25
الاجازة انتهت و انجزت فيها اني طلعت رخصتي بعد تعب و انا كنت متحمسة اشوف نتيجة السمستر شنو حاسه باني عافرت بما يكفي لانو يفرحني... صحيت من الصبح صليت الفجر و نزلت لامي لقيتها بتعمل في القهوة شلتها منها و تميتها و قعدنا شربت الشاي و اتونسنا و انا مارقة على الباب ابوي وقفني و جا معاي برا و وقف قدام عربية اكسنت سوداء و مدا لي المفتاح 😳 انا انصدمت من الفرح نطيت في ابوي حضنتو و بستو في راسو
ابوي: يلا خلي بالك و انتي سايقة و على مهلك
انا: ان شاء الله
و دورت عربيتي و مرقت🕺🏽💛 دقيت على وهج قلت ليها انا جايه عليك
.. وصلت ناس وهج لقيتها برة في الباب
نزلت القزاز: شنو يا مزه
وهج شهقت: بت الكلب اصدميني و قولي دي حقتك
انا: لالا حقت حبوبتي اركبي يا بت
وصلنا الجامعه و بركنت عربيتي و بقيت بعاين ليها و مشيت
مشينا الكافتريا لقينا طلال و شلتو قعدنا و اتونسنا معاهم و جمان طلعت بتقرا طب و قدرنا💙
بعدها فهد اتصل علي قمت منهم و وقفت بعيد شوية
فهد: ي صبااح النور
وانا بضحك: ي صبااح الكافتريا الحلوة
فهد: جيتي؟!
انا: يب جيت
فهد: امم حلو يلا باي
انا: باي
.. رجعت الكافتريا و قعدت معاهم لاحظت انو امين في نظراتو في حاجه لوهج بس ما عارفه شنو
فجأة اثناء ما نحن بنتونس في زول خت يدو على كتفي التفت لقيت فهد و معاه بت كده حلاتها ماسكه يدو بشرتها صفراء و عيونها واسعه .. بقيت بعاين ليهم :اتفضلو اقعدو
فهد: لالا تسلمي ثواني بس تعالي مشيت معاه
فهد: حابي اعرفك على اخر العنقود السكر المعقود جنات اختي بتقرا طب اسنان في الاحفاد💙
انا: اهلين انا جود و مديت يدي سلمت على باطراف اصابعها و الحركه دي غاظتني شديد وقفت اقل من 10 دفايق و مشيت على واحد من البينشات وركبت سماعتي و بسمع في قران💙
..
جنات: فهد دي شنو البت البيئة الجاي و بكل ثقه تعرفني عليها
فهد : جنات هسي البت دي مالها لمن تقولي عنها بيئة
جنات : غايتو انت الا اعمى ما شايف هي كيف و لمى و فنن و باقي صحباتي ديل كيف يخخ ما معقول انت كيف مصاحب الاشكال دي
فهد عقد حواجبيه: برا لمى برا زفت معاك و هاك ده مفتاح عربيتك نسيتو عندي يلا باي
..
محاضرتي الاولى انتهت مشيت الكافتريا شلت لي سندوتش و ببسي و قعدت في بينش بعيد باكل و بكتب في دفتري اثناء ما انا مندقرة و بكتب فجأة اشوف الدفتر اتملي كولا رفعت راسي و ما اشوف الا لمى و فنن و جنات ..واات جنات؟؟!! ليه هي معاهم معقولة تكون صحبتهم!!و اذا هي صحبتهم ليه فهد عرفني عليها حتى لو كانت اختو في الاخر هي صحبتهم!💔
لمى : عامله فيها شفته و واو و ماف زول قدري و بكتب و بتاع ي بت الناس هيي خليك مع مستواك
فنن: هه قال ليك بت المزارع اخر الزمن لافه حاولين فهد الاحمدي و عايزة توقعو هه كلام لكن
انا: هه و منو القال ليك انا ميتة فيه و دايراه يا بتاعة الاولاد
جنات ختت يدها في نصها: شوفي ي جود و اي شي انتي اخوي ده ما ليك فاهمه يعني شنو ما ليك ي بت المزارع يا بيئة انتي
لمى و هي رافعه حاجبها: هو اخوك براهو ما خلت ليها زول في الجامعه عندو خير ما لفت حاولينو هه غايتو الما بتلقى في بيت ابوك بخلعك و لا ما كده ي بت ال..
