فترة الامتحانات انعزلت عن اي زول حواليني و بحاول قدر الامكان انو وقتي ما يضيع عشان اثبت نفسي من اولها كنت بمشي و ما عندي شغلة في زول حتى وهج بس بسلم عليها
...
انتهت ايام الامتحانات و جات اجازة السمستر كانت عبارة عن اسبوعين عديت اول ايام راحه في البيت و ونسة كان في حاجه جواي مفتقده فهد و حركاتو بس في حاجه تانية جواي بتقول لي ابعدي مع اني ما عارفة سبب التناقض ده شنو بس العارفاه اني و انا بعيده من الناس عموما ارتحت كتير شديد بس برضو كنت بتصل على نور و علياء لاني ما بقدر اتخلى عنهم💙💙
...
بعد 5 يوم من اجازتي و قعادي في البيت جا ابوي في اليوم ده و قال لي جاين ضيوف بعد صلاة العشاء جهزنا حاجات الضيافه و كده .. الباب دق
امي: يبت جود امشي افتحي الباب
انا: طيب .. عدلت التوب اللابساو و فتحت الباب اتصمغت في محلي واااتت!! فهد و ابوه و منن و نور و واحد كده ما عرفتو بس بشبه فهد
انا: اتفضلو اتفضلو
سلمت عليهم و لمن سلمت على فهد عاين لي في عيوني نظرة غريبة ما قدرت اميزها عتاب زعل كره شي من هذا القبيل جريت يدي و دخلت جوا جات امي و رحبت بيهم و مشيت المطبخ اجيب العصير جات امي وراي
انا: واضح انو انا اخر من يعلم بالجية دي صحح
امي: بنتفاهم بعدين
شلت العصير و اتصنعت الابتسامه و قدمت ليهم العصير بعدها قعدت جنب منن .. ابوي جا و جرو الونسة هو عم يعقوب
سألت منن و نور: انتو الولد المعاكم ده منو
منن وهي بتضحك: فهد ما وراك باقي العيلة يعني!! .. ده اخونا الكبير مبارك و بعدو فهد و انا و اختي الصغيرة جنات
انا: اهاا حلوينن ربنا يحفظكم💙
اثناء ما نحن قاعدين اتذكرت انو خليت الماسورة فاتحة في الحوش مشيت اقفلها و اوزع الموية اثناء ما انا بوزع في الموية من الحوش فهد جا طالع وهو بتكلم بالتلفون مع واحد في شي شداني خلاني اعاين لطريقتو و حركاتو و هو بتكلم ما عارفة يمكن شوق خفيف او شي كده بعد انتهى جاني قال لي: ممكن شوية من زمنك
عاينت ليه: اوك
قعدنا في مصطبة كده
فهد: جود ما ممكن توقفي حركات شفع يااخ خلاص ياخ انا اسف و حقك علي بس وربي ما بتهوني علي المده دي كلها
انا: فهد تصرفك كان بايخ والله
فهد: جود وربي الفترة البعدتي فيها مني فقدتك فيها شديد فقدت ضحكتك البترتب لي شتات يومي و فقدت صوتك و حركاتك و افتقدت فوود بالجد يااخ لقيت فيك كل شي لي
عاينت ليه مسك يدي و قال لي: جود توعديني انك ما تزعلي مني تاني لاني واحد احمق سااي لو انتي زعلتي بزعل برضو ..هااا قلتي شنو صافية؟؟!
ابتسمت ليه : صافية بس ما تكررها
عاين لي في عيوني مسافه طوالي قمت منه و دخلت جوا
... مسكت دفتري '' خريفي'' و بديت اكتب و افضي الجواي فيه
*'' اللمه جات من حيث لا احتسب ما عارفه ليه قلبي حن لمن شفتو يمكن لانو ده الزول اللمن ازعل بحاول بكل السبل يراضيني او لانو الزول الدافع عني بدل المرة كتير او يمكن عشان اي شي تاني بس ما عارفه بالضبط شنو!! انسان فجأة دخل حياتي و فجأة اتقرب مني و ارتحت ليه كتير و كيف و متين و بالسرعه ديي!! بس الفيه خير ربنا يكتبو''*
مشيت لامي قعدت معاها
امي: طبعن اول شي ابو فهد جا عشان يرد زيارة ابوك و منن انصلت و حكت لي عن الخلاف البينك و بين فهد عشان كده جا الليله ده شنو العبط البتعملي فيهو ده ؟؟
انا: ماما والله بس حركة زي دي ما بحبها و في الاخر اهو يستي اتصالحنا
امي و هي بتضحك: الولد ده ما شاء الله عليه يااخ حبوب شديد
انا: امم اي اي يلا تصبحي على خير ماسة انوم
امي: يلا و انتي من اهلو انا زاتي نعست
...
و عدت فترة الاجازة كلها طلعات و حوامه و جات الجامعه الحمد لله🙇💙
يتبع...💙💙
