33
الفرح الشوفتو في عيون امي و ابوي و فهد ممكن يخليني اعيد الخطوبة تاني عشان اشوف نفس الفرحه💘
...
عدا شهرين
...
في كافيه من كافيهات بحري..
قاعد في طاولتو وبعابن لساعتو و يتأفف
جات بت لابسه بنطلون جينز ضيق و بلوزة نص كم و فاكه شعرها
قعدت في الطاولة
..: هاا ي علي خير في شنو جايبني من صباح الرحمن
علي: الموضوع الحأقولو ده فيه فايدة لي و ليك ي لمى
....**'' ايوا ده علي ود عمة جود نفسه قاعد مع لمى و حتعرفو ليه .''**....
لمى: خير
علي ابتسم : انتي عايزة فهد صح؟ و عايزة تخربي الحاصل ده صح؟
لمى: هه ايوة لو علي اقتل بت خالك الوسخه دي و ارتاح
علي ضحك: لالا لا تقتليها و لا شي بس ركزي في الحأقولو ليك
لمى : اها
علي: انتي عايزة فهد و انا عايز انتقم من جود يعني دربنا واحد
لمى: ههه زابط
...
عدت ايام و علي و لمى خططهم مستمرة
...نرجع بلسان فهد....
كنت قاعد في امان الله بنكلم مع جود بعد انتهيت لقيت رسالة من رقم غريب
'' خطيبتك بتخونك مع ود عمها لو ما مصدق امشي بكرة في العنوان ده...... الساعه 5''
في الاول ما اشتغلت بالموضوع كتير بس بعد دقيت ليها و لقيت الخط مشغول الشيطان دور الموضوع في راسي و اتوترت و ارتبكت و اتعصبت مرقت من البيت مشيت الكافيه قعدت و بقيت مدنقر راسي في الطربيزة و الافكار كل ما ليها ماشه تزيد قريت العنوان 10 مرات و قررت خلاص اني امشي و اقطع الشك باليقين ..
.. بلسان جود...
كنت قاعده بحضر في التلفزيون لقيت علي بدق علي رديت عليه قال لي امشي معاه بكرة شقة ناس نبيل لانو نسو حاجات هناك و اتذكروها بعد رحلو بيتهم وافقت و قلت ليه تمام بكرة بمشي معاك و نسيت اكلم فهد اني مارقه..
..جا الوقت الحأمرق فيه جا علي و قال : عربيتي في الصيانه ارح بي عربيتك
قلت ليه: تمام
مرقنا بعربيتي و وصلنا و دخلنا الشقه بقينا نرص الحاجات القالوها في الكراتين كنت لابسه عيايه و تحت ليها بلوزة و بنطلون
علي: لو متضايقه من العبايه امرقيها عادي
ابتسمت و مرقتها
بقينا نرتب و نرتب فجأة علي حضني من ورا شديد و انا بقيت بحاول اتفك منه ما قادرة
قلت و نفسي خلاص حيضيق: علي فكني علي انا زي اختك البتعمل فيه ده ما صاح ..صرخت فيه: عليي فكني
بقي يمشي وشو في رقبتي و انا لسه بحاول اتفك منه و ما قادرة ما لقيت روحي الا ابكي بس
علي و هو بضحك و لسه ماسكني: ابكي ابكي مافي شي بحلك مني انتي حقتي انا و من زمان انتي حقتي قويتي راسك و وافقتي بفهد هه اعرفي انك خلاص لا فهد لا غيرو حيقبل بيك بعد الحسويه فيك
بقيت ببكي حاسه بخنقه في نفسي و خلاص ما قادرة حتى اقيف عديل..
فجأة الباب بقى بدق شديد و في صوت صراخ يا الحوا افتحو الباب فجأة استوعبت ده فهد
بقيت اصرخ: فهد اكسر الباب فهد الحقني فهد ما تخليني ليه فهد.. و بعدها ما وعيت لشي ..
...بلسان فهد ...