ما قدرت استحمل انها بتعايرني بابوي اديتها كف: شوفي هنا ي زفت انتي فهد الميته على ترابو ده اكلي و اشبعي بيه و على فكرة المزارع البربي اولادو على الحشمه و الاحترام احسن الف مرة من الوزير البربي اولادو على العرى و قلة الادب و عاينت ليهم من فوق لتحت و شلت دفتري المبلول و مشيت قعدت بعيد اخذت بكيتي مسافه و نفسي ضاق و انا لسه ببكي عايزة اقوم ما قادرة بقيت اتشهق شوفت طلال واقف مع مزمل جا علي هو و مزمل
طلال: جود جود في شنو
انا فضلت اتشهق و فجأة ما حسيت بشي تاني
... بلسان طلال..
شوفتها بتبكي مشيت عليها اتشهقت شوية و تاني غمرت مزمل مشا يشوف المستشفى حقت الجامعه نادى ممرضتين يرفعوها و يودها هناك
بقيت بفتش على وهج مشيت لقيتها قاعده في بينش كده معاها جمان
وهج: طلال مالك في شنو
انا: جود جود لقيتها قاعده تحت الشجرة و بتبكي مشيت عليها شهقت كم شهقة و غمرت
وهج: كيف يعني اكيد نفسها ضاق
طلال: والله ما عارف
وهج :ثواني وريني الشجرة الكانت قاعده فيها مشت لقت الدفتر جمب شنطة جود و مبلول
وهج شالت حاجات جود و مشو لجود في العيادة
طلال: اتصل على فهد؟
وهج: ايوة احسن نكلمو
... بلسان فهد...
كنت قاعد مع واحد صاحبي اتصل علي طلال
طلال: فهد انت في الجامعه
انا: ايوة انا في الجامعه خير في شنو حاصل شي
طلال: والله جود لقيتها بتبكي و مشيت ليها غمرت وديناها العياده و هسي ماشين ليها انا و وهج
ارتبكت و خفت عليها: كيف يعني غمرت و ليه قعدت براها و ليه تبكي و هي نفسها بضيق انا جايكم ثواني
طلال: خير
.. مشيت و انا ضايع في الخوف و التوتر لدرجة اني من خوفي عليها نسيت العياده بي وين الا سألت لي شباب كده و مشيت لقيت وهج مارقة من العيادة
كنت خايف على جودي شديد: جود كيف جود وين ي وهج
وهج عاينت لي : تعال معاي ثواني
انا باستغراب: اوك
مشيت معاها ورتني دفتر جود و حالتو حاله
مسكت الدفتر منها: جود اكيد كانت بتبكي عشان دفترها بس منو العمل كده و ليه
وهج: ماف غيرهم لمى او فنن.
اتذكرت انو جنات قالت انو لمى جاية عشان يقعدو مع فنن معناها هم العملو كده بس معقول اختي تكون معاهم
قلت لوهج: انا داخل ليها صحت؟
وهج: ايوا صحت
دخلت ليها و شفتها و هي راقده و مركبين ليها الاكسجين و قاعد جمبها طلال .. جود كانت بتعاين لانو دفترها معاي طلعت قناع الاكسجين
جود: فهد اديني دفتري لو سمحت و امشي من هنا ما عايزة اشوف خلقتك
قعدت جمبها و اديتها الدفتر : و اذا ما داير اطلع.. ياخ حرام عليك انا جاي عشان اشوفك بقيتي كيف تقولي لي امشي
جود و الدموع في عينها: حرام عليك انت كلو بسببك كلو بسببك ما كان في داعي تجي و تتعرف علي ما كان في داعي تكون اخو لي ما كان في داعي تعرفني على اختك اللي هي صحبة اكتر اتنين اتسببو في اذاي حرام عليك .. و قعدت تبكي
مالقيت نفسي الا و انا ببعتذر ليها و ركبت ليها قناع الاكسجين و طلعت من العياده
على وين ما عارف!!🙏💔
يتبع.....
