Painful Pleasure (COMPLETED) √

Chapter 5: Wrong Timing

Chapter 5: Wrong Timing

HIS PENTHOUSE is located at the top floor of the building. It's in the 30th floor to be exact kaya nakakamangha at nakakahawa ang taas nito. Wala kaming imik sa isa't isa habang sakay ng elevator papunta sa penthouse niya sa taas. Wala rin naman akong sasabihin sa kanya kaya mananahimik na lang ako sa tabi.

Nang bumukas ang elevator ay nauna itong lumabas sa akin kaya sumunod lang ako sa kanya. Nakayuko man ay alam mong mayaman ang nakatira dahil sa marble floor nitong nangingintab pa. At ng oras na dumako ang paningin ko sa harap ay may tatlong pinto ang bumungad sa aking paningin. Ang isa ay nasa left side ng hallway, may roon din sa right side at ang isa ay nasa gitna na nakaharap sa elevator na makikita agad pagkalabas mo rito.

Dire-diretso lang itong naglakad hanggang sa tumigil ito sa harap ng mahogany double door sa gitna at binuksan gamit ang susi na kinuha niya sa kanyang kanang bulsa. Nacu-curious tuloy ako kung ano ang nasa loob ng left at right side na mga pinto dahil alam kong bahay na niya ang nasa gitnang pasilyo kapag pumasok ka na.

Nauna ulit itong pumasok at hindi man lang ako nilingon at nagpakita sa akin na kailangan kong sumunod sa kanya kaya nag-aalinlangan pa ako kung susunod ba ako o hindi. Bakit nga ba ako pumayag na sa penthouse niya tumira kahit na hindi ko pa ito kilala ng lubusan? Bakit nga ba ako sumama sa kanya kahit na noong nakaraang linggo ko lang ito nakita? At bakit parang pamilyar ako sa kanya? Pamilyar na pakiramdam na parang matagal ko na siyang kilala?

Nakita ko itong lumabas sa pinasukang pinto na may nakakunot na mga noo habang nakatayo lang ako kung saan niya ako iniwan. Nang magtama ang mga mata namin ay tinaasan niya ako ng kilay kaya tinaasan ko rin ito ng kilay ko. Bumuntong hininga muna ito bago niya tinuro ang kanyang likod gamit ang kanyang hintuturo at tumalikod ulit sa akin at pumasok ulit. Nagkibit balikat na lang ako at nagsimula nang ihakbang ang mga paa ko papunta sa kung saan siya pumasok.

Napa-awang ang labi ko nang makita ang kabuoan ng loob ng penthouse niya. Sobrang lapad ng sala na parang ilang tao ang pwedeng magkasya. The walls are a mix of gray and white with different abstract painting that is hanging with it. May malaking chandelier sa gitna. May mga nakapabilog ding mga sofa na kulay nude sa gitna ng sala. May glass center table na may mga magazine sa ilalim. May malaking flatscreen TV din sa harap ng mga sofa. Halata rin sa mga gamit at mga antiques na ang mamahal nito. All in all, maganda ang sala niya at pang unisex din. I wonder how many women he brought here. Alam kong hindi lang ako ang pinatira niya rito.

"Suit yourself, honey. Feel at home," aniya at hinubad ang suot nitong suit kaya ang natitirang suot na lang nito ay ang puting long sleeve niya na may black necktie. "I'll be in my office to sign some papers. Don't hesitate to go there when you need anything. Then make yourself comfortable in your new home, babe." Tumango lang ako sa kanya dahil hanggang ngayon ay speechless pa rin ako sa ganda ng penthouse niya.

"My office is located outside this room, left side." Hindi na ako nakasagot pa nang marinig ko ang pagbukas sara ng pinto na indikasyon na lumabas na ito at iniwan na ako ritong mag-isa sa unang araw ko.

Bumuntong hininga muna ako at nilibot ang buong silid dahil wala naman akong gagawin dito... sa ngayon. Nakakamangha ang interior design nito na talagang pinag-isipang mabuti. Maganda ang loob pero parang ang lungkot ng aura nito. There is something in here that made the air inside his penthouse uncomfortable and... unwelcoming.

May nahagip ang mga mata ko sa isang sulok na isang picture frame na parang sinadyang itumba talaga. Naglakad ako papalapit dito at akmang hahawakan at titignan sana ito nang may magsalita sa likod ko na ikinatalon ko at ikinahawak sa kanang dibdib ko sa gulat.

"Don't touch it," madiin at malamig ang boses nitong ani kaya napalingon ako sa kanya na nakahawak pa rin sa kanang dibdib ko at habol na ang hininga.