مشيت و انا كل شوية بحاول اطرد الافكار مني عشان اقدر اوصل و افهم الحاصل و انا متأكد انو جود يستحيل تعمل كده لو شنو حصل
وصلت و بقيت بصرخ لانو الباب مقفول فجأة جاني صوتها بتقول لي الحقني يا فهد .. حاولت اكسر الباب كم مرة و في الاخر اتكسر دخلت لقيت جود واقعه في الارض مغمي عليها و علي قاعد في الارض جمب وشها و بمشي يدو على شعرها
زعلت شديد و مسكتو و دقيتو لحدي ما نزف من انفو وعيت لنفسي فكيتو ورميتو في الكرسي
.. بقيت بحاول اصحي في جود برش موية عليها ما نفع كفتها على خفيف في خدها ما نفع اتوترت لانو اول مرة يغمى عليها قدامي مدة طويلة
مشيت على علي و انا على اخر اعصابي كفتو : حقير و قذر و ما عندك ضمير ليه في الاخر هي من محارمك ليه ده كلو عشان هي ما عايزاك ياخ انت اكتر انسان وسخ لاقاني تفو عليك و ضربتو بنيه في وشو وشلت جود بين يدي وديتها عربيتي و قعدتها ورا و شلت مفتاح عربيتها معاي و مشيت من المحل النحن واقفين فيه و كان عندي ريحه قوية في العربية شلتها و شممتها ليها لحدي ما بدت تصحصح اول ما صحت بقت تضربني و تصرخ فيني و تقول لي ما تقرب مني صعبت علي و ما عرفت اعمل شنو ما لقيت روحي الا ضميتها علي شديد وهي لسه ترفس و تضرب و انا بهدي فيها لحدي ما هدت فكتني و دنقرت راسها و بقت تبكي ضميتها علي تاني : هش هش بتبكي ليه انت ما حصل ليك شي انا معاك ما بحصل ليك شي
مسحت ليها دموعها و بست راسها
جود و هي بتتنهد: انت عرفت انا هنا من وين انا ما حكيت ليك اني ماشه
دعكت عيوني: جاتني رسالة من رقم و قال لي امشي الحته دي خطيبتك بتخونك مع ود عمتها
جود و هي بتبكي: و انت صدقت اني ممكن اعمل كده و انزل اسمي الارض و اضر نفسي و اعصي ربي؟ رد علي ساكت ليه؟ صدقت صاح ؟ ما كان العشم والله.. و ضربتني في صدري بيديها الاتنين و دنقرت راسها و قعدت تبكي
ربت على راسها: انا ما صدقت لانو عارف جودي ما بتعمل كده بس.. بس قلت امشي و اشوف اخر الموضوع ده وين
جود عاينت لي نظرة انكسار : ما تكذب علي انت صدقت و جيت وراء الكلام ده عشان انت ما واثق فيني اصلا هه خسارة .. وقبلت على الشباك ما حبيت اتناقش معاها كتير مشيت و وصلتها بيتها
جود عاينت لي: ما تكلم امي و ابوي طيب؟ لانو لو عرفو ممكن يحصل ليهم شي
مسكت يدها جرتها مني: بس يا ريت ما تفكري كتير و اول ما تحسي نفسك محتاجاني دقي لي و في ثانيتين بتلقيني معاك و انا حاشوف منو الورا الموضوع ده
جود عاينت لي باشمئزاز: ما تمشي وراه لانو معروفه يا اما لمى يا اما فنن يا اما اختك ..و عاينت ليك بزعل و مشت
.. بعدها مشيت رجعت عربيتها و رجعت و انا ما عارف حتى الحصل ده جاني من وين من جهة عايز اقنع جود اني واثق فيها و من جهة عايز اعرف ليه علي عمل كده و الزول الرسل لي ده عرف من وين راسي عايز يطق من الاسئلة💔
... بلسان جود بعد رجعت بيتها...
دخلت البيت سلمت على امي و دخلت غرفتي مرقت عبايتي و قعدت في الارض اخدت بكيتي مسااافه حسيت نفسي خلاص حيضيق مشيت الحمام فتحت الدش و دخلت تحتو حاسه روحي محتاجه موية محتاجه انظف من مسكتو القذرة لي كل ما اتذكر كلامو و كل ما اتذكر انو فهد صدق و جا لحدي المحل القالو ليه عشان يتأكد بنهار و بتضايق اكتر ما عارفة علي عمل كده فيني ليه بس العارفاه انو علي ما براه في زول وراه في زول عايز يدمرني و يكسرني في زول عايز يأذيني
....يتبع....💔
