35
... الليله اليوم الجميل 8.8 يوم لم الشمل لقلوبنا الجمعها ربنا في حب عفيف اخرو الحلال الحيتم الليله💘 الصباح ده مميز لانو حتى تاريخو مميز ده نفس اليوم الفهد اعترف لي فيه و هو قرر يعملو اليوم لزواجنا عشان يكون ذكرى ابدية ما ننساها💘
من الصباح وهج صحتنا و جلبطت لينا ماسكات في وشوشنا طبعن تجلبطنا و تنبز فينا 😂
بعد انتهت من الجلبيط خلينا وشوشنا تنشف و اتصورنا كم صورة للذكرى😂
.. الظهر جا و انا قاعده في غرفتي و معاي دنيا فجأة فهد دق لي فتحت الخط سامعت صوت المأذون:'' بارك الله فيكما و بارك لكما و جمع بينكم في خير ''
بقيت ببكي بس و سامعه صوت المباركه عنده بعد مسافه شال التلفون ورد لي
فهد: اوعدك انو حاكون ليك صديق و اخو و حبيب زي ما كنت قبل ما اكون زوج و اوعدك اني لكون مصدر ساعدتك و فرحتك و ما حاكون في يوم سبب حزنك و اوعدك انو كل ما ميلتي بتلقيني جمبك و بسندك💛 بحبك يا مرتي 💛
اكتفيت باني اسكت و دموعي نازلين
فهد: يلا يلا قشقشي دموعك ديل و غسلي وشك عايز اشوفك بعدين منوره💛 بحبك
و قفل الخط و مشيت غسلت وشي جاتني امي تزغرد حضنتني و بكينا بعدها جا ابوي باس راسي و حضني و بكى و قشى دموعو و دموعي وقال: اديتك لراجل و سيد رجال ابقي واعية زي ما انتي و اهتمي ببيتك و حافقدك يا نوارة البيت و حضني و مرق💛
... العصر مشينا انا و نور و دنيا و وهج و علياء و منن الكوفير...
زبطو شعري عملوه كعكه و زينوها بورد ابيض طلعت حلوه شديييد و عجبني شديد طبعا الفستان هدية من نيبو لحدي هسه ما شوفتو .. المغرب كده نيبو جا و كان داسي الفستان ورا ظهرو
نيبو جراني من انفي: كبرتي و عرستي لكن حتفضلي بتي البحبها شديد.. ومد لي الفستان و قال: حاجه بسيطه لليوم الحلو ده
الفستان كان حلو شديد و بسيط و انيق من النوع البحبو انبسطت شديد اوف شولدر من غير اكمام و قماشتو لامعه و مخنصر و حلو شديد شكرتو و هو مشى ..طبعا نور و علياء و وهج و دنيا من الشباين لابسين فساتين بيج طويله و الاكمام من الكتف لحدي اخر الكم فيه ورود بيضاء و عاملين شعرهم ويفي
..لبست الفستان و طلع حلو كتيرررر و مع التسريحه شي خرااافي
وهج:وبعلليي وبعللي ايه الحلاوة دي
دنيا صفرت: يا جميل انت
علياء: اتحصني اتحصني
نور : جمااال جمااااال يشهد الله ما ليهو مثال
ضحكت ليهم
منن: فهد حيجن لمن يشوفك والله
...العشاء جا و فهد دق لمنن قال ليها جاي و قرب من الكوافير انا خلاص لمن قالو قرب اتوترت بقيت بصلح في الفستان لحدي ما سمعت صوت الزغاريد و مباركه عرفت انو هو جا سمعت صوت زول جاي لحدي ما جا الحته النحن قاعدين فيها
فهد وقف في الباب : يا ارض احفظي ما عليك💛 و جا علي و باس راسي و يديني و قال: اتحصنتي؟
هزيت راسي بمعنى اي
ضحك و قال: احصنك تاني و خت يدو في راسي و بقى يحصني المصور صورنا لمن كان بحصني😂💛 بعد انتهى رفعت راسي و يا ريتني ما رفعتو 💛
لابس بدلة توكسيدو سودا و معاها ببيونه سودا و حالق حلاقة زابطه و مزبط دقنو و لابس ساعة رادو غايتو خفت عليه من عيوني قبل عيون البنات😂💛
فهد اتلفت علي: يلا
ابتسمت و قلت: يلا
