32
مشينا وفهد سايق و زهجان و معصب و بدق في الديركسون من التعصيب و انا دموعي ما قادرة تقيف خايفه على فهد خايفه افقده لانو بالجد ما ضامنه لمى ممكن تعمل فينا شنو
التفت على فهد : فهد روق خلاص
عاين لي بطرق عينه و ولع سجارته و هو ساكت
بقيت اكح من ريحة السجارة: فهد اطفيها ياخ
فهد انتبه رماها من الشباك و التفت علي: اسف اسف حقك علي
فجأة جا نور قوي علينا
صرخت في فهد: فهد فهد الشاحنه فهد !!!
فهد بقى بحاول يزح من الشارع قبل ما تجي و بخاول و بخاول و الشاحنه جاية مسرعة طاااخخ دخلت فينا و تاني ما وعيت لشيء💔
.. بلسان سلمى ام جود..
الساعه ماشه ل 9 ونص و لسه ما جات قلبي مقبوض عليها شديد دقيت عليها مرتين مافي رد المرة التالته رد
...: الو السلام عليكم
الخوف اتحكر في قلبي: وعليكم السلام منو معاي بتي وين
...: معاك ضابط مرور لقينا التلفون ده في شنطة البت العامله حادث و جا واحد قريب الولد ساقهم لمستشفى .....
انفعلت فيهو: كيف يعني و هم حالتهم كيف والحادث كيف بتي كيف
....: دخلت فيهم شاحنه و الضربة ما قوية شديد بس الجروح كتيرة و ان شاء الله سالمين
.. قفلت الخط و مشيت كلمت حاج احمد في رواقة عشان ما يحصل ليه شي
دقينا لنبيل قال انو مشى ليهم
.. وصلنا المستشفى و اعصابنا تالفه خايفه افقد وحيدتي المرقت بيها من الدنيا
مشينا لقينا نبيل و علياء و نور و محمد و اخوات فهد و اخوه و امهم و ابوهم و كم نفر
قعدت في اقرب كرسي و مالقيت نفسي الا ببكي و بدعي ربنا يقوم بتي بالسلامه
علياء و هي بتبكي: خالتو خلاص اهدي شوية
بصوت مبحوح من البكا: اهدي كيف وريني اهدى كيف احي يا بتي الله يقومك لي
... عدت 3 ساعات الدكتور العند فهد مرق و قال حالتو استقرت و باقي يصحى من الغيبوبه
مشيت عليه : يا دكتور عليك الله طمني بتي كيف
الدكتور وهو بحك في عيونه: نحن مرقناها من مرحلة الخطر كان حصل ليها كسر في كم ضلعه و ضغطو على القلب و حاليا حالتها كويسة بس مستنين النبض ينتظم و الحمد لله الاتنين ما حصل ليهم نزيف في الراس بس باقي لمن يصحو نشوف اذا في الم في جزء معين
قشيت دموعي و شكرتو و مشيت قعدت
...
عدينا يومين في المستشفى و مافي اي جديد ليهم ..
اليوم التالت ..
الممرضات داخلات و مارقات من غرفة فهد
ام فهد: هي انتو في شنو ولدي مالو بتتجارو مالكم
مبارك: اهدي يا امي امي جات الممرضة: حمد لله على السلامه المريض صحى
.. خبر صحيت فهد دخل فيني امل انو بتي برضو حتقوم ..
.. بلسان فهد...
