فهد بعد وصل جود مشى بيت ناس نور لقى ام نور و ابوها و ندى نايمين و نور و منن و جلال و محمد قاعدين بحضرو في فلم و خاتين فوشار و كيكة شوكلاته و حركات💛
فهد: ما شاء الله ما شاء الله حركات و بركات
منن: كيفف ياخ السهرة الليله صباحي
محمد: قعده زي دي ما بتتعوض لانكم كلكم حتنزلو جامعه و انا حقعد عاطل لحدي ما اجازتي تخلص☺
فهد: ليك مني اول يوم سايقك معاي و كده
محمد: جدن
نور : ارح جر كرسيك و قرب نتم الفليم ده
و قعدو لحدي ما انتهى الفليم بعدها بقو يشغلوها لجلال انك بعد كده حتبقى ممتحن و مافي ليك سهر و كده😂😂
....
نرجع لجود شوية
بعد رجعت و مشت على امها و ابوها و هم قاعدين في التلفزيون مشت غرفتها و طلعت دفترها و بدت تفضي الحصل معاها فيه و فرحتها بموقف فهد و انه ما انحاز للمى❤
.....
بعد ما فرتقو لمتهم و كل زول مشى على سرير
فهد كان قاعد مع محمد اخو نور و هو صحبو شديد
فهد: حموده
محمد: فهدد!!😠 لمتين بقول ليك ما تقول حموده يخ
فهد: اسف اسف خلاص معليش
محمد: كدي تعاال أسألك ضحكتك دي مالها من الضرس للضرس واقع في ياتو شارع يا خوي😉❤
فهد: اوباااا دي دايرة ليها قعده عديل و عدل قعدتو و عاين لمحمد
محمد: هاا قول دي منو و ساكنه وين عرفتها كيف قول
فهد:انا ما متأكد من مشاعري لسه و خايف اصنفو حب و هو مجرد انجذاب
محمد: لالالا بت تخلي فهد الاحمدي بحاالو يخاف من مشاعرو دي وحده جامده عااد
فهد: محمممد و معاه حميرة😒
محمد ضحك: خلاص خلاص
فهد: اا طيب البت ديبي اختصار بيست اختك المبستته المعسله '' معسله؟!!😂😂 ما علينا شكلو جعان😂😂''
محمد بدهشه: no way جود 😱❤ احب اطمنك انت بعد كده وقعت و ماف حد سمى عليك و جود حتشحتف ابو روحك لانها ما بتحب تظهر هي بتحس بشنو و كده ☺
فهد: وااووز ما شاء الله و انت عرفت ده كلو من وين 😒
محمد حك راسو: ااا من كتاباتها حتفهم كده
فهد: بجد هي بتكتب يعني☺❤ ما شاء الله والله كدي تعاال وريني كتاباتها دي و نتفاهم بعداك
جود كانت رسلت لمحمد كذا نص كاتباهم و اداهم لفهد عشان يشوفهم.. كانو عبارة عن 4 نصوص طويلة و الاخير متوسط
فهد بقرا النص و برسل في تلفونه😂😂❤
تم ال 4 و باقي الاخير
كان مكتوب فيه
'' يحبون و يغدرون لأي نوع من البشر ينتمون، لم يكن حبهم صادقا و لا عفيفا و لا يرضي الله حتى فهم يكسرون قلب تلك القوارير التي اوصاهم الرسول بهن و لكن هم كادوات التحطيم لا تترك شيء امامها الا وهو محطما ، أتحسبون اننا لا نشعر و لا نحس بخدوشكم الطفيفه ليست طفيف انما هي سكين تغز و تقلع من اعماقنا،،'' لو كان الحب كما تفعلون انت لما خلق''،، حتما انتم تشوهون الحب لا اكثر💔''
فهد بعد قرا كلامها حس بأنها مكسورة بالجد عشان كده يوم موقف لمى و كلامها دموعها نزلو و عاهد نفسو انو هو حيكون ليها علاج ما مرض💜
ادا محمد تلفونو و رقد في السرير بقرا في كتاباتها تاني و نام بعدها و هو بفكر فيها💜'' لينا الله ي خوانا😂.''
.....
انتهى الاسبوع و جا اليوم الحينزلو فيهو الجامعه و كلهم متحمسين الا جود متوترة ☺💔
يتبع...
