هيامنا💙
7...
رجعو البيت و جود حمدت ربنا انها طلعت سليمه و نور قالت لبها تاني ما تجيني انا بجيك و فعلا جاتها و عدت معاها اسبوع و فضل اسبوع الاسبوع الاخير جود ما حبت تضغط على روحها و كانت بتقرا شوية شوية بس و مراجعات خفيفه خفيفه و مرات بتمشي لاستاذة الرياضيات اسمها نجلاء💙 بتديها امتحانات و مذكرات و جود بتحب شرحها شديد💙💙
....
الاسبوع مشى و جا يوم الامتحان كالعاده الناس كلها خايفه 😢💔
جود اول ما دخلت لاقت نور و قعدو يراجعو مع بعض
جود: نوورتي ارحح ناكل ياخ والله ما بقدر اكتر من كده
نور: اها جن الامتحانات جاك الله لي بس🌚💔
جود: انا ماشه يلا
نور: يلا
مشو اكلو و مع اخر حاجه الجرس دق🔔💔
امتحنو و جود طلعت قبل ما نور تطلع
قعدت مسافه لمحت لمى☺
نعرفكمم... لمى دي اكتر بت متفلهمه و عايشه الدور في المدرسة💅🏼💔 و على حس انو ابوها وزير الاعلام عامله قومه و قعده في المدرسة 🙂💅🏼
يلا هي صفراء طويلة عيونها سوداء سواد الدنيا كلو ☺ و شعرها مع رقبتها و نادرا ترفع الطرحه في راسها طوالي في رقبتها🙂 و لبسها خليع و شاذ و اليونيفورم بتاع المدرسة عاملاهو اضيق من اخلاقي زاتو🌚💔 و جود بتكرها و نور برضو😆
يلا نرجعع...
لمى كانت شايله كوب موية و هي ماشه جات مارة بجود و رمت فيها كوباية الموية😬💔
لمى بمياصه: اوبسس😮 ما شفتك
جود اتنرفزت :اوبس في عينك يا قليلة الادب يا ما محترمه قايلاني ما شايفاك و لا عشان بت حضرة الوزير حاعفيك لا والله😡💔
لمى رفعت ليها اصبعها: ههييييي انا ممكن اربي امك و ابوك و اربيك انتي زاتو هو امك و ابوك ديل ما بسو ظفر من ..
جود طاخ ادتها كف و كشحت فيها باقي الموية 😠: امي و ابوي ديل ما تجيبي سيرتهم على لسانك النجس ده و عاينت ليها من تحت لفوق : انتي كلك من فوق لتحت كومة نجاسه و البتقولي عنهم ما بسو ظفر منكم ديل ديل اشرف و انظف منك و مشت و هي بتبكي و خلت لمى واقفه
نور مخلوعه: في شنو يا بت مالك بتبكي
جود و هي بتتنهد : ع عايزة موية موية
نور : هاك هاك
جود غسلت وشها عشان نفسها ما يتكتم
نور بعصبية: التصبر لي بت اللذين دي والله ما اخليها
جود: يبت خلاص ماف داعي حتدخلي روحك في مشاكل و الدنيا امتحانات
نور: افف طيب
عدت المواد كلها على خير لحدي ما جا التوتر العالمي😢💔
امتحان الرياضيات و جود كالعاده تاكل و تقرا
في القاب جاتها نور و علياء و علي عشان يقرو او بالاصح عشان يعذبو جود في الشرح🙂💔
جور ما كانت عارفه انو علياء جايه
سلمى: جوووود جووود يا بت تعالي افتحي الباب
جود :حاضر ماما و فتحت الباب و بقت تصرخ و حضنت علياء
لمن جات تسلم على علي
جود : اهلين
علي : اهلين كيفك
جود: تمام ... يلا ادخلو
دخلو و شربو العصير جات نور لقتهم قاعدين طبعن كلهم بعرفو بعض
قامو مشو طلعو في غرفة جود و قعدو يقرو 💗
علي : ثواني ماشي و جاي
علياء : طيب
نور و جود : ده مالو ده😅
علي طبعا عامل زي جود واحد لو ما اكل و قرا ما بفهم😹💔
مشى جاب صحن مكسرات كبييير و جا
جود عاينت ليهو و ضحكت : الله ياخ مكسرات الحوب♥
نور بتضحك : يخوانا الفهم المع الاكل ده وراثه و لا شنو يا نااس انتو
علي ضحك لمن دمع : يخ والله بطني و عقلي ما بنفصلو عن بعض الا اكل حتى المخ يشتغل
علياء: والله انتو ديل همكم بطنكم بس ارح نتم قرايتنا
و تمو قرايتهم و ديلك رجعو💗
جود بعد ما ديل فاتو شغلت المسجل قالت تسمع ليها اغنية تروق مزاجها 😹♥
مع فتحة المسجل اشتغلت غنية ..
اعمل ليك ايه لو ترجعلي تاني
افرش ليك وروود
وانظم لك اغاني✨💗
غنية جود المفضله بقت تغني معاها لحدي ما خلصت و قفلت المسجل و نامت على كده💗
... يتبعع💗
