. 30
بلسان فهد..
رجعنا و الفرحه ما سايعاني و الابتسامة ما مفارقه وشي
بعد وصلنا مشيت لامي في غرفتها لقيتها قاعده في السرير رقدت في رجولها بقت تخلل يدها في شعري
قلت ليها: يا امي لو تعرفي قدر شنو انا مبسوط ما حتصدقي والله
امي: الله يديم الفرح على قلبك و على قلبها واضح من عيونها انو هي بتريدك شديد
اخدت نفس و طلعتو و قلت : اللهم امين .. بحبها شديد والله يا امي هي الوحيدة القدرت تملك قلبي و تحتويني .. ادعي لي يا امي ادعي لي
امي : داعيه ليك ي ولدي والله
.. مشيت غرفتي بعد اتكلمت معاها حسيات نفسي اغني حاجه او اعزف حاجه المهم اطلع فرحتي .. مسكت جيتاري و قعدت في سرير و فاتح صورتنا انا و جود يوم عرس نبيل و خاتيها قدامي
بديت اعزف '' صدفه عيوني شافو
الليل الباكي نور
يا ايامي ربيعي
حبي معاك ازهر
فيها الطير بيغني
فيها الطيير بيغني
و من الحاني بيسكر ''
و انا بغني و منسمج و مبسوط القى منن جاتني داخلة بتضحك علي😂💛
منن: الله الله جود ي بختها بيك و ي بختك بيها
ابتسمت ليها : انا الليله ما اظن انوم من الفرحه والله بحبها شدييد شدييد والله عايز اقيف في اعلى مكان و اصرخ و اوري العالم كلو انو دي حقتي انا 💛
منن: والله جود تنحب الصراحه طيبه و قلبها ابيض و بريئة
عاينت في صورتها معاي : و حلوة و خجولة و كتومه و عنيده و مثابرة ... رقدت على ظهري.. اخخ اخخ يا منن وربي لو قعدت احكي ليك عنها عمري كلو ما حاسكت
منن جات قعدت جمبي : الله يهنيكم و يبعد الحسد عندكم
انا: امين و يبعد لمى و فنن بالذات منها عشان ما اقتلهم و اشرب دمهم
منن ضحكت و مشت و انا رقدت بفكر في جود في بستمها في طريقة كلامها في صوتها في عيونها كل حته فيها اسراني اكتر من التانية نمت و انا بفكر فيها
.. بلسان جود..
صحيت الصباح اخدت نفس طويل صليت الفجر بعدها رقدت اخدت لي غفوة صحيت لبست فستان اسود مشجر كم طويل و طرحه زرعيه و اسبورت اسود عاينت لسلسل فهد لبستو و عاينت لروحي في المرايا عملت روج بينك خفيف و طلعت
.. و انا سايقه اتصل علي فهد ركبت سماعتي ورديت عليه
فهد بصوت مبحوح : صباح الخير يا كل الخير الفي حياتي
ضحكت : صباح النووور
فهد: عايزة تجنيني من الصباح اكتر ما انا متجنن ما تضحكي من الصباح ضحكتك دي من الصباح حتجنني
رديت ليه: حاضر سيد فهد اي اوامر تانية سعادتك
فهد و هو بضحك: انتي في الشارع ؟!
