جود اول ما وصلت لقت امها لسه صاحية مستنياها
جود : مامااا وربيي الليله فرحااانه شديييد😢❤
سلمى: ان شاء الله دايما ي بتي لكن كدي النسألك
جود: اهاا
سلمى: فهد ده منو صحي؟
جود: هيي صحي نسيت اكلمك ده ود عمة نور و كده و لاقيتو عندهم كذا مرة وكده
سلمى: امم لا كان كدي تمام
جود: يلا انا ماشه غرفتي و انتي بعد كده نومي و مشت غرفتها..
.. جود طلعت دفترها و بدت تكتب💙..
فرحتي في اليوم ده فرحتين فرحة نجاحي و درجتي الحلوة❤ و فرحة شوفتي لاخواني البحبهم كلهم سوا .. دنيا و وهج و نور و علياء + نصر و طلال و علي ❤ كلنا كنا فرحانين بقعدتنا سوا و السبب الاهم في لمتنا فهد💕
.. ربي يحفظهم❤.. و كتبت تحت 23 ابريل يوم النجاح و اللقاء❤
و قفلت دفترها و نامت...
تاني يوم كانو عاملين كرامه بمناسبة نجاحها❤ و كده و من الصباح البيت اتملى ناس من قرايبهم و كدا
و من ظمنهم سوسن عمة جود و معاها سارة و علي و علياء💕
و بدو في تجهيز الفطور و توزيع الصواني و مواضيع الكرامه المعروفه❤ و نور جات و ساعدتهم و كده و بدو يوزعو في باقي الصواني
اثناء ما جود في المطبخ سمعت ابوها بناديها لبست طرحتها و مشت
حاج محمد: جود تعالي عمك ادم'' ابو نور'' داير يبارك ليك
و جات ليهم و سلمت عليه و كان معاه فهد
ادم: مبرووك ي جود و عقبال نشوفك في اعلى المراتب ي رب
جود: اميين ي رب ومبروك برضو لنور و ربنا يوفقها دايما
ادم: ان شاء الله ... ااا فهد ي ولدي امشي شيل الصواني من جوه
فهد: حاضر ي خال
ادم: جود عليك الله وريهو الصواني وين
جود: حاضر .. و مشت و فهد وراها و ادم و محمد مشو للرجال
جود و فهد مشو للمطبخ و جود ورتو محل الصواني و دخلت المطبخ تجيب العيش و جات طالعه بعد ختت العيش رفعت راسها عاينت ليهو💕.. كان لابس جلابيه و مظبط لحيتو و مع الساعه حاجه تانيه 💙جود سهت فيهو مسافه بعداك مشت المطبخ و انشغلت في الترتيب و كذا بعد ما الناس مشو ..
....
عدت الايام عاادية جدا و جود و فهد بقو اصحاب و بتونسو كل يوم و كدا و عملو قروب فيه دنيا و نور و جود و وهج و علياء و منن و علي و فهد و طلال و نصر الدين💕 و مقضينها ونسه و كدا
....
جا يوم التقديم .. جود قدمت في كذا جامعة لكن رغبتها انها تقرى طب الخرطوم 💙 طبعا بعد ما صرفت النظر عن انو فهد في الجامعه و كده😂💔 و نور اصلا محدده رغبتها و علياء قدمت لكذا جامعه على حسب نسبتها لانها ما محدده و علي رغبتو يقرا قانون الرباط و اما دنيا عايزة تقرا علم نفس النيلين و وهج رغبتها تقرا صيدلة الخرطوم و طلال رغبتو ادارة اعمال و نصر الدين رغبتو هندسة مدنيه كرري 💙...
ظهرت نتيجة التقديم نور و علي و دنيا و وهج و نصر الدين اتوفقو في تقديمهم 💙و علياء اختارت طب اسنان في الرباط💙 اما طلال و جود رغباتهم ما اتقبلت💔 جود اختارت انها تقرا صيدلة الخرطوم و اتقبلت 💙 طلال اختار محاسبه الخرطوم 💙 و فرحوو كلهم لبعض💙💙
...
