جود: فهد!!😱💕
فهد : لاا خيالو☺
جود: الاستظراف ما لايق فيك
فهد: عليكك الله ادي الرقم ده برضو بلوك ي منفسنه
جود: اذا انا منفسنه انت شارد من تجاني الماحي☺
جود طق قفلت الخط و دقت لنور و علياء عشان يطلعو و كده .. بعد ما جهزو
جود : حنمشي ب شنو
علياء : نبيل و ماف 😔
نور : انا عندي زول ممكن يودينا
دقت لاخوها محمد قال ليها مشغول اتصلو ع فهد ☺
نور: قال ندق لفهد هو مشغول
جود : عاينة انتو اركبو معاه و انا بمشي بالمواصلات
نور: نعمم!!! مواصلات في عينك هسي بدق و تركبي زي الما حصل شي
علياء: هو انتي لاقيه زول يوصلنا يبت خليه يجي بس
جود : حسبي الله بس 😢 سمح حاركب كدي جيبيوهو
.. نور دقت ع فهد و قال قريب حيجي..
نور : هدا جاي
جا و سلم عليهم و جود تشيل و تحمر ليه 😂
فهد حب يفتح ليهم المواضيع بما انهم ساكتين
فهد: حابين تقرو شنو بما انكم على دخلة للجامعه و لازم تقررو
نور : حاقرا بصريات
فهد : اهاا تعالجي لينا معمشين العيلة و كده
نور : ظريف زريف😒
علياء و جود : ....
فهد : و انتو ما حابين تقرو جامعه و لا شنو 😂
علياء: غايتووو انا ما محدده
فهد : و انتي؟!
جود : .....😒
فهد : بت الفاضل ☺
جود: .....😒
فهد : اتبكمت الاخت دي و لا شنو 😂😂
جود: ما عايزة اقرا في شي تاني 😒
فهد : طيب خلي ابوك يعقد ليك اصلنن شكلك زيادة عدد في بيتكم ☺
جود : زيادة العدد البتلصقو في ناس م مهتمين بيهم اوك؟!
و سكتو
فهد فتح المسجل و جات غنية '' يا بعيد عن ديارك مصيرك تعود '' جود اتذكرت نبيل و انه ما اتصل عليها لسه و مشغول
جود بصوت مبحوح : فهد اقفل الغنيه دي
فهد : ابيت عايزها
جود كانت بتبكي و نفسها اتضايق علياء لاحظت ليها
علياء بخوف : جوود جوود اهدي يا بت نفسك حيتضايق
فهد وقف العربيه و التفتو هو نور عليها
فهد : انا نازل اجيب ليها موية تغسل وشها عشان ترتاح انتو خليكم معاها و نزل
نور : مالك يبت ياخ ما تبكي
جود وقفت بكى بس بتتنهد
علياء : جود نبيل انشغل بس ما تزعلي نفسك
فهد جا و جود نزلت غسلت وشها و ارتاحت و رجعت
فهد : ا اسف و الله ما قصد
جود : ح حصل خي ر
و ظلو ساكتين لحدي ما وصلو المطعم نزلو طبعن اول شي عملوه انهم يمشو ياكلو 😂💔
جود اكتفت بانها تشرب عصير و تاكل اسكريم و ديلك اتعشو عديل
اثناء ما هم بياكلو تلفون جود دق عاينت ليه و ابتسمت
''المتصل منوو؟؟!☺ نبييلل😂❤''
جود ردت
نبيل : بتيي السمحه ☺❤
جود : السافهني 😔💔
نبيل : يا جوود والله انشغلت كان عندنا اجتماع مهم و اول ما خلصنا جاتني اوراق لازم اوقعها و اقراها و هسي خلصتها
جود: و برضو مش مفروض من عز انشغالك تدق لي مش انا بتك😔
نبيل : المهم يا حلووةة الف الف مبروك عقبال ما تبقي في اكبر المراتب 😊❤
جود: الله يبارك فيك يارب😊❤ و اتونسو و قفلو
..فهد لاحظ لانها بقت مبتسمه و بتعاين للتلفون و فرحانه و عيونها بتبرق فرح😊💜 تلقائيا ابتسم ..
جود : عايزة اتمشى برا و قامت
فهد : اقيفي خليني امشي معاك الدنيا ليل
جود عاينت ليه بغيظ : اوك
و طلعو و فضلو يمشو و هم ساكتين
قاطع الصمت فهد
فهد : بتحبيه ؟!!😞
جود: هااا؟؟ منوو
فهد : نبيل البتبرق عيونك لمن يتكلم معاك😞💜
جود : ههه ممكن تقول كده و صلحت طرحتها
فهد: علي انا برضو😂
جود : ما دام عارف مالك طيب
فهد : نوو ثينق 😊
و فضلو ساكتين و بتمشو و في الاخر رجعو المطعم
في جانب اخر ...
.. : هيي يا منن هيي اخوك ده يباري في الشافعه صحبة بت خالو هيي يا بت هيي اخوك ده عاجبو فيها شنو وريني بس وريني دقو ليه و بي كل عين قوية تعال وصلنا و هو كمان ما صدق طوالي تلب و قام مشى ليهم
منن: يا خالتي الولد كبير و عاقل عارف مصلحتو و .. قاطعتها
..: مصلحتو ؟! مصلحتو في لمى بت اسمهان صحبة امك يا يمه قيافه و لطافه و ابوها وزير قدر الليله و بكرة يجي يحوم لينا مع شفع
منن: خالتي النقاش معاك عقيم انا ماشه ...
...
'' عرفتو لمى دي منو صحح؟!''👿💜
يتبع .....
