فهد و جود بعد رجعو لعلياء و نور عشان يمشو شارع النيل👀💜
و هم في الشارع
فهد: بمناسبة نجاحكم المبهر ده عندي ليكم سبرايز☺
نور بفرح: الله و هي شنو
علياء: اشعر بالشمار 😞💜
فهد: سبرايز يخواناا لمن تصلو 😂
جود: الله يستر ما يرمينا في البحر ☺💔
فهد ضحك : و اول زول حرميهو انتي👀
و سكتو مسافه
فهد: قربنا و ضحك😂💔
نور: خير اللهم اجعله خير
جود : وريني الخير يجي من وين و هو بضحك اكيد مصيبه
'' ترن ترن ترن صوت تلفون فهد خلاهو يسكت بعد كان حيرد''
فهد : ثواني و رد ع تلفونو..
فهد: الو .. ايوه .. اتظبط خلاص يعني؟! .. دسيس ي زولل .. هه يلا يلا و قفل التلفون
علياء: اشعر بالشمارر يغلي بالجد😶
جود: و الله الشمار شكلو موتنا يلا اشهد ان لااا إله الا الله😊
فهد: ما موديكم الدعم السريع انا اتطمنو و فكاها ضحكة لمن وجنتو ظهرت شديد👀💜
جود مع نفسها: ''وييي ويي وجنتو دي مالها سمحه كده هيي بسم الله انا مالي قال''😨 لاحظت لروحها منتبهة مع ضحكتو و زولكم داك يعجبكمم زاد الضحك زيادة لمن لاحظ ليها😂
جود طوالي حولت نظرها للشباك و ركبت سماعتها و ديلك طاقينها ونسة و جود تغني و تدندن لمن لاحظو ليها صوتعا بقى واضح قلعو منها السماعه☺
علياء: هيييي هاا نحن لينا ساعه بننبح و انتي و لا هاميك متين تعقلي بس وريني
جود ببرود: معليش لسع ما ناوية اعقل و بعدين بي حالتي دي مجننه بلد بحالها احمم احمم و عدلت قعدتها
فهد برفعة حاجب: دقيقه ياتو بلد دي☺
جود: منغولوغلو ي ده وهاك يا ضحكه 😂 غايتو فهد قرب يخش في العربية القدامو من النرفزة
وصلو شارع النيل كانت الساعه 10 💕
فهد : يلا ارح السبرايز قريب من هنا و غمز ليهم و نزل و ديلك نزلو بقو ماشين علياء و جود قدامهم و نور و فهد ماشين وراهم بمسافه
فهد: ي نور ي حبيبتي ي
نور مقاطعاه: عاين يا فهد من الاخر عايز تبقى صاحبها و تكون قريب منها خليها تعرفك كويس اول شي ياخ جود وربي لو ما عرفتك من ساسك لي راسك و لا حتعاين لزول اصلن☺💕
فهد و هو لاوي خشمو: دي حتلقى بلاوي و مصايب ي خرااشي لو فتشت وراي حتلقى بلاوي ووب ي فهد يحليلك البت حتجيب اجلك و تنشر غسيلك☺ '' لمن تكون الشريف الرضي و عامل مصايب و الناس بتزيد مصايبك من مافي ده البحصل😂''
نور: الولد جنى كرر علي يا خالي قريتو و علمتو و جنى ليك
فهد اداها حميرة: ماهو اعمل شنو يعني
نور: عاين ارح ارح الموضوع ده ما وقتو ☺
و جري مشت للقدام و خلت اللخو داك ورا براهو😂
فهد طقطق ليهم نظام وقفو و وقفو ليهو
فهد : انتو ماشين ساي كده و ما عارفين انا موديكم وين ارح وراي .. مشو وراهو
وداهم لمزرعه كده مخضرة و مع الاضاءة تحفهه😻❤
دخلو جوا المزرعه و اتخلعو بالشافوهم
نور بدهشه : واااي واايي ما بصدق ديدي و نصرو
جود بخلعه: ثواني ثواني يخ دقيقه انتو جيتو من وين كلكم .. فهد!! ما بصدق ما بصدق بتعرفهم انت؟! و عيونها دمعو 😔💔
......