عدت الايام و باقي للجامعه اسبوعين❤
.. وهج و دنيا و نور و جود نزلو يشترو ملابس للجامعه و كذا ..
جود و دنيا سوا و نور و وهج سوا و على كدا اتفرقو كل اتنين
جود: دندون
دنيا: اها لقيتي شي
جود: شوفي الفستان ده كيف حلو صح 💙
دنيا: ايوةة حيجي فيك لقطهه😉💙
جود: خلاص حشيل منه 3 بالوان مختلفه
و حاسبوهو و مرقو من المحل..
عند نور و وهج..
قعدو يتحاججو على اللبس مسافه و بعداك اي وحده شالت براها و طلعو و اتلاقو كلهم و رجعو💕
....
خلصو لف في السوق ورجعو كل وحده فيهم لي بيتها
.....
...على لسان جود 💛...
خلصنا لف و مشيه و جية في الملابس و رجعنا بيوتنا بس قلبي شايل عليه ثقل من ناحية بعدي عن رفيقة عمري حنفترق لاول مرة حاتقوى من غيرها كيف ما اعرف💔
نور و علياء هم دايما و ابدا ملاذي الآمن كيف من غيرهم حاتعود على مجتمع الجامعه الجديد ده💔 اخخ حفتقدهم جدنن😢💔
اخخ نفسي اقول ليهم بس حنعديها بكى و نويح☺💔
....
مسكت تلفونها و قعدت تقرا في الرسايل لغاية ما جات لرسايل قروبهم دخلت لقت الونسه حاصله و كده سألتهم:في شنو فايرين كده
نصر: بنتكلم عن الجامعه و كده😂
جود: امم و لقيتو شنو الخلاصه يعني
طلال: طول عمرك بتحبي الجاهز
نصر: هسي جود و طاطا و وهج مع بعض و ديدي و نور مع بعض و التوأم مع بعض و انا براي😢💔 حزييين والله لكن بنتلاقى و لا ما كده
جود: اكيد ياخ حنتلاقى كتير والله
طلال: شووف بالله يعني حنخليك قالل انا عن نفسي كل يوم في بيتك بجيك معاك معاك ي زولل😂
نور: غايتوو الاسبوعين ديل حيمشو برق بس
و اتونسو مسافه و جود كانت ساكته
فجأة فهد رسل ليها
فهد: جود
جود: نعم
فهد: حاسي انك زعلانه و لا حاجه
جود: امم لالا مافي شي بس عشان الجامعه و نور و علياء و كده💔
فهد: مصيرها القراية تبعدكم مهما قربتو الظروف حتباعدكم و حتعرفو قيمة بعض اكتر و حتشتاقو لبعض و ربنا سخر ليكم كده اما فيه خير ليكم او درس ليكم 💛
جود: و نعم بالله بس انا ما عندي اخوات و لا اخوان و هم اخواني و دايما معاي و انا عندي خوف من الاختلاط بالناس الما بعرف و هم كانو معاي ما بحتاج زول لس هم حينشغلو و انا حنشغل
فهد: على فكرة كلامك ده في الصميم عديل كده☺💔
جود: كيف ليه
فهد: ما معتبراني اخوك شايفاني شنو انتي نفسي يوم واحد افهم خاتاني في اي مكانه لانو كل يوم بتطلعيني في مكانه غير عن التانية و اغرب
جود: لا بجد والله ما قصدي كده انت اخوي شدييد والله اخوي الما ولدتو امي
فهد: اوك ي السمحهه😂💛
جود: فوووود ما تقول لي السمحه حاطعنك والله☺💔
فهد: فود و لا درنك هههععع😂😂😂💔
جود: امشي انوم احسن لي
و قفلت التلفون و نامت 🎶💜
...
جود صحت الصباح و مسكت تلفونها لقت رسالة من فهد💕
''تصبحين على واقع اجمل💕 و آمال اوسع💕 و درب بالنجاح مرصع 💕''
'' جودي💕''
جود ابتسمت و هي بتقرا الكلام ده دخلت جواها طاقه ايجابيه كأنو فهد كان عارف هي محتاجه لشنو❤
... عدت الايام و فضل اسبوع للجامعه و في الاسبوع المضى جود و فهد بقو اصحاب شديد و قربو لبعض اكتر💕....
