31
دخلت البيت بعد ودعت فهد و قال انو حيجي يسوقني بكرة
سلمت على امي بقت تعاين للكيس و تضحك ي بختك بالود ده حبو ليك في عينيه واضح 💛
ابتسمت ليها وديت الكيس غرفتي و مشيت اتغدا معاهم اتغدينا و رتبت العده بعدها مشيت غرفتي عاينت للكيس شلتو و قعدت في السرير لقيت جواها صندوق اسود و ملصق فوق ليه كرت و وردة جوري حمرا💘
الكرت مكتوب عليه'' جميلة انت لا تحتاجين جمالا اخر و ما حيلتي اذا اريد ان ارى البدر في تمامه اجمل♥'' ي مجنناي♥
ابتسمت و فتحت الصندوق لقيت فيه فستان كبدي مشغول في طرف الكم بالابيض فيه شغل في النص زي حزام كده و مفرور شوية من النص شكلو عجبني شديييد لقيت معاه طرح بيضاء و شبط بسيط و انيق ابيض و ورد مجفف كتير انبسطت شديد لانو عارف اني بحب البس كيف و عارف اصغر تفصيلة فيني اتصلت عليه رد بعد اول جرسين
فهد: هاا ي مجنناي اشتقتي لي صاح
قلت ليه : فوود انا بحبك شديد والله انت احلى شي حصل معاي عمري ما لاقاني زول زيك حافظني و عارفني و فاهمني مع انو ما طولنا مع بعض بس انت احسن من الكانو معاي من زمان
فهد: و انا بحبك اكتر من اي شي يا جودي 💛 الحمد لله انها عجبتك كنت قايل انو زوقي ما حيعجبك
قلت ليه: ما يعجبني كيف وربي ده خطيييرر عديل ياخ دخل مزاجي شديد
فهد : اامم شوفتي الحاجات الفي الصندوق كلها؟
قلت ليه: ايوة شوفتهم
فهد : متأكده
قلت ليه: الفستان و الشبط و الطرحه تاني في شي
فهد: ايوة فتشي
قلت ليه : ثواني خليك في الخط فتشت بين الورد لقيت علبه سوداء صغيرة
قلت ليه: لقيت لي علبه كده سوداء صغيرونه
فهد و هو بضحك: حمد لله على السلامه يلا شوفي جواها شنو
قلت ليه : اوك
فتحت العلبه لقيت فيها خاتم فضة عليه الماسه صغيرونه
قلت ليه بفرح: فهد الشي ده حلووو شدييدد
فهد : حلوين عيونك ي قلبي كدي قيسيهو لانو ما متاكد من مقاس اصابع الشفع دي😂
قلت ليه: بقيسو بس اصابعيني ما اصابعين شفع دي اصابعين انثى فاهم ي بيبي
فهد و هو بضحك: احلى انثى والله عليك الله عيدي اخر كلمه دي
يا دوب اتذكرت قلت شنو قفلت الخط في وشو و مشيت اقيس الفستان و اوريه امي 💘
لبست الفستان و الشبط و جدعت الطرحه ساي و لبست الخاتم و ش السلسل لبستو عاينت للمرايا كان اقل ما يقال عنه خرافي💘 مشيت لامي في الصالة كانت قاعده بتحضر
قلت ليها :رايك يا مامي و قعدت اضحك
امي وقفت و عاينت للفستان : ما شاء الله تبارك الله حلو الفستان و لا حلوة انتي ما معروف 💛
ضحكت و قلت ليها: الاتنين حلوين
امي: كدي لفي النشوف الفستان كويس
لفيت حولين نفسي
امي : حاجه راقيه شديد و بسيط و انيق و حلو
بوست راسها : حلوين عيونك والله
..