البنات زغرتو و نحن مرقنا ركبنا في العربية سايق زياد و جمبه قدام نور و نحن ورا '' طبعا نور و زياد انخطبو😂💛''
ركبنا و اتحركنا
عاينت لفهد: انا جعانه
فهد عاين لي: تصدقي انا برضو جعان عشان كده جبت معاي بيتزا و ببسي من اللي يحبهم قلبك يا عمرريي😂💛
ضحكت و قلت ليه:بحبك يااخ يلا نسمي و ناكل
زياد قعد يضحك: ما حصل شفت لي اتنين مزفوفين للصاله بدل يترمسنو يقعدو ياكلو الا انتو😂
فهد: اترمسن انت بعدين يا برو هسه خلينا نحن في اكلنا عشان بعدين ما يقولو الجعانين الاكلو التورته ديل مالهم😂😭😂
قعدنا نضحك و بعد كملنا اكل
فهد شال المنديل و بقى يعاين لي و انا بعاين ليه و حصل فيلم هندي قصير على السريع كده
نور: تيري ميري جانا هنم
.. ما هذا ايها العاشقان الولهانان 😂😂
قعدنا نضحك لمن وصلنا الصاله فهد نزل و مد يدو لي عشان انزل لمن ختيت يدي فوق يدو المصور صورنا💛💛
دخلنا على غنية ''كلمت بيك انا نص ديني'' ابوي باسني في راسي و بشر لفهد و الناس تبشر لفهد
.. لحدي ما وصلنا الدايرة اشتغلت غنية فرنسية فهد وقف قدامي و مد لي يدو ختيت يدي فوق يدو قام خت يدي في كتفو و مسك يدي التانية و خت يدو التانية في خصري و بدينا نرقص السلو كنت خجلانه شديد ارقص قدام ابوي و اعمامي و خيلاني كده كنت منزلة راسي قام همس لي في اضاني : الخجل يخلوهو ليك ..بحبك💛
رفعت راسي عاينت ليه و ابتسمت
... الحفله كانت حلوة شديد و الناس بترقص و مبسوطه و ناس بباركو لينا لحدي ما جات جنات و معاها لمى و فنن جات باركو لينا
لمى: ربنا يهنيكم و يبعد عنكم الحاسدين
طبعا بقيت اعاين ليها بس و فهد برضو
لمى : عارفة انكم مستغربين فيني بس عايزة اقول ليكم سامحوني على الحصل و ادعو ربنا يتم شفائي و فاتت هي و فنن
جنات: انا اسفه يا جود ما عندي سبب اكرهك بيه
وقفت و حضنتها : ما تتأسفي في الاخر زي ما انتي اخت فهد انتي اختي برضو
جنات: اخوي عرف يختار بجد
و حضنت اخوها و مشت
بعد مشت فهد اتلفت علي و بقى يعاين لي
قلت ليه: المسامح كريم و لا كيف
فهد ابتسم: اكرم منك ما شفت
... الحفله انتهت و باقي الجرتق مشيت لبست فستان احمر و معاه التوب و الجدلة طلعو حلوين شديد غطوني بالقرمصيص وبعدها فهد جا رفع القرمصيص مني و باس راسي لابس جلابية الجرتق و الطاقية و الشال حاجه تانيه خالص💛
بعدها غطاني تاني و مسكني و طلعنا
دخلنا تاني بغنية''حصنوها بي باسين '' و الناس بتجي و تبشر لفهد طبعا ده كلو و انا مغطيه لحدي ما وصلنا الكوشة فهد رفع القرمصيص مني و قعدنا عملو لينا عادات الجرتف كلها الا بخ اللبن لانو انا قلت ليهم مافي داعي 😂💔 و الناس ربت و انبسطت
جات اللحظه الخلاص حنودع فيها اهلنا طبعا حنسافر بكرة شهر و نرجع لانو دي اجازة السمستر
.. ابوي كان واقف بتكلم مع فهد مشيت حضنت امي بكيت معاها قشت لي دموعي مشيت ودعت صحباتي و بكيت معاهم و لمن جيت اودع نبيل قبلت منه ما قبلت عليه
نبيل: بتي الحلوة ما عايزة تودعيني؟
قبلت عليه و دموعي عشرة عشرة: حشتاق ليك💔
نبيل مسح دموعي و طبطب على راسي: انا برضو
..انتهى موضوع الوداع و اتحركنا لشقه اجرها فهد عشان نقضي فيها الليل و الصباح نسافر.