جود و الشلة قضو الاسبوع ده في طلعات و ونسات
و في وحده من طلعاتهم اثناء ماهم قاعدين في الكافيه لمى و معاها فنن و لابسين لبس ضيق جو الكافتيريا ☺💔
و لمى شاورت لفهد من بعيد ''خفيفه و لفيفه يعملو ليها شنو😂'' فهد اصلا نوعية البنات ديل ما بحبهم و لا بطيقهم اصلا
منن: ويي فهد هيي البت دي جاية وين😨
فهد: بت منو
و قبل ما منن ترد لمى و فنن جوهم👿💔
نور عاينت لجود الكانت بتعاين لفهد و لمى شديد
لمى سلمت على فهد و فهد سلم عليها عادي و جات سلمت على منن منن مدت ليها يدها بس عشان ما تحضنها😂💔 و سلم على الباقين و لما جات فنن لجود و نور كانو بعاينو ليها بحقد و كره لانهم ما بطيقوها
فنن بعجرفه: هاي و عاينت لجود من فوق لتحت
نور: اهلين و عاينت ليها بكره
جود قعدت ساكته و عيونها من فنن ل لمى و هكذا
لمى: فهد ممكن نجي نقعد معاكم '' بتفخيم الجيم😂''
فهد : راي الجماعه اولا
كلهم وافقو طبعا لانهم ما بعرفوهمو علي و نور و جود ساكتين
فهد عاين ليهم مسافه نظام في شنو و ما اشتغلو بيه
و لمى و فنن جابو كرسين و قعدو معاهم😂💔
لمى اتلصقت جمب فهد و فنن اتلصقت جمب علي☺💔
''الخفة يخوانا انها الخفه المفرطه😆''
جود خلاص اتضايقت و حست انو نفسها حيكتم وقفت على حيلها و دايرة تمشي الحمام
منن : اقيفي خليني امشي معاك
فهد كان مراقبهم بعيونه لحدي ما اختفو حس بانو جود متضايقه من لمى و فنن بس ما عارف ليه و السبب
.. جود مشت الحمام غسلت وشها و قفت مسافه اخدت نفس
طويل
منن: جود حاسه بيك ما تمام في شنو
جود: مشكلة قديمه بس
منن: مع فنن و لا لمى
جود اخدت نفس و طلعتو: الاتنين كل وحده براها و ما اتوقعت انهم صحبات يلا ارح برا
منن:لو بتتضايقي خلينا نمشي
جود: لالا مافي داعي يلا ليهم
و طلعو ليهم
لقت فنن قاعده جمب علي و تتضحك معاهو و هو عادي معاهو انها تقعد☺💔 و لمى بتتخافف مع فهد و فهد ما شغال بيها و بعاين لجود الجاية من بعيد و لمى اتغاظت و قررت انها تبعد جود على طريقتها👿💔
لمى مسكت يد فهد و عاينت ليه: فهودي عاين لي في عيوني هنا و ابتسمت ليه👿❤
فهد حب يشوف اخرها وين: مالها عيونك ي لمى
لمى بدلع: شوفها انت و قول لي فيها شنو
فهد رفع حاجبو و ضغط ليها على يدها: عيونك ملانه كذب و حقد و كره و طمع و عجرفه اقل من كده ما اظن☺👏💔''يخواناا اين الجبهة لا اراها''
لمى جرت يدها و عاينت ليه بغيظ: احب انبهك انو الأنت عشمان فيها دي مقضياها من ده لده و من بيت لبيت زي الما عندها وا...
