26
الليله حنة ريماان يخواناا💙💙 مشينا نحضر الحنه انا و علياء
انا لابسة فستان اسود لامع تحت الركبة بشوية و كمو تلت اربع لبست معاه اكسسوار فضة و هيلز فضي و خليت شعري ستريت 💙علياء لابسة فستان نفس قصتي بس لونو كحلى معاه اكسسوار و هيلز دهبي ورافعه شعرها كعكه و منزله خصل💙
علياء: جوودد وربيي طالعه روووعه😭💙
ضحكت: ما زي روعتك ي دي الليله مجتبى ما حيخليك تطلعي😉💙
علياء: على كيف ابوه قالو ليه
مرقنا برا اتذكرت اني نسيت مفتاح عربيتي في الغرفه مشيت اجيبو و انا دايرة اطلع السلم اتصدمت في زول طالع من الصالون
انا : شتت سوري سوري رفعت راسي القاه فهد😨💔
فهد عاين لي : ما مشكله خير و مشى
مشيت جبت المفتاح و نزلت تحت و انا افكاري متضاربة كان نفسي اضربو كف بس مسكت نفسي و مشيت
مشينا الحفله كانت في بيت ناس ريمان و كالعاده بنات بس دخلنا و ماشاء الله تبارك الرحمن💙💙 جميلة حد الجمال لابسه فستان بنفسج نص كم و فوق الركبه مباشرة و مفرور شوية من النص و مع شعرها حكايه تانية خالص💙 الحفله كانت رابة و حلوة رقصنا و فرقنا و بعد انتهت رجعنا و نومنا طوالي💤💙
اصبح الصبااحح و شغالين ترتيبات و تجهيزات لحنه نيبوو و الاجواء الفرايحيه و الدلوكه عامه البيت💙
كنت في المطبخ و بتكلم مع طاطا و انو ليه ما جاي و كده و كنت بقطع في فواكه اثناء ما انا بقطع و بتكلم جرحت اصبعي قفلت الخط و غسلت الجرح بس الدم ابى بقيف لانو الجرح عميق مسكت اصبعي و قلت امشي اسأل علياء من المعقم و القطن وين جيت امرق من المطبخ فهد جا داخل و هو شايل صنيه الفطور الكانت عند الرجال .. كان لابس جلابية سمنية مع لونو و حلاقتو الجديدة تعقدد💙💙 عاينت ليه و ما حبيت اطول نظري فيه حولت نظري طوالي قام لاحظ اني مجروحه و الدم مالي يدي
فهد بخلعه: جود ده شنو جرحك شنو و كيف ومتين
عاينت ليه ببرود: قبل حضرتك تجي
جيت مارقه من المطبخ وقفني
فهد: ممكن تخلى الخلاف الحاصل على جنب و اقيفي ثواني
عاينت ليه و ما رديت مشى جاب بن مسحون
و بدا يكبو في الجرح و كان حار شديد و بشح و هو لسه بضغط الجرح بالبن .. بعد انتهى
فهد: البن كويس للجروح الزي دي
انا: شكرا ما كان في داعي تساعدني
فهد قرب مني و مسك اصبعي المجروح: ياريت لو اي جرح بتداوى بالبن كنت اتداويت و مشى
.. احترت يتداوى من شنو و جرحو سببو شنو
..
النهار كان حافل بالفرحه لينا كلنا .. و جا الليل و جا وقت حنة نبيلل💙
لبست فستان بصلي طويل مفرور شوية من النص و فيه حزام ورود سودا لبست معاه شبط عالي شوية و لفيت طرحه بصلية مع لون الفستان حجاب💙💙 و عملت روج بينك و اكسسوار
..مشيت اشوف اذا في شي و كده لقيت ابوي بناديني مشين ليه
ابوي: عماتك ديل جو ي بتي امشي سلمي عليهم
انا: حاضر بمشي ليهم
ابوي : الله يكملك بي عقلك ي بتي
مشيت و انا ما كنت عايزة اساسا امشي بس يلا حامشي ليهم
مشيت ليهم سلمت عليهم و قعدت معاهم شوبة بعدها مشيت اشوف عمتو سوسن وين و اساعدها و انا مارقه من الباب قبل ما اتحرك بعيد
عمتي فاطمه: شفتن بت اخوكم رافعه نخرتها مننا كيف لكن اصبرو ان ما ادبتها هي و امها ما يبقي اسمي فاطمه
عمتي بتول: اصبري ان ما عقرناها لواحد من صبياننا ديل و قعدناها في علبها
عمتي زينب ضحكت: هه والله و تلاته بالله ما حتشوف ليها نور من قرايتها الطايرة ليها دي
.. معقوله!!! ديل عماتي!! ليه بكرهوني كده!! عشان انا بت و ابوي ما جاب غيري!! في الاخر انا بت اخوهم ليه يعملو كده ليه ليه!!!