فجأة فتحت عيوني شوية لقيت في ضوء قدامي فتحتهم شويه زيادة بقيت اعاين يمين شمال ما عارف انا وين كل المتذكرو انا جود كانت معاي وهسه هي مافيشه مشت وين ؟
جات الممرضة داخله و مرقت دخلو كم واحده بقو يفحصو فيني بعدها عدلو لي السرير
بصوت مخنوق: ج جود جود وين
الممرضه عاينت لي بعدها امي و ابوي و منن و مبارك جو داخلين
امي قعدت جمبي في السرير و باست راسي: حمدلله على السلامه يا ولدي شفقتني عليك
ابتسمت بس لانو ما قادر اتكلم
ابوي: حمد الله على سلامتك ما تشوف شر
مبارك: شنو لكن يا الفهد وقعتنا قلوبنا معاك والله
منن بس كانت بتعاين لي و دموعها بتنزل
.. الناس بدخلو و يمرقو يحمدلو لي السلامه
جاني نبيل
حمدل السلامه وقعد معاي
قلت ليه: ج جود جود وين ليه ما جاتني ز زعلانه مني؟
نبيل و هو موطي راسو : لسه ما صحت والله ادعي ليها تقوم بالسلامه
و مرق
...
عدت تلاته ايام
فيها اتمشيت في ساحة المستشفى مع انو كنت حاسي بالم في قدمي من الجرح الفيها بس برضو بتمشى
مشيت للدكتور المتابع حالة جود
اخدت نفس و قلت ليه: ممكن بس ادخل اشوفها على الاقل قلبي يطمن بشوفتها عليك الله يا دكتور خليني ادخل
الدكتور : بخليك بس 10 دقايق
شكرتو و لبست اللبس الاداني ليه و دخلت
..راقده زي الملاك وشها عليه شوية رضوخ في الجبهة من الحادث و يدها مجبصة واضح انها انكسرت و مركبين ليها جهاز ضربات القلب و جهاز اكسجين و ساقها ملفوفه بشاش وقفت عاينت ليهاو قعدت جمبعا في الارض وقلت ليها: يا جودي انا اسف💔 سامحيني انا عملت كده فيني و فيك بس ربنا اراد كده صح💔 يلا قومي سريع و بردي قلبي ي حبيبي طيب؟💔 بست راسها و يدها و مرقت و انا موجوع عليها شكلها و هي راقده كده مؤزمني نفسيا شديد💔
...
الليله جود تمت اسبوع و منتظرين و ما صحت فجأة الدكتور بقى يمشي و يجي من مكتبو للعنايه المرقدة فيها جود و الممرضات يتجارو اتوترت و خفت و خلاص ما مستحمل حاجه اول ما الدكتور جا انفعلت فيه : صحت صاح ؟ قول لي صحت و لا لا؟ هي كويسة و لا لا؟ لو ما كويسة عشان نوديها لمستشفى تاني
الدكتور وهو مبتسم: اهدى يا شاب اطمنك الزولة دي صحت و ضرباتها انتظمت و اي شي عندها كويس هسه حننقلها لغرفه
شكرتو و انا مبسوط مشيت لعم احمد و خالتي سلمى طمنتهم و حمدلت ليهم السلامه و مشيت صليت ركعتين شكر و جبت بلح وزعتو على ناس المستشفى و بعد ما الناس وقفو من الدخلة و المرقة دخلت ليها💘
لقيتها مغمضة عيونها
قلت و انا داخل: حمد الله على سلامتك خوفتيني عليك💘
ابتسمت لي و ما قالت شي
مشيت قعدت جمبها بست راسها و يدها: ما انحرم من شوفتك و من شوفة عيونك الحلوين ديل يا رب💘
طبطبت على يدي و ابتسمت لي : ف فهد انت ك كيف ك كويس ؟ ما يكون جاك ش شي
ابتسمت : كويس بيك انتي ي حبيبي انا كويس لمن اكون معاك لمن كنت في غيبوبة كنت بجيك مرة مرة بحنس الدكتور و اجي اشوفك اتكلم معاك و اطلع لو ما كده والله ما كنت قدرت اقيف انتي قوتي💘
ابتسمت لي و بعدها مرقت منها
...
عدت ايام و جود طلعت من المستشفى عملنا كرامتنا و قسمناها
...