صحيت الصباح
بعد فطرت دقيت على فهد اسألو كلم منو من الشباب
قلت ليه: صباااح الخير ي جمييل
فهد : صباح النور يا الاجمل من الجميل
قلت ليه: هاا كلمت منو من الشباب ديل
فهد:امم و الله كلمت نبيل و طلال و نصرو و عزمت صاحبي زياد و كلمت نور قالت بتجي مع محمد اخوها و وهج و دنيا و علياء ما عارف ما سألتهم
قلت ليه : الكلمتهم ديل جاين صح
فهد:ايوه
قلت ليه : خلاص تمام باي ماشه ادق ليهم
قفلت منه و دقيت على علياء و و وهج و دنيا فيد كول
قلت ليهم : هيي اسمعوني العصر لحدي المغرب فاضين؟
وهج : انا عن نفسي كل الفضاوة الفي دنيا
دنيا: انا ما عندي شي
علياء: ولا انا في شنو
قلت ليهم: فهد و شباب اهلو و كده عاملين لمه و عزمني معاه اساس خطيبتو و كده و عزم طاطا و نصرو و نيبو و نور تعالو انتو برضو عشان نرفه حبه
علياء: نيبو جاي؟ بجي معاه
دنيا: انا ما عارفه ما اظن اجي والله
وهج: غايتو انا حاسه انو مافي داعي امشي
قلت ليهم : اوك براحتكم يلا بصور ليكم الفستان بعدين
كلهم: اوك
..
جات الساعه 5 فهد اتصل قال انو جاي علي
لبست الفستان و جدعت الطرحه في كتفيني و لبست الخاتم و السلسل
فهد اتصل قال لي انو هو برا
ودعت امي و حصنتني و مرقت
فتحت الباب لقيت متكي على باب العربية و بعاين للباب
صفر صفارة طويلة: ياجمالك يا جمالك
قعدت اضحك
جا جمبي و مسك يدي و لففني حولين نفسي بعدها باس راسي و ركبنا عربيتو
كان لابس بنطلون جينز ازرق غامق و لابس قميص ابيض و مزبط دقنو و شعرو و لابس ساعه رولكس و مع خاتم الفضة اللابسو يلخم💘
فضلت اعاين ليه و هو سايق و بتكلم و انا سرحانه فيه
فهد: ههييي هاا سرحانه وين حبيبي
قلت ليه: امم والله انت الليله حلو زياده عن اللزوم كده ليه
فهد: احمم في مزز عايز الفت نظرهم
حمرت ليه و قرصتو في اضانو: حسك عينك تزوغ لوحده كده و لا كده عشان ما اقلعها ليك و اقتلها
فهد و هو بفك يدي من اضانو: خلاص خلاص هو انا اقدر اعاين لزول غير الملاك القدامي ده
قلت ليه:يلا خلي بالك في الشارع عايزة اتصور
اتصورت و بعدها اتونست مع فهد و وصلنا المنتزه العاملين فيه اللمه لقينا نبيل و طاطا و علياء واقفين برا
نبيل : ايه الحلاوة دي حيطقوكم عين
علياء: بالجد والله اتحصنو ياخ
طلال قعد يصفر: بركاتك يا شيخ فهد البت بقت مزه 😂💛
قلت ليه: من الله خلقنا مزز و لا ما كده
فهد و هو بيضحك: كده ي كده
.. دخلنا جوا كانو قاعدين في النجيلة لقيت نور سلمت عليها و فهد خلاني معاها و مشى لصحبو و اثناء ما انا و نور بنتونس
نور: هيي صحي ما كلمتك زياد صاحب فهد
قلت ليها : مالو
نور: ب بحبني و قال انو بعد فهد يخطبك خطوبة رسمية و كده حيجي يتقدم لاهلي 💛
ضحكت : سبحان الله وقعنا في اتنين اصحاب زينا😂💛
نور: اي كدي ارح نمشي لديلك نقعد معاهم
.. مشينا لقيت منن و محمد اخو نور و مبارك اخو فهد و كم واحد بقربو لفهد قعدنا و منن لزتني عشان اقعد جمب فهد شكلو هو قال ليها كده قعدت جمبو يميني منن و شمال فهد محمد احنا قاعدين و بنتونس جات جنات معاها لمى اول ما فهد شافني بعاين ليها مسك يدي زي كأنو بقول لي انا معاك مافي شي بيحصل