مشيت الغرفه و فكيت الحجاب و قعدت ابكي بكل حرقه على كره الناس الحواليني لي💔 لمى و فنن و عماتي و جنات و كتاار البكرهوني و كارهين لي الخير💔 استغفر الله و اتوب اليه💔
حسيت نفسي حيضيق مشيت غسلت وشي و غسلت حبة الميكب الكنت عاملاها و لفيت طرحتي و مشيت و انا مشتته في البحصل ده💔
..
شغلت نفسي بضيافة الناس و بقيا داخلة و مارقه و جا وقت حنة نبيل💙 حاولت اكسر الحاصل ده باني افرح و انبسط💙 نيبو لابس جلابيه و طالع عجييب و مزز💙 جابو صينية الحنه و بدو يختو ليهم الحنه و بعد ختوها ليه الحفله ربت زي الناس و نيبو ببشر ومبسوط 💙 بدينا نوزع الرز باللبن💙💙 اثناء ما انا بوزع مديت لفهد كاسه و رفعت راسي و يا ريتني ما رفعته كان لابس على الله زرقاء مخططه بالابيض خطوط رفيعه و لابس ساعه رولكس و كان طالع فظيع 💙 لمن لقيت نفسي سرحت فيه نزلت راسي و بقيت بعدل في باقي الكاسات
فهد خت لي ظرف في يدي: اقريه لمن تكون فاضية و مرتاحه
عاينت ليه و مشيت و انا بفكر الظرف فيه شنو
بعد وزعت الكاسات و انتهيت مشيت دخلت الظرف في شنطتي و نزلت تميت الحفله كانت حلوة و فرح نيبو و بسمتو طاغية على الحفله كلها 💙 شايفه فهد من مرة لمرة بعاين لي و بسترق النظر .. انتهت الحفله و رتبنا البيت و اي زول مشى ينوم الا انا مشيت على ظرف فهد💙
في الغرفه كانو معاي شوية من بنات اهلي من بعيد و بنات اهل علياء
ناديت علياء و جات قعدت جمبي
الظرف كان لونو بنفسج فاتح عليه قلوب بالاسود💜
علياء: الشي ده ذوقو حلو
رديت عفويا و انا ناسية انو علياء معاي: هو زاتوو حلو
علياء قعدت قدامي: اعترفتي اخيرا شوفتيي ترا انتي واقعه يختيي
حمرت ليها و فتحت الظرف لقيت جواه ورقتين و وردة توليب💘 مسكت الورده بقيت اعاين ليها بعدها طلعت الورق فتحت الورقه
'' وبقيتي لي سكة عيون
لاقدرت اطولك شان اجيك
لاقدرت من بعدك اكون
انا بيك ماليني الكلام
حركت بيك عصب السكون''.
لو كان الاعتذار حل كنت اعتذرت لكن برضو انا متأسف شديد💔 جود سامحيني انا ماكنت عارف ده الهيحصل .. نرجع سوا و نكسر الحواجز؟؟!
مديت الورقه لعلياء فرتها و عملت فيها متأثرة: عايني ما ملاحظه انو الود ده متمسك بيك و كده و انتي و لا هاميك يبت الولد حيموت لو ما صالحك
عاينت ليها: ما تحسسيني اني انا الما فارقه معاي انا ما عارفة زاتو ارسى على ياتو بر
علياء: امشي ورا قلبك و زحي عقلك لانو ما حيعمل ليك شي غير انو يقول ليك ابعدي
انا: ما عارفه اعمل شنو والله خليني اشوف الورقه التانية .. فتحتها
..
عارف انك بتحبي الورود شديد .. اصلا الزول بحب الحاجه البتشبهو و انتي زي الوردة دي 💜 ..
ابتسمت لانو هو متذكر اني بحب الورد مع اني قلتها مرة عفوية ساي💜 و ي قلبي ما تمشي على سكة الضياع .. لميت الظرف و نمت ..
اصبح صباح اليوم الجميل يوم
يتبعع.....
