(U&Z)
ထျန်လျန်က မြို့တော်အသီးသီးက ပို့လိုက်သည့်မြို့တော်ဝန်တို့ရဲ့ အစီရင်ခံစာလွှာတွေကို ဖတ်ရှု့စီစစ်နေရင်းနဲ့ သူ့အနားတော်ပါက ရိုဒန်ကို ...
"ရိုဒန်ငါယုံကြည်ရဆုံး အားကိုးရဆုံးသူက မင်းပဲလို့ ငါပြောခဲ့ဖူးတယ်နော်... "
"မှန်ပါတယ်မင်းကြီးပြောခဲ့ဖူးပါတယ်... "
"အဲ့ဒါဆိုရင်ဘာလို့ မင်းငါ့ကိုလိမ်ညာထားရတာလဲ ... "
"အရှင်မင်းကြီးကို ကျွန်တော်မလိမ်ညာရဲပါဘူး ဘုရား ... "
ထျန်လျန်စကားကြောင့်ရိုဒန်က ပြာပြာသလဲတောင်းပန်သမှုပြုလေ၏။
တကယ်တော့မင်းကြီး ဆိုလိုတဲ့အကြောင်းအရာကို သူ,မသိပါ။
"မိဖုရားရှင်ဆူးက ကြယ်လေးဆိုတာ ငါသိပြီးပြီ ... "
သူတို့ဖုံးကွယ်ထားသည်ကို မင်းကြီးသိရှိနေပြီမှန်း ရိုဒန်သိလိုက်ရ၍ ထိပ်လန့်သွားမိတာတော့အမှန်ပင်...။
မင်းကြီးထျန်လျန်ကို မဝံ့မရဲတစ်ချက်မော်ကြည့်မိပြီးနောက်အကြည့်ချင်းမဆုံရဲတော့ပဲခေါင်းငုံ့နေမိ၏။
"မင်းတို့သူငယ်ချင်းသုံးယောက်စကားပြောတဲ့ညက အဲ့ဒီ့အဆောင်ကို ငါရောက်လာခဲ့တယ်...
မင်းတို့ပြောနေကြတာတွေ အကုန်လုံး ငါကြားပြီးပြီ ... "
"ကျွန်တော့်ကို ခွင့်လွှတ်တော်မူပါ မင်းကြီး ...
ကျွန်တော်မင်းကြီးကို ထိမ်ချန်ထားမိပါတယ်... "
"ထားပါတော့ ...
ငါက မင်းကို မကျေမနပ်နဲ့အပြစ်ပေးမလို့ပြောနေတာမဟုတ်ဘူး ...
ငါသိထားတယ်ဆိုတဲ့အကြောင်း မင်းကိုသိစေချင်တာ ... "
ထျန်လျန်စိတ်ထဲကအတွေးသည် အမှန်တရားတွေအားလုံး သူသိနေတယ်ဆိုတာကို ကြယ်လေးအားမသိစေချင်ပေ။
သူမ ဘယ်အထိ ဖုံးကွယ်နေနိုင်မလဲဟု သိချင်မိသည်။
"မင်းက ငါ့ကို အသက်ပေးပြီး သစ္စာရှိပါ့မယ်စောင့်ရှောက်ပါ့မယ်ဆိုပြီးမင်းရဲ့သူငယ်ချင်း ကြယ်လေးနဲ့ပတ်သက်လာတော့ ငါ့ကိုသစ္စာမရှိတော့ပါလား ရိုဒန်... "
YOU ARE READING
အိမ်ရှေ့မင်းသားရဲ့ လမ်းပြကြယ်လေး(Normal)
Romance(Unicode & Zawgyi) ရှေးခေတ် နန်းတွင်း အချစ်ဇာတ်လမ်း fic လေးတစ်ပုဒ်။ ေရွးေခတ္ နန္းတြင္း အခ်စ္ဇာတ္လမ္း fic ေလးတစ္ပုဒ္။
