ركبو و جود وصفت لفهد شارع بيتهم
منن: حابة تقري شنو
جود: والله كنت حابة اقرى صيدلة الخرطوم لكن صرفت نظر عن الجامعه كلها عموما و عاينت لفهد 👀
منن ضحكت : ليه كده يخ اوع يكون بسبب فهد
جود اتخلعت : فهد!! لالا ما ليه علاقه بشي بس عموما صرفت نظر عنها
منن: والله امرك عجيب😂 هسي انا القدامك دي بقرا بصريات النيلين سنة تانية كيف و كيف
جود: ويي حلاتك صعنون لسه😻❤
فهد: ادخل بي ياتو شارع؟!
جود : يمين في شمال اول بيت على يمينك
فهد: طيب
وصلو جود و مشو و جود دخلت مست على امها و دخلت غرفتها
في العربية
منن: البت دي شكلها مجنونه بجد😂
فهد: لكنها برئية 😊
منن: بسم الله انت عيان و لا شي اول مرة تقول عن بت برئية وقعت ولا شنو يخوي😉
فهد: يبت وقعت شنو دي حته صغنن اقصر مني بكتير هاا😂
...
عند جود
مسكت دفترها و قعدت تكتب
،،'' تنغيمات بسيطه قد تضيف الى يومك لمسة خاصة ك الاغنيات المحبوبة لدي مثلا فهي تضفي على يومي رونق من البهجه و تقيد بقلبي فرحة دائمه و كذلك حصل ذلك اليوم لكنه حدث مع شخص لم اتوقع ان يتفق على حب تنغيمتي المحبوبة .... ربي لاتجعل فرحي في شيء ليس لي ..،،''
و قفلت كتابها و رقدت نامت😪❤
....
مر اسبوع من الحصل💕 وجود مواضيعها و مرقاتها مع اولاد عمتها ما بتخلص ابد
بعد الاسبوع
فجأة في رقم غريب دق على جود
جود: الو
رد عليها بصوت فيه بحه خفيفه : جود؟!
جود : ايوة منو معاي
.. : اذا وريتك ما حتقفلي فيني الخط مش
جود: يا رب يا كريم منو انت ياخ
..: فهد .. معاك فهد يا جود فهد يعقوب الاحمدي ود عمة نور عرفتيني مش
جود : ااا اي اي اهلين فهد '' وهي متردده ''
فهد: كيفك ان شاء الله بخير
جود : بخير الحمد لله و انت
فهد : في نعمه نحمدو
جود : تدوم النعم
فهد : جمعا يرب ... ااا .. انتي متضايقه مني صح
جود بخلعه: لالا ما ما متضايقه اتضايق ليه
فهد : ما عارف والله بس حسيتك متضايقه مني في شي وكده ف حبيت اشوف اذا في شي و كده
جود : لا والله ابدا مافي اي شي
فهد : طيب
جود : يلا في امانة الله و قفلت الخط 😂💔
جود بعد خلصت
:واااي واايي حنجلط وربي حنجلط ده مالو كمان الما نصيح ده قربت اكورك لكن الحمد لله مسكت اعصابي اوهه الحمد لله يلا بعد كده حيبدا الزعط😬💔
...
عدا اليوم عادي و جود قاعده في بيتهم جاتها نور و ونسة و ضحك كالعاده💕
جود : ناوليني تلفوني ده اشوف علياء اذا بتجي و لا لا
نور : هاك ليهو ومدتو ليها
شالتو و شغاله تقلب في التلفون و تأفف
نور : بت ! هاا بتأففي مالك
جود : زي ما اتوقعت بالضبط الزعط و المعط من حضرة فهد الاحمدي حيبدا 😬💔
نور ضحكت : يعني هو كان جادي😂😂
جود : جادي ؟! جادي في شنو مفهمت؟!
نور عدلت قعدتها: احمم حضرة فهد الاحمدي حابب يتعرف على الانسة جود محمد الفاضل و دخل لي انا كوسيط لكن ابيت اساعده فقال لي حامشي اتصرف براي و ما اتوقعت الموضوع يحصل خلال 24 ساعه بس😂😂💔 و ربيي ما اديتو رقمك عشان ما تكوركي 👀💕
جود : افففف ده يحلو منه كيف شكلو لصقه لمن غلط
نور : بالعكسس بني ادم انطوائي ما بجي الا للناس البرتاح ليهم و كده و كلامو ما كتير
جود : نشوففف
نور : ييي يعني حتتعرفو ع بعض
جود: معرفة بس
نور : ما ظنن😉
جود : نوووووورر
نور : سكت وربي سكت
.. عد اليوم و نور رجعت و جود حاولت انها تمشي الموضوع عادي مع فهد و اتعرفت عليه مبدئيا كده ..
....
عدت الايام لحدي ما جا اليوم المفروض يسافر فيه نبيل☺💔
جود: يعني حتمشي و ما حتقعد للنتايج البعد اسبوعين دي 😢💔
نبيل : جوووود نتيجه هي و لا موت بالتلفون بكون معاك ما تخافي موفقين يبت 😊❤
جود : ماام😔💔
علياء: ماام في عينك انا اختو ما سألتو مالك هسي ☺
جود: ده خوي انا دي 😔💔
نبيل : خلاص خلاص اخوكم الاتنين هسي بتتزاعلو فيني😂
علي : اسافر معاك عشان يتزاعلو فيني و لا كيفف😔💔
جود : سافر و لا اسفا عليك ي انت😊💔
يتبع......
