39
..
صحيت الصباح مبسوطه شديد بالحصل عاينت لفهد لقيتو نايم و مرقد نبيل جمبو شكل فهد وهو نايم زي الشفع😂 ضحكت شوية و مرقت
.. سويت الشاي و فطور خفيف كده و مشيت اصحيهم لقيت نبيل صاحي و راكب فوق فهد على بطنو و بحاول يصحيهو
نبيل اتلفت علي: مااماا ابى قووم ''ابى يقوم''
قلت ليهو: هسه نصحيهو ليك ..و انا عارفة فهد صاحي بس بستهبل قعدت في السرير و نزلت نبيل من بطن فهد صحيتو ما قام ابتسمت شلت تلج مكسر من المطبخ و كبيتو ليهو في وشو و شلت نبيل و مرقنا برا و انا ميته من الضحك
سمعت صوت فهد و هو بصرخ: جوووووودد !!!
بقيت بضحك جا مارق من الغرفة و بحمر لي و انا لسه بضحك
فهد : ايوااا دايرة كده؟؟ تمام تمام .. ارح يا نيبو نتسوك و نجي .
..
جو راجعين و فهد شايل في يدو بوكس كبير لونو بنفسج و مربوط بشريط ابيض
خت البوكس قدامو وقعد و خلف رجل على رجل
قلت ليهو و انا بعاين للبوكس: فووودد حبيب قلبي بعد رووحي انااا
فهد : نو نو نو البوكس ده ما بتاعك ده بتاع فنن
قلت ليه: اممم فنن قلت لي؟؟ تمام تمام شلت البوكس و قمت جارية و فهد جاري وراي .. و هووبااا احس روحي مافي الواطه القى روحي فوق الطاولة بتاعت المطبخ و فهد واقف قدامي
فهد: المتر و نص الجري بتاعها ما زي المتر و كم و 70 سنت
عاينت ليه: انننن انت عملاق
فهد: وهو بضحك: انتي قزمه
فتحت البوكس لقيتو شوكلتز كتيرر و اكسسوريز فضة❤️
...
فطرنا و قلت لفهد عايزة امشي اوزع باقي النسخ من روايتي
قال لي طوالي اجهزي و جهزي نبيل ننزلو عند ناس امي و نجي راجعين نقعد معاهم
لبست فستان كحلي و طرحه اوف وايت و شبط اوف وايت و لبست نبيل تشيرت اسود و بنطلون جينز و سبورت لقيت فهد لابس جلابيه و طاقيه و شبشب
.. مشينا نزلنا نبيل و وصيت عليهو منن و مشينا نوزع
وزعنا 350 نسخه و خليت ال150 الباقيه خليتها في العربية
و نحن قربنا من بيت اهل فهد
فهد و هو سايق: على فكرة التدشين حق الكتاب بعد اسبوعين باقي انزل الاعلانات
قلت ليه: فهد انا احبكك كتيييرر والله
فهد وهو بضحك: و انا لاني بحبك بعمل اي شي ببسطك
قلت ليهو: امممم حنعمل التدشين وين
فهد: في حتة كده حتعجبك زابط؟؟
قلت ليه: زابط
عدينا يوم حلو عند اهل فهد و عزمتهم على التدشين و قالو اكيد حيجو .. رجعنا البيت المغرب
جهزت لفهد هدومو حقت الشغل و نمنا على كده..
الصباح فهد طلع بعد شرب الشاي و شال نسخه من الكتاب قال حيطبع 300 نسخه زياده للتدشين
....
عدت ايام و كملنا تنزيل الاعلانات و كانت حماسية💘
.. الليله التدشين ..
عزمت الناس البعرفهم كلهم
دقت لي نور
بقت تسأل من التدشين و الوقت و حفزتني
..التدشين ببدا الساعه 4 عصر و بنتهي 7 و نص
قعدت اكتب و افكر حاقول للناس شنو
جا فهد قعد جمبي
باسني في راسي: فخور بيك شديد و فخور بانك بتصلي للعايزاه حتى لو وقفت قدامك الف عقبة .. و بحبك💘
...
