بديت اجهز لبست لي فستان بنفسج فاتح ساده فيه حزام ابيض و طرحه اوف وايت و جزمه بيضاء شلت السلسل لبستو😢❤️ و اتعطرت و مرقت لناس امي
امي: ما شاء الله تبارك الله ..الله يغطيك من العين يا بتي❤️
رديت: اللهم اميين
امي عاينت للسلسل: فضة لكن 👀❤️ بالمناسبة ذوقو حلو😉❤️
ضحكت ليها: و الضمنك شنو يا ماما انو ده هو الجابو 👀❤️
امي : احساس الام عمرو ما بخيب😂❤️ المهم يلا نمرق
رديت: يلا
و مرقنا و مشينا ليهم❤️❤️
مسكت تلفوني ارسل لعلياء اننا جايين رسلت ليها و دخلت القروب لقيت الونسة شغاله اتونسنا و اي زول حكى اول يوم ليه
..
وصلنا بيتهم و دقينا الباب فتحت لينا علياء سلمنا عليها و دخلنا
علياء: اول يوم كيف و كيف معاك
انا ببسمه: حللووو شديدد
و سلمنا عليهم و قعدنا انا و نبيل و علي و علياء برانا و الكبار براهم😂❤️
نبيل مسكني من جضومي: على فكرة مشتاقين 😆❤️
فكيت يديه من جضومي: بالاكتر بس شنو دخل جضومي في شوقك الحامض ده يخ الشوك اليطعنك ما تهبش جضومي و صريت وشي و قمت قعدت جمب علياء
قعدو يضحكو و قعدنا نحكي و نتونس
علياء: سلسلك كيووت شديد😭❤
رديت عليها: انتي الاكيت حببتي هيي نسيت احكي ليكم و ابتسمت و حكيت ليهم عن هدية فهد❤️
كلهم انبسطو و شغلوها لي ما عدا علي كان صاري وشو و زعلان ما عارفاه زعلان على فرحتي و لا زعلان على انو فهد اقرب منه لي بمراحل!!🍃💔
ما اشتغلت بيه كتير و واصلنا ونستنا
قلت لعلياء: ارح المطبخ نعمل لينا بطاطس و نجي
علياء : هاا البت الما عندها شغله دي اقعدي ساي
انا: يخخ ارح قومي
علياء: ما قايمه يخ
علي : ارح قومي ي جود انا بمشي
عاينت ليه باستغراب: اوك يلا
مشينا المطبخ و بديت اقطع في البطاطس و علي بيعمل في مايونيز
اثناء ما انا بقطع
علي بنبرة فيها زعل: يعني خلاص هو ملى عليك دنيتك و بقى ليك اخو و انا معتبراني غريب!!
رديت عليه : عاين اذا انت جاي معاي عشان تعكر لي مزاجي شووف يا علي انا ما معتبراك غريب معتبراك ود عمتي و بس لا اكتر لا اقل و اذا انت شايف اني حبيت فهد و مت عليه و كده لا والله ما انا البحب و ما انا البنحب فهمت يعني كلمة حب دي مسحتها من قاموسي ي حضرتك 😒
علي بابتسامه جانبيه: ههه دايرة تقنعيني انك ما حبيتيه بعد هداياه الكل يوم شكل و مبلغ و قدرو ..
اديته كف و تميت تقطيعي
و حمرت البطاطس بعدها فكرت ارد ليه
عاينت ليه من فوق لتحت: شوف ياا علي انا ما فنن عشان اجري ورا قروش زول فاهم و على فكرة مخك الوسخان ده ما حيفهمك انو فهد بإرادتو نزل و سلم على امي و ابوي و اتعرف عليهم عارف ليه؟؟ عشان ما يحسسني انو هم ما عارفيني جايه مع منو عشان هو زول محترم و واعي و مخو نضيف ما زيك و شلت اكلي و مشيت ليهم برا و اخدنا ونستنا و رجعنا ❤️💤
اول ما رجعت نمت طوالي .