عدت ايام و نزلنا الجامعه امتحانات طوالي و اتفقنا انو بعد الامتحانات باسبوعين نعمل الخطوبة💘
...
بلسان جود..
عدت الامتحانات و باقي لي سنتين و فهد نازل اخر سنه ليه و شغلو ماشي معاه كويس💘
... باقي اسبوع و الخطوبه متوترة من اليوم ده قبل يتم زاتو😂💛..
الليله مشينا نختار الدبل انا وهو
فهد لبتاع المحل: داير احلى دبل عندك
بتاع المحل: قررت تتمم دينك خلاص 💘 ربنا يسعدكم
فهد: اميين
الدبل كلها حلوة اخترت الجو قدر مقاسي و فهد اختار خاتم فضة النوع التقيل داك 💘
...
اصبح صباح اليوم الحتتم فيه خطوبتنا ☺
علياء و نور و وهج بايتين معاي
علياء صحتني من صباح الرحمن و جابت ماسك مسحت وشوشنا كلنا
علياء: ها العولاقات ديل عاملين وشوشكم الضاربة دي ابقو بنات شوية
قعدنا نضحك و اتونسنا بعدها قعدنا نرتب في البيت مع امي
..
المغرب اذن امي كشتنا كلنا قالت ليهم يجهزوني ما عرفت روحي خطوبتي و لا عرس
رسمت نقش خفيف في اطراف اصابعي
الميكب ارتست حقتنا طبعا وهج بتعمل ميكب حلو شديد
... لبست فستان كحلي طويل و مفرور من النص مشغول من الرقبه و الاكمام و الخصر بالا شكلو رهيب شديد و مع الميكب البسيط العملتو لي وهج طلع حلو اكتر حجبت طرحه سمعت الزغاريد جايه من الحديقه اتوترت شديد وهج هدتني و نور و علياء نزلو
امي جات حصنتني و نزلنا
.. بلسان فهد لما جود جايه...
فجأة اصوات الزغاريد علت و رفعت راسي لقيتها هي و امها جاين علينا من جوا البيت
لمن وصلت ممر الورود البين الحديقة و البيت شكلها بقى زي الاميرات اسرت قلبي اكتر ما هو مأسور بيها💘
جات و وقفت جمبي ابتسمت و قعدنا النسوان بيزغردو و انا قلبي مع كل زغروده بزغرد معاهم 😂💘
منن جابت الطبق الفيه الدبل شلت الدبل و المحبس لبستهم ليها و الزغاريد علت ابتسمت في خجل و دنقرت راسها
منن مدت ليها الطبق و شالت الدبله حقتي عشان تلبسني ليها مديت ليها يدي و انا مبتسم الهبلة بدل تلبسني ليها في الخنصر لبستني ليها في الوسطى عاينت ليها عدلتها في الخنصر و ضحكت لبستها الغوايش و السلسل
.. بلسان جود...
بعد لبستو دبلتو رفعت راسي لابس جلابية بيضا و طاقيه بيضا و شال مزخرف اخرو بكحلي و مزبط دقنو بطريقه حلوة و لابس ساعتو الرولكس
..
الناس بدو يباركو لينا
جات جنات زغردت لينا و معاها لمى و فنن ..صراحه اول مرة احس بانتصار زي ده نظرت لمى و هي بتعاين لي بعد ما باركت لينا حسستتي انو اخيرا رجعت ليها الضربة
..
بقينا نحن الشباب في الحديقة و الكبار في البيت جوا
شغلو المسجل و ربوها ربة صاح
..
منن جابت كمرتها و قالت لينا ختو يديكم جمب بعض صورتنا صور حلوة و كل ما تصور صورة الشباب يصفرو 😂
فهد التفت علي: تطقيمتنا حلوة و قعد يضحك
ابتسمت و قلت ليه: توارد خواطر
..
انبسطت شديد انو خلاص خطوتنا الاولى مشت بخير...
يتبع....💘
