အိမ်ရှေ့မင်းသားရဲ့ လမ်းပြကြယ်လေး(Normal)

(Part - 6)

(U&Z)

အိမ်​ရှေ့စံမင်းသားထျန်​လျန်​က​အမဲလိုက်​ထွက်​ပြီး​နောက်​နေ့မှစ၍ ကြယ်​လေးကို အိမ်ပြန်​ခွင့်​သုံးရက်​ပေးလိုက်​လေသည်​။
ဘာအတွက်​ကြောင့်​ဆိုတာ မသိရ​ပေမယ့်​အိမ်​ရှေ့စံကို သူမပြန်ေ​ပြာမိသည့့်​ကိစ္စအတွက်​စိတ်​ဆိုး​နေတာ​ကြောင့်​ပဲ ဖြစ်​နိုင်​ပါသည်​။

သူမကို မမြင်​ချင်​၍ ခွင့်​ရက်​ပေးလိုက်​တာပဲဖြစ်​ပါမည်​။ တကယ်​ဆို ခွင့်​ရက်​ပေးရမှာမဟုတ်​တစ်​ခါထဲကိုယ်​ရံ​တော်​အဖြစ်​က​နေ နှုတ်​ထွက်​ခွင့်​ပေးရမှာပါ။
သူမအဲ့လိုဖြစ်​အောင်​တမင်​ရည်​ရွယ်​ပြီး လုပ်​ခဲ့တာမဟုတ်​ပေမယ့်​လဲ ဒီလိုမျိုးအိမ်​ရှေ့စံစိတ်​ဆိုးလက်​စနဲ့ သူမကိုနှုတ်​ထွက်​ခွင့်​ပါ​ပေးလိုက်​ရင်​တော့ အ​ကောင်းသားဟု​တွေးမိ​လေသည်​။
သို့​သော်​ကံကြမ္မာက သူမကို မျက်​နှာသာမ​ပေးခဲ့​ပေ။

အိမ်​ပြန်​ခွင့်​သုံးရက်​ရသည်​မို့ နမ်​ရွာသို့ သူမပြန်​လာခဲ့​လေသည်​။ အိမ်​ရောက်​တော့ သူမ​မွေးစားအ​မေပူဝါက သူမကိုမြင်​တာနဲ့ ဖက်​ပြီးငိုပါ​လေ​တော့၏။

"အမ​လေး ငါ့သမီး​လေးကို အ​မေလွမ်း​နေရတာ ....
အခုမှပဲ​တွေ့ရ​တော့တယ်​.... "

"အ​မေရယ်​ဘာလို့ငို​နေတာလဲ .....
တိတ်​တော့​နော်​....
သမီးလဲ အ​မေနဲ့ အဖိုးကိုလွမ်းတာပဲ ဒါ​ပေမယ့်​မငိုဘူး လွမ်းလို့ငို​နေရုံနဲ့ အလွမ်း​တွေက​ပျောက်​သွားမှာမှ မဟုတ်​တာ မျက်​ရည်​တွေကျလာတာပဲ အဖတ်​တင်​နေမယ်​... "

ကြယ်​လေးတို့က စိတ်​ဓာတ်​မာ၏။ ကိုယ်ချစ်တဲ့သူေ​တွကို အရမ်း​လွမ်း​နေလဲ ငိုဖို့မလိုဘူးဟု ထင်​တတ်​သူ။
(အဲ့ဒီ့အချိန်​တုန်းကပါ။​နောက်​အနာဂတ်​မှာ​တော့ အလွမ်းဆိုတဲ့အရာက​ဘယ်​လောက်​နာကျင်ရပြီး မျက်​ရည်​တွေနဲ့ဆက်​စပ်​သလဲဆိုတာ သူမသိရမှာပဲဖြစ်​သည်​။)

"အခု​ရော အိမ်​ကိုအပြီးပြန်​လာတာလား ...
အ​ကြောင်းမကြား ဘာမကြားနဲ့ငါ့​မြေးရယ်​...."

အဖိုးဦးမာလိကလဲ ကျောမှာပိုးထားသည် ကြယ်​လေးအဝတ်​ထုပ်​ကို ကြည့်​ပြီး​မေးလိုက်​လေ၏။