36..
..
عدت شهور و وحمي كعب شديد بجي الساعه 3 او 2 صباحا😂💔
مرة صحيت فهد من النوم : قوم قوم دايرة كيكه شوكلاته هسي هسي هسي هسي و الا ما حاخليك تنوم
فهد بصوت ناعس: يااخ اتخمدي نومي دي شنو المزعجه دي افف
عاينت لي بزعل و قلت ليه بصوت باكي: انا اتخمد؟ انا مزعجه؟ شكرا و اعتبرني انا و الفي بطني متنا تمام💔 و طلعت و انا بشهق من البكى مع انو مافي سبب يخليني ازعل بس بقيت ما بستحمل الكلام الفترة الاخيرة...
..بلسان فهد..
كنت جاي من المستشفى متأخر و تعبان و على العلي مصدع شديد لمن جود صحتني كانت الساعه تقريبا 3 ونص لمن صحتني انزعجت شديد لانو انا تعبان شديد و ما قلت ليها عشان ما تشفق علي لمن قالت '' اعتبرني انا و الفي بطني متنا تمام؟'' كلامها زعلني من نفسي شديد انو كيف اقول ليها كده و انا عارف انو هي ما مستحملة اقل كلمه قعدت في نص السرير بفكر هسي انا اعمل شنو؟ مشيت براحه بطرف اصابعيني لقيتها راقده في الكنبة و خاته يدها على بطنها و بتتكلم:'' عارفه يا ننو بابا ده حقار ايوه بابا حقار شديد عارفة ليه؟ لانو هو ما بشتغل بينا انا و انتي لو كان شغال بينا كان اكلنا و كان عمل لينا الحاجه البنحبها بس يلا ربنا اداني واحد ما حنين علي بس بحبني، لمن تجينا حيحن علي و عليك و الله يجيبك لي ساالمه💘''
جيت قدامها و ختيت يدي في بطنها: ما تسمعي كلام ماما يا نوو بابا بحبك شديد و بحب ماما برضو بس بابا دكتور و الدكتور بجي تعبان و هسه بعمل ليكم كيكه شوكلاته ولا في احلامكم يلا خلي ماما ترضى عني💘
و بست راس جودي و دخلت المطبخ و جود بتوصف لي
.. خلصت من الكيكه و بردت و زبطتها و نظفت المطبخ و شلت صحنين و مشيت لجود
شلت قطعه دخلتها لجود في فمها: اكلي و اتدللي قدر ما تقدري💘
جود بعد اكلت: امممممم يااااخ يدك طاااعمهه يا زول تاني ما بطبخ ليك
بست يدينها:ياخ الله مديني سكر في سكر و حتلد لي سكر 💘
جود: ها البكااش ده اديني صحني جاي الننو ما شبعت
جضمتها: النوو و لا امها
....
جود دخلت في السابع و قالت حتتم باقي شهورها عند امها صراحه ما حبيت اقول ليها لا مع انو اتعودت عليها كتير
..
الليله وصلتها عند امها قبل تنزل بستها في راسها و وصيتها على نفسها و قلت ليها لمن تحتاجيني دقي لي
...بلسان جود...
وصلني بيتنا قعدت اسبوع
.. في يوم العصرية كنت قاعده في الحديقه و بكتب في دفتري عن فهد ختيت الدفتر جمبي و بقيت بغني
'' متى ستعرف كم اهواك يا رجلا
ابيع من اجله الدنيا و ما فيها
يامن تحديت في حبي له مدنا
بحالها و سأمضي في تحديها
لو تطلب البحر في عينيك اسكبه
او تطلب الشمس في كفيك ارميها
انا احبك فوق الغيم انقشها
و للعصافير و الاشجار احكيها
انا احبك فوق الماء انقشها
و بالعناقيد و الاقداح اسقيها''💘
كنت مغمضه فجأة اسمع صوت عزف و غنا
'' لو غربلو الدنيا
و نقو صافيها
انسان جميل متلك
ما انوجد فيها
حاولت للذكرى
للنفس ترفيها
انظم غناك اشعار
بالحب اقفيها
من المعاني اختار
ساميها صافيها
ارجع و اجد حسنك
في حقيبتو خافيها''💘
لابس جلابيه و طاقيه و مزبط لحيتو جا قعد جمبي
فهد : بريدك شديد ياخ
ابتسمت : و انا برضو شديددد💘
بقى بسألني من صحتي و ادويتي..