و قبل تتم كلامها فهد لوى ليها يدها و عيونه شرار😠 و قال بصوت عالي و نبرة غاضبه: اذا هي كده انتي كيف متوقعه انك حتلفتي نظري بلبسك الفاحش ده لااا والله و الف لااا لبسك ده قرفني منك على فكرة ي قذرة😠💔
جود سمعت كلام لمى و فهد و حرقها شديد و بدت تبكي و مرقت برا💔
طلال و هو بعاين لفهد: انا حمشي لجود
نور: و انا برضو ارح .. و مرقو
لمى بصوت باكي: فهد انت بتدافع ليها ليه شوف حمرت لي معصمي كيف ما حاغفر ليك عملتك دي و نزلت دموع التماسيح☺💔
فهد بغضب: معصمك ده المرة الجاية بشيلو ليك في يدك التانية 😠💔 جوود خط احمر ما توصليه فاهمه و لا لا
فنن و هي قاعده جمب لمى: شكلك بيش على فكرة و انت بتدافع ليها ما بتستاهل انت ما عارف عمايلها ساااي
علي بنهرة: فنن الزمي حدودك سكت ليك قبل كده لكن تاني ما بسكت ليك جود اختي قبل ما اعرفك انتي
دنيا اتدخلت مدافعه لجود: و شنو عمايلها و ما عمايلها انتي ناسية روحك يا بتاعت الاولاد يا صايعه يا ضايعه
و ردحو لبعض و فهد مرق يشوف جود💕
فهد مع نفسه: اوووففف يااخ البت دي لو ما امها صحبة امي كان كتلتها و ارتحت منها اوووففف يا رب ما تأذيني فيها عارف اني ما بستاهلها بس احفظها يارب نفسها ما بتضايق💜😢.... و مشى ناحية ناس جود اللي قاعدين في مصطبه لقى جود تاكله راسها على كتف نور و طلال ماسك يدها و بهدي فيها حس انو سببت جواها وجع كبير لانو جود القوية قدام اي زول مكسورة كده معناها الوجع كبير💔
فهد وقف قدامها و قعد في الارض قدامها و بقى قصادها مسك وشها بيديه و عاين ليها
فهد : اسف والله و مسح ليها دموعها💕
جود بصوت مبحوح : ما تتأسف انت ما عندك ذنب
فهد: الا لو ما انا سمحت ليها تقعد ما كان الجو اتعكر اصلا ده طبعها تخرب فرحة الحوليها على حساب نفسها
نور بزهج: المدرسة و انتهت و افتكينا من خلقتها جاينا بكل بجاحه بعد ما شافتنا متلمين و بنضحك لازم الحقد الجواها لينا يخربها لينا و لااا كمااان جايبة لينا فنن الصايعه بتاعت الاولاد و الكلام الفارغ اوووفف😤💔
طلال: ابردو يخواناا البت ما بتستاهل الفورة دي كلها
جود وقفت على حيلها و صلحت ملابسها: فعلا ما بتستاهل ده كلو ☺💙
فهد ابتسم ووقف على حليو: ايوة خليك كده جوود القويةة البعرفها و مسك يدها و ضغط عليها و عاين في عيونها مسافه💕
و دخلو جوا فهد وقف قدام لمى و قال : لو عايزة نهايتك على يدي خلي دمعه في خد جود تنزل بسببك انتي و لا هي''و اشر على لمى و فنن'' و مسك يد جود و ضغط عليها و مشو💕
فنن و لمى اتغاظو من دفاع علي و فهد لجود
و فهد قرر انو تاني ما يشتغل بلمى او فنن ابدن حتى لو مرو قدامو ما بسلم ليهم و لا بعرفهم☺💕
و رجعو و مشو كلهم بيوتهم
و فهد و نور و منن و جود رجعو سوا فهد نزل منن و نور في بيت ناس نور لانهم حيبيتو هناك و كده
و فهد مشى يوصل جود و في الشارع
فهد بصوت ملان حنيه: جودي 👀💜
جود: فوديي☺💜
فهد: زعلتي؟!
جود: ازعل ليه قال
فهد: ايوه كده انتي جود
و وصلها بيتهم ورجع بيت ناس نور❤
'' و كنت انت الكتف الذي كلما اشتد وجعي في هذه الدنيا اتكل عليه و لا يكل و لا يمل❤🎶''
يتبع.........💜