باك..قبل 3 سنه ..💕
في مدرسة''.....'' اساس فصل سنه تامن 6 طلاب قاعدين سوا .. جود.. نور.. دنيا.. وهج .. نصر الدين.. طلال.. 💕'' ايوة ما تستغربو مدرسة مختلطه😂💕'' ديل كانو شلة جميلة جدن نوصفهم ليكم
.. دنيا حلبيه مزة عيونها عسليه قصيرونه كده و مجنونه بقولو ليها ديدي❤ وهج قمحية طويلة ملامحها جميلة و عندها شامه فوق شفتها باليمين تلفت النظر عندها عشق وثيق مع الاكل❤ نصر الدين طويل اسمراني حواجبه مقرونه عيونه ناعسه و ضحكته تووحفه لقبو في الشلة نصرو😂❤ طلال ده خليط اجناس امه اصولها سورية بس مربية في السودان و ابوه سوداني .. حلبي طوله وسط عيونه واسعه و زول فكاهي و زول ضحكه لقبو طاطا☺❤..
الشله دي اخوان كلهم في بعضيهم كده و ما برضو لبعض الشين و لمن امتحنو حزنو على فراقهم لبعض لانو صداقتهم 5 سنين في مدرستهم دي و فارقهم الثانوي😔💔
بس متواصلين مع بعض💕
.......
جود و نور نطو فيهم سلام و احضان و بكى و ضحك و كان معاهم ضمن الناس منن اخت فهد و علي سلمو كلهم على بعض
و جود عرفتهم على علي و علياء و حبوهم😂💕
و فهد سابقا عارفهم من نور '' نور و رادار الاخبار😂😂💕''
جود جات لفهد و هي بتضحك من الضرس للضرس و دموعها في عينها: فهد!! والله دي احلى مفاجأة في الدنيا كلها لميتني بسعادتي و اخواني البعدنا عن بعض بسبب القرايه و انت جمعتنا تاني يخخ والله بشكرك من كل كل قلبي
نور بفرحه: وييي فهدد ي قلبيي انت عسلل عاااسل والله فرحتني يخ😔❤
فهد عاين ليهم الاتنين و بي ابتسامه: يااخ اهم شي انكم فرحتو و انبسطو و تاني كلو هين يلا ليهم
جود : ثواني اكلم ماما اننا حنتأخر شوية و اكلها بناس ديدي ديل☺❤ وجرت شالت تلفونها
فهد و هو سرحان فيها : اخخ من الطفوله و الفرحه الممكن اخلقها جواك من اقل شي انتب مكركبه الجواي كلو يا جودي💕 عساها دايمه الفرحه ليك..
جود كلمت امها و امها فرحت لانها لاقتهم تاني'' امها بتعرف الشله و امهاتم و كده☺💕''
.. دخلو قعدو كلهم و مبسوطين
فهد: بالقعده السمحه دي و في المزرعه الدسيسه دي رايكم شنو نقلبها قعدة اغاني و ربة😉💕
ديدي: زااابط ي زولل بس اصدمني و قول لي انك بتعزف😶
فهد: يبب بعزف و بغني و القعده دي متكيف ليها عديييل و عاين بسرعه لبسمة جود☺💕
علي: نشوف الجماعه الباقين
طلال + نصر الدين: زابط
وهج: هييي من هسه جود تغني و من غير تفاهم 😆💕
جود: عيوني ليك وهوجهه👀❤
طلال: صوتك لسه زي ما هو و لا بقى اقبح☺
جود: اطمنك بقى فنتاستك في القباحه😂
فهد: منونه جيبي لي جيتاري من الطاولة ديك
منن: طيب و جابتو ليهو و صلحو قعدتهم بقت دائرة
و لمن بقت القعده دائرية فهد و جود بقو قصاد بعض ☺❤
فهد مسك الجيتار و عدلو و قال : افتتحها ليكم؟!