...
اصبح الصباح و انا مزاجي ملخبط لخبطه شديده و مشتته و في نفس لوقت متحمسه حاسه روحي في كومة تناقضات💔
ما كان عندي مزاج اختار و انسق ملابسي دخلت في اقرب فستان اسود و لبست طرحه اوف وايت و جزمه سودا و اصلا ما بحب اعمل حاجه في وشي غير روج زهري خفيف❤️ طلعت بالمواصلات وصلت لقيت المحاضرة باقي ليها ساعه و وهج اتأخرت دقيت على طلال جاني و بقى يتونس معاي
طلال: جود
انا: هلا مالك
طلال: ااا ارح عايز اعرفك على ناس اتعرفت عليهم
رديت بارتباك: امم.. لا.. اا.. ما دايرة ما دايرة اعرف زول
طلال: ارح بس اعرفيهم
ما حبيت ارجعه: طيب
مشينا لشله فيها ولدين و بت
سلمنا عليهم
طلال: اعرفكم ي شباب جود اختي و البيست طبعا
.. جود ده امين و ده مزمل و دي جمان❤️
مديت يدي و ادعيت الثقه: اتشرفنا و الله
ردو: الشرف لينا ياخ💙
و اتعرفنا على بعض و ارتحت شويتين لجمان
.. اوصفهم ليكم..
ايمن شاب طويل حنطي اللون عيونه واسعه و لحيته مرتبه دايما .. اخر سنه محاسبه.. هادئ جدا💙 مزمل برلوم طب .. مشاكس و مزعج و بحب اجواء الونسة و الضحك .. طوله وسط بشرته سمرا عيونه ناعسه و لابس نظارات 💙 جمان بت قمحية اللون.. ملامحها جميلة و هادئة و عيونها عسليه و رموشها غزيرة عامله شغل مع لون عينيها .. قصيرونهه💙
...
بعد مسافه ما طويلة شديد اتصلت وهج مشيت ليها و كان باقي لزمن المحاضرة نص ساعه عرفناها على شلة طلال و مشينا القاعه نتونس هناك
و حكيت ليها و عجبها الدفتر اكتر من السلسل😂💙
..
عدت المحاضرتين و مرقنا قعدنا في الكافتيريا مشيت اجيب لي موية جا ولد بقى يضايقني و انا ما بحب ولد يعاكسني ابدا بنزعج لمن يحصل لي كده شديد حاولت ابعدو و قلت ليه امشي طير فوت ما مشى و انا خلاص حاسه نفسي ده حيكتم من الانزعاج.. خلاص فاض بي كوركت فيه برضو لسه ما راضي اديتو ظهري اخدت نفس طويل فجأة اسمع صوت زول بقول لي انتي كويسة ؟ التفت عليه لقيتو فهد زي ما توقعت و الولد مشى اخذت نفس
قلت: الحمد لله ارح
فهد عاين لي جوا عيوني و انا برتبك لمن زول يعاين لي كده بقيت بتلفت يمين يسار
فهد: تاني ما تخشي الكافتريا حيشاغلوك و يعاكسوك كتار لانو مافي زول بسأل زول هنا بس اطمني
انا : اا لالا مافي شي ما مشكلة العايزين يعملوه في ستينهم و مشينا لوهج.. قعدنا و فطرنا و بعدها فهد مشى بعد قام مسكت تلفوني اشوف الساعه كم جاتني رسالة منه
'' ما كنت متوقع انو السلسل يكون حلو عليك كده بجد جاي عليك جوديي ربي يحفظك''
ما عارفه ليه فهد بقرب مني بس الشي العارفاه اني لا بحب لا بنحب و القاعده دي ما حتتغير ابدا و لو قرر يعمل حاجه كده و لا كده حاواجهو بالصد طوالي ماني حمل معافرة على الفاضي🚶💔
.....
يتبع...
