود مرقت و قعدت في الصالة جا قعد معاها محمد اخو نور و اتونس معاها اثناء ونستهم
محمد: سمعت من نور انك بتكتبي
جود : اي بفضي بيها عن نفسي و كده
محمد : كويس والله دي موهبة فذة حافظي عليها
جود: ان شاء الله .
نور : جود تعالي ثواني
جود: جاية .. ثواني امشي لاختك
محمد: اتفضلي
عند نور و جود
جود: على فكرة اخوك اظرف منك
نور : اخطبو ليك؟!☺
جود: حسبي الله بس الزول ما يشكر ليك زول
نور : ارح شيلي ديل و انا بشيل الصينيه نوديها بره
جود : ارح
طلعو بره لقو فهد ماسك جيتار 🎸 و جمبو محمد و جلال و في بت ماسك ندى اخت نور
جود سلمت على البت و نور برضو
نور : دي اخت فهد الاصغر منه اسمها منن ❤ منن دي جود😊❤
منن: اتشرفنا يا حلوة☺❤
جود ابتسمت : الشرف لي حبيبتي
فهد : ليكم مني في اللمة الحلوة دي اغنية على ذوقي هاا كيف و كيف 😆❤
جلال: يا سلام والله طوالي
محمد : تسلم ياخ اصلا لي زمن من قعدات و فرفشات زي دي
جود : هو انت بتعرف تعزف ؟!☺
فهد : ايوه من سنتين كده
نور : يلا انا حاكب ليكم القهوة مع كيكه جود الخطييرة دي
منن: فهود عليك الله غني حاجه ظابطه
فهد : بس كده من عيوني منونه😂
نور كبت القهوة و جود قسمت الكيكه و قعدو القعده كانت كالأتي : نور و جود جمب بعض 💕 منن شايله ندى❤ محمد يمين فهد و جلال على الشمال ☺💕
فهد بدا يعزف و يغنى غنى اغنية :
لو تعرف الشوق
انت يا المريود
ما كان بتروح
و تنساني 💕
.. جود كانت بتدندن معاه في سرها و مغمضه عنيها
فهد لاحظ ليها بعد خلص
فهد : جود تحبي تغني لينا 👀💕 وابتسم
جود : ااا انا؟!
فهد: يب انتي كلنا حنغني و انا اخترتك انتي بعدي
جود : طيب ''اعزف اعمل ليك ايه''
فهد : يا سلاام اكتر اغنيه بحبها
نور : جود من كتر ما بتحبها ماعطانا ليها معط
فهد : يلا نبدا
جود : طيب يلا
غنو مع بعض و جود كانت مغمضه عيونها لانها لو غنت و هي مفتحه بتتلخبط و فهد مرة يركز مع الجيتار و مرة مع ملامح جود و اصواتهم منسمجه و حلوة مع بعض و الحاضرين الباقين بعاينو ليهم و مندهشين في الانسجام ده😂💕
بعد خلصو
منن: حلوويييينن وربي حلوينن منسجمين شديد مع بعض
محمد: اي والله ❤
نور: اصواتهم متقاربه
جود: تسلمو 😊
و غنو و اخدو قعدتهم و طول القعده فهد بتذكر جود لمن كانت بتغني لمن اذن العشاء
جود: يلا استأذنكم انا بطلع بعد كده
فهد : ونحن برضو حنطلع نوصلك معانا
جود: لالا والله مافي داعي
منن: كيف مافي داعي يبت الدنيا ليل
فهد: صحيح كلام منن الدنيا ليل و ما معروف شنو يحصل
جود: خلاص طيب
ودعت نور و اهلها و طلعت❤
يتبع.....❤