كلهم: اي
بدا يعزف و يغني🎶💜
اغنية سائلين عليك💜
لمن وصل لمقطع
'' سائلين عليك
قمر السما
المن جمالك
فتنتو 💜''
عاين لجود و قالها مبتسم💜
بعد خلص
طلال: اوبااااا شكلو في حاجه بين جوز اللوز ديل وأشر على جود و فهد و قال : فيشنو ي نتو عيني عينكم كده يفهد ما عيب عليك يلخو يخ😂
جود ادت ليك طلال حميرة: كل الموضوع يلخو انت انو انا مبسوطه و بس و كده و ادت ليك فهد عين 😂 خلتو يبلع ريقو 3 مرات😂😂💔
فهد: ااا لالا يخ مافي شي و ابتسم☺💕
نصر الدين: جودوو ارح غني ☺💕
جود: جدا ي نصروو 😆💕
فهد: هاا اي غنية؟
جود : الفطن الوسيم☺❤
فهد بدا يعزف و جود تغني
'' الفطن الوسييم
عرج ي نسيم
بلغو اشتياقتي و حبي
واعتيادي❤''
و كل ما تقول '' الفطن الوسيم'' ديل بشيلو معاها❤
فهد و جود عاينو لبعض نظام يلا
فهد و جود:'' لو سألوك عليا
قل لي منامو قل
اصلو شكايتو عله
والحب ليس إلا❤''
زبطوها زبطه عجيييبه و جات حلوة بصوتهم الاتنين❤
بعداك كلهم قالو:
'' مهما طال فراقي
او عز التلاقي
انا على عهدي باقي❤''
بعد خلصو
وهج: دييييييم صوتكم دمااارر احح يخ☺❤
و قعدو يغنو كلهم بالدور و فضل منن و علي اخر اتنين☺
منن غنت
'' الريد الخنتو
و القلب البعتو
انا قلبي معاك سافرت و شلتو❤''
علي حب يعمل لجود سبرايز و يغني ليها☺❤
علي عاين لفهد و فهد بدا يعزف🎶💜
علي بداها بمقطع
'' من كاسات محنه
ومن ينبوع حناان
فردوس و جنة
الوجن الحسان
كنت نعيم حياتي
و كنت منى الزمان
كيف هان ليك حبي
و دمعي الغالي هان❤''
علي اخد سكته جود طوالي بحماس:
'' اعمل ليك اييه
لو ترجعلي تاني
افرش ليك ورود
و انظم لك اغاني❤''
و كملو الغنية هي و علي💕
و اخدو قعدتهم و ونستهم لمن الساعه بقت ماشه ل 11 و نص قامو و ودعو بعض💕 و مشو
المرة دي رجعو معاهم منن و علي
و هم ماشين للعربيه جود اتقدمت لحقت فهد
جود: ااا شكرا تاني بالجد ما عارفه اردها ليك كيف 💕
فهد: العفو .. و بعدين شنو اردها دي يبت انا معتبرك اختي الصغنونه 💕☺
جود بابتسامه : شكرا فودي
فهد: فودي؟؟؟!😂😂 المهم بما انو بقى الموضوع شكرن و عفون ما تنسي تزحي البلوك😒
جود: اوكك و مشت ركبت العربية☺💕
ركبو و مشو و طول السكه بتونسو و جود شالت رقم منن 💕 و نزلو بيوتهم
اقتباسهه
'' اصدقاء الروح💕 انت ملاذي الآمن و الوحيد 💕 الفرحة لقلبي دمتم لي رفاقا و اخوانا💕''
يتبع....
** يخواناا الايام دي اعذروني مع الكهربا و الشبكه ☺💔**
