بعد وداع و بكى و حراق روح جود على سفر نبيل رجعو البيت 😊
....
عدا اسبوع و باقي اسبوع للمنتظر النتيجه '' كرر 😢💔''
جود و فهد علاقتهم كانت سطحية كل الفترة دي و فهد لاحظ و حب يسألها قام اتصل
جود في نفسها : اوووففف ده مالو .ردت
جود: اهلا خير ... قالتها بزهج..
فهد : انتي انطوائيه ولا شي !
جود : لا بس ما بحب اتكلم كتير
فهد: مع الناس كلها و لا انا بس
جود : وانت ماالك ي شيخ😑
فهد : صحح بالجد انا مالي ومالك
جود: اكك افصلها و فرتق براي ما نقصاك
فهد: بس كده من عيوني
جود قفلت منه وادتو بلوك من المكالمات
عند فهد...
فهد بتكلم مع نفسه : هي قايله روحها منو لمن تحظرني ما كفايه اني جيت على نفسي و انا البادرت بالسؤال و الكلام بسس اخخخ منهاا فيها شي جاذبني ليها براءتها الدايمه والظاهرة في كلامها 💕 و عيونها الجميلة البارقه💕 اخخ يا رب ما تأذيني بيها لو ما لي 💕...
... و قضت جود ايامها الماقبل النتيجه في توتر و ترجي رب العالمين انو ما يضيع تعبها و يحقق ليها حلمها ..
و عدت الايام واصبح صباح 23 ابريل .. يوم النتيجه..💕
عند جود ..💕
صحت مع اذان الصبح و صلت و دعت ربنا بانو يفرحها و كانت مطمنه و ما متوترة بعد ما صلت فرضها مسكت دفترها البتحبو و بتكتب فيه كل شي او زي ما مسمياه ''الربيع المبهج'' بدت تقرا كلاماها الكتبتو قبل 10 سنين 💕 من ما بدت تكتب الجواها فيه ..
فتحت مقدمه دفترها و اخدت نفس طويل و قالت ليه : و جا اليوم الافارقك فيه و ابدا سكة جديدة مع جود جديدة و دفتر جديد بس ما حنساك و ضمت دفترها عليها و بدات تقرا الصفحه الكتبتها وهي في عمر ال8 سنين .. و قعدت تقرا في دفترها و دموعها مالية عينيها لحد ما انتهت منها نزلت دمعه باردة على خد جود خلتها ترتعش ..
و مسكت قلمها و بدت تكتب اخر كلام لجود بت الثانوي الحتتحول لجود البت الجامعيه ... كتبت ..
...،،'' 23 ابريل عمري في هذا اليوم هو اجتهاد و مثابرة و كفاح و تحدي ❤ مرت علي عشر اعوام و انا اطمح لاكون كما اريد و بكدي و جدي و ليس بمال ابي و ها انا اليوم على اخر ساعات تفصلني من تلك الطموح ف ها أنا جود ذات التسعة عشر خريفا لا ازال اطمح و تعلو طموحاتي كلما زدت عام بالعمر و لكنني اجزم انني لا ازيد عمرا بل ازيد طموحا و اليوم انا اغدو الى مرحلة مفصلية اما ان اكون كما اريد و اما ان لا اكون .... دفتري ❤ ما انت الا الربيع المبهج يزدني امل و قوة و كنت لي خير خليل 💕 و صدق من قال خير جليس في الزمان كتاب ❤ و كنت انت كتابي الدائم و جليسي الاول و كما عهدت عليك منذ ان ملكتك سنقف هنا و لن اقف عن ما اكتبه فسيكون لك رفيق اخر هو ''خريفي''❤ ...
** و ما خلقت الطموحات الا لتتحقق فيا ربي اعني على تحقيقها ** ''،،......
و قفلت دفترها بعد ما كتبت اخر شي ليها فيه فتحت واحد من دفاتر نبيل 💕 الجابهم ليها كان في واحد لونو زهري خفيف و فيه نترات فضية كان اكتر واحد عجب جود فشالتو و كتبت على اول صفحه خريفي 🍁❤ و قفلتو و ختتو مع دفترها في الدرج و اخدت غفوة ...
صحت مع الساعه 8 و دعت ربنا و مشت لامها و ابوها صبحت عليها و باست على جبينهم و دعو ليها بانو ربنا يحقق ليها املها 💕 حاج محمد اليوم ده حب يقعد مع بته و يتخلى عن زراعته و شغله و بمسكهم للعمال و يقيف جمب بته في يوم زي ده *'' الاب نعمه و سند''*
و جات الساعه 9 و المؤتمر بدا ☺❤ و الناس كلها منتظرة و مترقبه
و كالعاده معطة ناس المؤتمر الفي البداية دي بتخلي اعصاب الممتحنين على الاخر😂
حاج محمد : جود دخلي رقمي جلوسك
جود: اي دخلتو بس عايزة احضر المؤتمر هدا بدو يزيعو
و زاعو كذا طالب و طالبه لحدي ما قالو : مدرسة ..
جود : دي رابع مرة يزيعو من مدرستنا
بعدها قال : اسم الطالبه .. جود محمد الفاضل عبد القادر
جود شهقت 😱❤ قال: النسبة 92.3
وبعداك بدا موضوع البكا و الاحضان من امها و ابوها😊❤
حاج محمد دموعو في خدو و قام و باس راس بتو: طول عمرك رافعه راسي و معلياه الله يحفظك
بعداك بدا موضوع التهاني و المباركه و الكلام ده👀❤
جود اتصلت على باقي الناس بما انها ما تمت باقي النؤتمر لقت نور جابت 89 و علياء 91.9 و علي 87 و باركو لبعض و كده ❤
فجأة تلفون جود دق لقتو رقم غريب ردت
المتصل: الف مبروك ي جود و ربنا يوفقك اكتر و اكتر و مزيد من التقدم يا رب
جود : الله يبارك فيك
المتصل : ما عرفتيني؟! 😊❤
جود : لا والله
المتصل : زول مدياهو بلوك من اسبوع
جود شهقت : فهد !!!😱💕
يتبع ....💕