اتلفت لقى الدفتر بقى يعاين لي
قلت ليه: نو نو نو ما حتقراهو ابدا ابدا
فهد بصوت طفولي: مش انا راجلك حبيبك عايز اشووف
شلت الدفتر مديتو ليه قعد يقراه و هو مميل راسو في كتفي و خاتي الدفتر بطريقه اقدر اشوف معاه و بلعب في شعرو لحدي ما وصل الجزو البكتب فيه عنو عامله ليه جزء مخصوص عشانو كاتبه عليه'' فهدي'' و راسمه حوليه قلوب رفع راسو عاين لي و ابتسم ورجع راسو بقى يقرا لحد ما وصل للجزء الكتبتو قبل ما هو يجي كاتبه فيه
'' احبه و افتقده بشده.
افتقد صوته الرنان الجميل، افتقد طوله الفارع عندما يقف بقربي اصبح قزمه، افتقد طفولته الدائمه معي.
لم اكن اظن يوما انه هو من سيكون وتين قلبي، متى احببته لا اعلم و لكن ما اعلمه هو انني بجواره اشعر بانه اخي و ابي و مريودي و من ثم زوجي💘.
يا رب احفظه لي و لا تحرمني منه ما طال من عمري💘.''
فهد باس يدي و شال القلم و بدا يكتب
'' طفلتي التي احب.
انك طفلتي و قلبي و روحي و زوجتي.
ساكون لك سندا و ظهرا و اخا و ابا و زوجا ما حيت يا جودتي💙''
''سمرا يا ام عيون وساع و التنورة النيلي💙
مطرح ضيق ما بيساع رح حطك بعيني💙''
و مد لي الدفتر
فهد: ممكن ارجع لمكاني تاني و لا خلاص؟
عاينت ليه : تعبتني ياااخ راسك تقيل
فهد رفع حاجبو: خير خير ما مشكله
.... عدت ايام و ايام...
كنت قاعده في التلفزيون مع امي بنحضر فجأة بطني وجعتني شديد امي لبستني العبايه و مشينا المستشفى و قلنا لفهد يجي في المستشفى
.. بلسان فهد..
كنت البيت اشتريت كم حاجه و قعدت دقت علي جود قالت لي انها بتتوجع و ماشين المستشفى
ما عارف متين وصلت المستشفى
مشيت لقيتها خلاص مدخلنها العمليه بست راسها و يدينها و طمنتها في حين انو انا المحتاج يطمنوني اكتر منها بس حاولت اتقوى قدامها
... دخلوها العملية و انا بقيت ماشي و جاي و ماشي و جاي و التوتر و الخوف و القلق حياكلو قلبي💔
.. الدكتور جا مارق جريت عليه
قلت ليه بخوف: بشر يا دكتور ان شاء الله كل خير الدكتور ربت على كتفي: كل خير اتطمن كويسين الاتنين و جابت ولد
ابتسمت ليه و مشيت قعدت في اقرب كرسي و مالقيت الى دموعي بنزلو مني بحاول اداري عليهم بس ما بقدر اخدت مسافه ما كان زعل كان فرح و عدم تصديق
جاني عم احمد: هاك يا ولدي امسك ولدك بين يديك
يديني كانو برجفو مسكت ولدي ضميتو على صدري خفيف خفيف و رجعتو لعم احمد
.. قالو جود صحت
دخلت ليها
عاينت ليها و بست في راسها: حمد لله على سلامتكم
جود ابتسمت : الله يسلمك وينو عايز اشوفو
رديت ليها: ختوه في الحضانه مسافة تصحي
جو عم احمد و خالتو سلمى و نبيل و امي
حمدلو السلامه
.. جات الممرضة مدت لي البيبي💘
شلتو و قعدت جمب جود
ضمتو عليها و باست راسو و بقت تعاين لي
قلت ليها: ربنا يجعلو من الباريين الصالحين
جود: اللهم امين
عاينت للبيبي و رجعت عاينت لي: ممكن نسميه نبيل؟
ابتسمت و طبطبت على يدها: و مالو نسميه نبيل .. نبيل فهد يعقوب الاحمدي💘
.... يتبع..💘