ركبنا و فهد هو السايق المرة دي و انا طول الطريق ببكي و ببكي
فهد وقف العربية : يا بت مالك خلاص ياخ وقفي بكى
قلت ليه و انا ببكي: انا بكرهك ليه عرستني كان تخليني مع امي و ابوي سايقني منهم ليه
فهد : مهما خليتك و خليتك مصيرك تكوني مرتي و حببتي زي ما انتي هسي
....
وصلنا الشقه و نمنا و اصبح الصباح صحيت فهد صلينا الصبح سوا و بدينا نجهز لبست فستان اوف وايت ساده و طرحه كريمي و شبط اسود فهد لبس بنطلون اسود و تشيرت كحلي ..شعرو ما مرتب و جايط
عاينت ليه و ضحكت : تعال تعال
جاني طلعت في السرير عشان احصل راسو😂💔
بقيت بصلح شعرو بيدي: معرسة لي شافع طويل و عوير
فهد قعد يضحك .. بعد انتهيت شالني و بقى يدور بي: انا شافع ؟ انا شافع تمام انتي شنو يا نص المتر اتكلمي نزلني و طلعنا
... ركبنا الطيارة لحظة الاقلاع فهد مسك يدي: ما تخافي عارفك بتخافي من الحاجات البتعلا براحه بس ما تخافي ..شد علي يدي و خت راسي على كتفو ..
رفعت راسي عاينت ليه: يااخ💛
فهد بابتسامه: يااخ بريدك 💛 و نزل راسي على كتفو تاني
... الطيارة لمن اقلعت ما حسيت بي خوف نهائي لانو هو معاي💛...
نمت لحدي ما وصلنا ماليزيا نزلنا في فندق كده استقبلنا صاحب فهد 💛
قضينا ايام حلوه عديناها كلها ونسه و ضحك و طلعات و مرقات💛
.... الليله اخر يوم و بكرة حنرجع...
وانا واقفه في المطبخ بعمل في الفطور فجأة احس روحي مافي الارض التفت لقيت فهد فهد شايلني ختاني قدام باب الحمام
فهد : خشي استحمي و البسي الفستان الجوا و تعالي بتلقيني في الصاله
..لبست الفستان لونو سماوي و طويل و اكمامو شفون و محزوز من النص بلستك شكلو حلو شديد رتيت شعري و مرقت ..
...بلسان فهد....
اشتريت ليها فستان لونو عاجبني عليها شديد و جهزت ليها معاهو طرحة اوف وايت و شبط اوف وايت و متأكد حتطلع حلوه اكتر ما هي حلوة💛
..جود طلعت..
اول ما طلعت اتلفت عليها حلو شديد عليها زي ما اتوقعت مشيت بستها في راسها و شلتها قعدتها في الكنبه لبستها الشبط و لفيت ليها الطرحه انبسطت مني شديد و حضنتني😂💛 لمن حضنتني عامله زي الشافعه راسها ما واصل كتفي زاتو😂😂😂💛 بعدها مرقنا على البحر💙
..عدينا اليوم كلو في البحر
جريت الجيتار بتاعي: حابه اغني ليك شي معين و لا اغني براي
جود بفرحه : الله!!💛غني بمزاجك
..ابتسمت و بديت اعزف و اغني. .
''يا جميل يا جميل يا ساده
حبك جنني زياده
يا جميل حبك خلاني
انسى اهلي و حباني
يا جميل ياجميل يا ساده''💙
جود انبسطت كتير و لمن رجعنا وقفت لي في الباب جود: عاين خليك برا ثواني لمن اناديك تعال تمام
قلت ليها تمام
.... عدت زي نص ساعه بعدها نادتني💙...
