هيامنا♥✨
9...
وصلو بيت جود و طلعو لغرفة جود طوالي و قعدو😹💙
نور: واايي يا جود مالك مع ود عمتي 😂
جود: سغيل متخلف طقشني لمن كنت جاية المدرسة و شغال يتنهر و بتنرفز لو ما كنت داخلة على الامتحان كان خليتو يفتش باقي كرامتو وين😆
نور: بالمناسبه هو بقرا في الخرطوم 😉 مش عايزة تدخليها ؟😹
جود : واااي خليتها ليهو زاتو عامل وشو الفقر ده😑
تووش جو علي و علياء داخلين
علياء:جووودتتيي😢♥
جوود : اوووختي الكلبة 😝♥
عليااء : نوووررنا الحلوة
نور: علوو يا جن😹♥
عللي: احمم ارجع يعني 😕💔
نور حمرت ليهو: هو انت جيت يعني الجايباك شنو بنات كلنا في بعضنا انت حشرك شنو☺💔
علي بعاين لساعتو : حشرتني تومتي الوسخه دي اصلن ما جاي اقعد معاكم ماشي اقعد مع عمو محمد😆
نور : في ستين يلا فرتق👏🏽🙂
علي مشى و ما انتظر حتى يسلم على جود لانو اتنرفز من نور
علياء: يلا احسن زاتو ناخد راحتنا في القعده و الونسة
نور: عليك الله ما تجي معاهو تاني و لا يجيبك و يرجع ياخ فقر بشكل 😑
جود: خلونا منه .. حنخش الجامعه يخوااناا😍♥
علياء: اي يااخ طب اسنان الخرطووم طواللي نفسي اقرا هناك😔❤
علياء غمزت لجود: طب اسنان لكنن😂❤
جود: انصحك غيري رغبتك يبت الاشكال هناك لاتحتمل كفاية النمودج الشفتو منهم😷
نور و هي بتضحك: دي مسطولة ساي ما تسمعي كلامها امشي رغبتك سااي😂
علياء: اصلن من البسمع ليهو كلام شافعه 😒
جود: هههي الشافعه انتي والله ما تخليني اتنرفز فيك و اوريك شواطيني 😈
علياء : ما ناقصه انا والله خلاص
قعدو و اتونسو و اكلو و بعد المغرب الباب دق
علياء: جوود افتحي بابكم ده
جود : مااشه ماااشه
فتحت الباب و اتخلعت
جود بصرخه: نبيييييلل😢❤ انت جيت متين
نبيل مسكها من انفها: جيت لبتي دي عشان خلصت الامتحانات و لازم اجيها و اقضي معاها اجازتها😊❤
جود : ادخل ادخل
و دخل و اخدو ونستهم و بعداك مشو يحومو🍬❤
جود: ارح نمشي كويكلي و نشرب ميلك شيك عندهم 😍💗
كلهمم: قدام ارح و مشو وجابو ميلك شيك و قعدو في العربية و يتونسو و يضحكو
نور : وبعليي جود جود 😨💔
جود :يا بت بتتخلعي فينا مالك
نور بتمتم: دا داك فهد مش
جود: اي و مالنا و مالو😞
نور: دي منو المعاهو دي😳
جود : الاولاد ديل كلهم بتاعين بنات الا من رحم ربي و عينو ملانه تلقيها حبيبتو و لا صحبتو و لا امكن بتقرب ليهو'' قالت الكلام ده و هي بتعاين لعلي''
علياء: كدي فهمونا فهد ده منو ☺
نور : خطيب جود المستقبلي 😆
جود : برريي ابرى و استبرى من ده
علياء : ويي عيبيهو لي عاني غمازتو و لا ضحكتو احيي يقلبي 😔💕
نبيل عاين لعلياء: مجتبى تحت الخيانه😆
جود : مجتبى ما شايف شغلو يا نيبو😆
'' مجتبى ود خالة علياء بحبو بعض من اولى ثنوي و مكملين سوا حتى اهلهم عارفين علياء لمجتبى و مجتبى لعلياء🍬❤''
كملو هظارهم و رجعو بيوتهم و جود مشت طلعت دفاترها و حاجاتها
''جود بتحب تكتب عن اي شي بتحسو ''
فتحت اكتر دفتر بتحبو لونو اسود❤و بدت تكتب
،،'' مرت الاعوام و انا احارب لاثبت نفسي و ذاتي لجميع و منذ ان ولدت و انا احارب و ها انا اصل لمرحلة اخرى تتوقف فقط على درجة حاسمه لاصل الى مبتغاي 💕 فاللهم لا رجوع و لا تعثر و لا عقبات و لا خذلان انك اعلم بكل حال💝''،،
و نامت على كده ...
يتبعع.....