رديت ليه : امم في الشارع
فهد : خلاص يلا كم دقيقه و اطلع
انا: تمام سوق براحه فاهم براحه ما تتهور
فهد بدلع: مام تعالي سوقيني معاك
ضحكت ليه و قفلت الخط منه و وصلت الجامعه
لاقيت طلال بارك لي و بقى يشغلها لي
طلال: بالله استعجلو ياخ عايزين ربة زابطه
حمرت ليه: ربة شنو هاا اقل شي سنتين حتى العرس
طلال: الله يعين فود عليك والله
عفصتو و مشيت منه😂
قعدت في بينش كده و ماسكه تلفوني اسمع صوت طقطقه اصابعين
رفعت راسي لقيتها فنن ابتسمت ابتسامة استخفاف
فنن: هه قايلة روحك منو حبيبااه فهد ده للمى و بس لمنو للمى و بس و تحلمي لو هو بحبك
ضحكت و وقفت على حيلي: انا خطيبة فهد يعقوب الاحمدي لا انتي لا لمى ما حتسو شي بعد كده و بعدين انتو مرخصين نفسكم على الفاضي.. عايزة اتم كلامي فهد اتصل.. سوري ارد على خطيبي .. رديت ليه : الو اي ي قلبي جيت اي اي شايفاك جاي علي تمام يلا قفلت الخط عاينت ليها و ابتسمت فهد جا سلم علي في راسي و مسك يدي فنن بس بتعاين سلم عليها بعد اتلفت لي : الخبر انتشر و لا شنو
ضحكت و قلت ليه: شكلو كده فنن حمرت لينا الاتنين و مشت ضحكت قدرتي و عاينت لفهد
فهد: قوية حبيبتي والله ايوة خليك كده دوسيهم ي مجنناي ي معذباني ياخ💛
عقدت حواجبي و قلت: بالنسبة للحركة العملتها دي
فهد بحك في دقنو: حلوة صح و قعد يضحك
مشيت منه مسك يدي قلت ليه : قليل ادب
قال لي : بتأدب في بيتنا
عضيتو و جريت القاعه عندي محاضرة واحده قضيتها و مشيت الكافتريا قعدت مع طلال و بنضحك و نتونس فجأة في زول غطي عيوني بقيت اهبش في الوش و اليدين قام فاكاني اتلفت و هنا كانت المفاجأة😭💜
قلت بخلعه : نيبو ؟!سريسلي؟!
نبيل بجرني من انفي: يب ي بيبي جيت اقضي مع بتي الحلوة باقي يومها
اتشعلقت و جضمتو: اححيي بحبك ياخ ريمونا وين
وهو بستند على كتف فهد: و انا برضو.. مشت ناس امها
يادوب انتبهت انو فهد معاه قعد يحمر لي ساي
جاي قريب و جراني من اضاني : بتحبي منو ي قلبي قلتي لي
نبيل و طلال بيضحكو بس
قلت ليه : بحب بابا نبيل و بحب واحد كده اسمو خطيبي
فهد بقى يضحك و فكاني خبتو و مشيت قعدت جمب نيبو
نبيل: الباشا بيغير ي جود حرام عليك و قعد يضحك
قلت ليهو انا بعدل طرحتي : ما حرام و لا شي هو عارف غلاك عندي يغير ليه كان ما قلة ادب منه ساي
فهد قام و جا وراي وقعد يجضمني: عارف و بعدين زول عندو الحلاة دي كلها ما يغير عليها كيف اا؟ و لا ما كده يا طاطا
طلال و هو بيضحك : قوم قوم يا نيبو شكلو الجماعه ديل مطولين
طلال و نبيل مشو و فضلت انا بعاين للارض
فهد: القط اكل لسانك و لا اييه 👀
ضحكت و قلت ليه: خلاص قلبت مصري
فهد مسك اصابعي و قعد يلعب بيهم: اممم بكرة فاضية
قلت ليه: فاضية والله اصلا بكرة ما عندي محاضرات
فهد: امم طيب بكرة عاملين قعدة شبابية كده الاهل و كده و قلت اسوقك معاي اعرفك بيهم و ننبسط شوية هاا رايك
عاينت ليه : كويس حلو شوف باقي الشباب لو بجو عشان تكون قعده حلوة
فهد: حاضر بشوفهم .. ااا تعالي معاي بعربيتي اوصلك و ادي عربيتك لنيبو
قلت ليه: تمام
مشينا لعربية فهد اول ما ركبنا قبل ما يدور العربية مدا يدو للكرسي الورا و شال كيس كبير اداني ليه
عاينت ليه و ابتسمت و مسكت الكيس منه
فهد مسك يدي : بتمنى الجواه يعجبك و اشوفو عليك بكرة ي معذباني 💛
ابتسمت و قلت ليه: اكيد حيعجبني دام انو منك . و ان شاء الله ي مجنني💛
ضحك و دور العربية و مشينا 💛💛
.. يتبع..
س/ اكتر شخصية حبيتوها في الرواية☺💛؟