جاتني في الباب: غمض عيونك و خش
عملت زي ما قالت و دخلنا فتحت عيوني لقيت المحل كلو شموع و تورته و كم هدية و معلقه صورى حوالينها
بقت تغني:Happy birth day to you💙
بالجد دي احلى مفاجأة لي💙 كنت ناسيه اصلا
ضميتها علي و بست راسها و شكرتها .. وقضينا ليله حلوة شديد💙.. هديتها كانت عبارة عن عطر و ساعه و على الله سماوية مخططه بابيض و مركوب ابيض💙 و الهدية التانيه دفتر اسود كاتبه عليه من برا فهدي بالابيض☁️ و من جوا خاته كم صورة لينا و تواريخ و كلام لي 💙 بالجد دي اكتر هدية اسرت قلبي لانو انا بحب كتاباتها شديد فكيف لو كتبت لي؟💙 بالجد بسطتني شديد 💙 التفت لقيتها نامت في الكنبة شلتها وديتها السرير وفضلت انا طول الليل اقرا في كلامها الكاتباهو لي لحدي ما وصلت اخر صفحه لقيتها خاته لي ظرف كده💙 فتحتو لقيت جواه ورقه مكتوب فيها'' الى من غير قلبي و جعلني احبه.💙
الى ذلك الفهد الذي يحبه قلبي دوما و ابدا.💙
.. أتعلم لست زوجي فقط! انت ابي انت اخي انت ملجأي ، مأمني انت امنيتي و امنياتي انت محبوبي انت مريودي انت صديقي و صداقي ، انت دنيتي و دنياي💙💙
احبك💙 اجل احبك انت بشعر المبعثر بعيناك الكحيلتان بحاجباك المقرونان بدقنك المهذب بطولك الفارع بصوتك المبحوح بصوت تنغيماتك بيداك اللتان يحتوياني💙 احبك ..💙 و ادعو الله ان يديمك لي ما بقى من عمري💙
.. بكل ود و حب و هيام و شغف ''زوجتك التي تحبك:جود''💙''
النهاية دي احلى نهاية مرت بي💙
......
....رجعنا و عدت سنين و انا و جودي اتخرجنا و حياتنا ماشه سمنه على عسل لحدي ما حصلت مفاجأة..
..بلسان جود...
يوم اثناء ما فهد في الشغل حسيت روحي تعبانه شديد و بطني طامه مشيت الدكتور عمل لي فحوصات
الدكتور بابتسامه: الف مبروك حامل في الشهر التاني
ابتسمت و ارتبكت: الله يبارك فيك
..مشيت البيت قعدت في الصاله و عملت الاكل البحبو فهد كلو عملت شيبس و سلطات و مكرونه بالبشمل و سامبوسه و كده صنف كده و رصيتهم و لبست تشيرت حلاوي و اسكرت تلت اربع و عملت شعري ضنب حصان💙💙
فهد جا مشيت ليه جمب الباب بعد سلمت عليه
فهد اتلفت على الاكل: معانا ضيوف؟
ضحكت: لالا انا و انت بس دخل و غير ملابسو و جا قعدنا و اكلنا و رتبنا الصحون و قعدنا في الصالة اثناء ما نحن بنحضر مشيت جبت الصورة حقت الموجات العملوها لي و ختيتها في ظرف
مديت الظرف لفهد: الظرف ده بيخصك
فهد شال الظرف: بيخصني؟ تمام نشوفو
فتحو و بقى يعاين لي غطى وشو و تاني عاين لي: انتي؟ انتي؟ بالجد؟ يعني؟ و قعد يبكي
مشيت ليه و قشقشت دموعو: حبيبوو ايوة حيحينا ننو يملا دنيتنا
فهد شالني وصلني لحدي السرير و رقدني: من الليله مافي حركة كتير و ما تشيلي تقيل فاهمه
ابتسمت و هزيت راسي 💙
....يتبع..💙