الساعه 3 بديت اجهز طلعت فستاني الكبدي و بقيت بفتش للطرحه جا فهد داخل شال الفستان دخلو الدولاب
فهد: الليله حتلبسي بمزاجي💘
فهد طلع توب كبدي مع طقم اسكرت اسود و كارينا بيج و طرحه بيج و هيلز اسود
فهد: البسيه حيطلع حلو عليك
لبستو و فعلا طلع حلو عملت ميكب هادي و لبست اكسسوريز
طلعت لقيت فهد لبس قميص كبدي و بنطلون بيج و جزمه سودا
و لبس نبيل تشيرت بيج و بنطلون كبدي
عاينت ليه و قعدت اضحك: يعني انت داير تعمل التطقيمه دي من قبيل
فهد: ايوة لازم نكون مطقمين..يلا ارح
مشينا المحل القالو فهد كان حتة كده طبيعيه شديد كلها عشب و ورود و فيها طاولة كبيرة و طاولات موزعه في مكان كلو و كل طاولة صغيرة عليها فاظه فيها وردة جوري حمراء
رتبت ال450 نسخه على الطاولة.. الساعه 4 جات و الناس بدو يجو
لحدي 5 ونص الناس كلهم جو
مسكت المايك
رحبت بالحضور و شكرتهم على حضورهم
و قلت ليهم: بداية مسيرتي الكتابية من انا في عمر 12 سنه 💘
كلو يوم حبي لأي حرف بكتبو بزيد مع انو بتلاقيني انتقادات كتير '' عامله فيها كاتبه، ما عندها شغله'' و انتقادات كتيرة
بس كل مرة بقع فيها و بحس انو كلامهم صاح بلقى اليد البترفعني دايما💘 سندي في الدنيا .. امي و ابوي💘 هم الوصلوني لحدي هنا باهتمامهم و تقديرهم لكل حرف و حبهم احبكم للابد 💘
زوجي العزيز فهد الاحمدي💘 فترة كتابتي للرواية دي كان هو سندي و كل ما اكتب 4 او 5 جمل بقراهم و بديني رايو و كل مرة بكون متحمس يقرا الكتبتو💘 حبو و اهتمامو لي حتلقوه انعكس في كل سطر من سطور الرواية ..
ابني الصغير نبيل💘 بالرغم من صغر سنك انت اكبر بكتير عندي كلمة '' ماما انتي حلوة'' البتجيني منك هي بمثابة energy لي عشان اكتب الرواية و اواصلها💘
اصدقاء الطفولة💘 اجمل ما فيهم انهم ما اتخلو عني في حين الكل اتخلى عني.. دمتم و دامت الصداقة💘
الحضور الكريم 💘 شكرا لحضوركم و تقديركم و إنصاتكم💘
و شكرا💘''
الناس بدو يجو يشيلو الكتب مني و بوقع ليهم عليها💘
الفرحه مالية قلبي جدا💘
طلال جا و بارك لي
طلال: بعدين انا راجع معاكم عندي معاكم موضوع❤️
نور و زياد .. مبارك و فدوى..وهج .. دنيا .. جنات .. و كل الناس باركو لي💘
فهد شال كتاب و مداهو لي عشان اوقع
وقعت ليهو و كتبت ليهو في اخر صفحه
'' فهد💘
دمت بقربي ، و الباء لام💘
انت نعمتي في هذه الدنيا💘
احبك يا اقرب الاقربون و احب الناس لقلبي💘
كنت اكره الطب و الاطباء و لكنك من احببت فيه الطب💘 .''
''دكتوري''💘
فهد ابتسم و مسك المايك
فهد: احمم .. الحضور الكريم.. شكرا لتواجدكم الجميل .. عارفين اجمل شعور ممكن يحس بيهو الانسان شنو؟.. اجمل حاجه لمن قلبك يقع و يميل و يحب كاتبه💘 لمن تحب كاتبة اي نص بتكتبو حتحس انو كلماتو ليك .. و لمن تتبادلو المشاعر و تهديك في يوم نص مليان باهتمامها و حبها لي .. لمن تهديني نص ببدا باسمي و بنتهي بمهنتي بالنسبه لي دي احلى هديه .. كل ما احس اني تعبان بلقى كلماتها زي البحر للظمأن اشرب منها لحد ما اروى💘..احب اقول ليها و قدامكم كلكم انو انا فخور بيها جدا و فخور إني زوجها💘
...
...بعد 4 سنين بلسان فهد...
جود بصوت عالي: نبيييييل!! يا ولد تعاال الترحيل حيفوتك
نبيل:جاي يا ماما جاي .جماان امشي لبابا يلا شاطره
'' نبيل عمرو 8 سنين و جمان عمرها 3 سنين و نص''
..بعد نبيل مرق شلت جمان و قعدنا جمب جود..
جود : فووود ☺❤
عاينت ليها: روح و قلب فوود💘
جود و دموعها نازلين: عارف !! نبيل و جمان ديل احلى شي حصل لي .. عمري ما كان عندي اخوان معاي 24 ساعه بس الحمد لله ربنا رزقني بيكم و مالين لي دنيتي
قشيت ليها دموعها: هم ثمرة هيامنا 💘
جود ابتسمت: احلى ثمرة 💘
قلت ليها بحماس: رايك شنو تكتبي رواية عن هيامنا 😆❤
جود: اممم فكرة و حأسميها الأحمدي💘 .. و كده نكون حفظنا كل ذكرياتنا
ابتسمت و انا بقول: و حفظنا هيامنا لينا💘
...... النهاية..... 💘
'' شكرا ليكم شديييييد شديييييد و شكرا لدعمكم و لحبكم و لنا لقاء يوما ما💘''
17.11.2020💘
1:40 pm💘.
Thank you💘