عاينت ليه و ابتسمت جو سلمو علينا جنات سلمت و قعدت
لمى : مبروك ليكم قررتو تتمو دينكم ببعض خلاص
فهد عاين لي و ابتسم : احسن قرار اتخذتو اني اتم ديني معاها
ابتسمت ليه و بعدها لمى قعدت جمب جنات
..بعد ونسة و مواضيع
احمد''ود عم فهد'': يخوانا بما انو القعده كولها كوبلز سوا بت ولد و بت بت و ولد ولد ارح نعمل فعاليات
محمد اخو نور: ارح اصلا مافي موضوع
احمد: يلا كل اتنين سوا يغنو مرة كل واحد يهدي غنية للتاني و المرة التانيه يغنو سوا
كلنا: فكرة حلوة
.. بدو يغنو و يغنو قام الدور جا علينا انا و فهد
احمد: احلى كوبل والله لابقين على بعض شديد يلا الفهد ابدعنا ولز ليه الجيتار
فهد قبل علي و ابتسم و مسك الجيتار
و بدا يغني ''
I found a love for me
Darling, just dive right in
follow my lead
Well I found a girl
beautiful and sweet
I never knew that
you were the someone waiting for me
'Cause we were just kids when we fell in love
not knowing what it was
I will not give you up this time
Darling, just kiss me slow
your heart is all I own
and in your eyes you're holding mine
Baby, I'm dancing in the dark
with you between my arms
barefoot on the grass
listening to our favorite song''
صوتو كان اقل ما يقال عنو فضيع كنت بعاين ليه بس و مركزة مع صوتو
بعد انتهي احمد و طلال و نصرو و محمد قعدو يصفرو
احمد: دورك ي مزة
فهد حمر ليه مع قولة مزه قام احمد قعد يضحك
احمد : حيلك حيلك ما قلت شي
فهد: خير خير
احمد يلا
قلت لفهد اعزف الحبيب الشاقني شوقو ابتسم و بدا يعزف وبديت اغني
''الحبيب الشاقني شوقو
كل حنان الدنيا فوقو
طالع بعاد العالي ذوقو
و الحمام اهداني قوقو
الجميل الباهي لونو
زي عيون الريل عيونو
احلى من الدر سنونو
ما بطيق الحال بدونو
كلموهو و قولو ليهو
قلبي حنى و مات عليهو''
طاطا قعد يصفر و قال لي: عجيبهه لكن
بعدها بقينا نتشاور نغني شنو سوا اخر شي اتفقنا على غنيه فهد بيعزف و بدينا نغني
فهد'' لوكان قلبي انا ما بريدك
ما كان حيريد انسان سواك''
انا'' لو كان قلبي مكتوب لغيرك
انا كنت سبتو ومت في حماك ''
فهد'' شلت سحرك حتى عطرك فيك كتبت الاغنيات''
انا'' جوا حضنك بلقى الغرام العشتو احلى الامنيات''
'' و انا غيرك ما حبيت و لا هويت
كيف ساقنا الهوى لي مكان فوق السماء
ساقنا و نسانا في حلمنا
فهد'' انتي و انا
انا'' انت و انا
قعدو يصفرو و يصفقو .. بعد مسافه قلت لفهد انو انا عطشت ارح نفتش مويه قمنا و مشين نفتش ..
وصلن كشك كده اشترينا و نحن راجعين لافتنا لمى
لمى بتهديد: اسمع يا فهد انت لي و بس لي و شنو و بسس و حتشوف براك في الاخر حتبقى لي
فهد مسك يدي شديد : انتي وحده مريضه و المريض معذور و انا عاذرك
مشينا وهي فضلت تكورك و تقول لي حيخليك صدقبني حيخليك انا اتوترت و خفت عليه و فجأة و نحن ماشين بقيت برجف فهد هداني و ودعنا الناس و مرقنا
... يتبع...💛
