(U&Z)
"ကြယ်လေး နင်ငါ့ကိုပြောစရာရှိလို့ဆို ဘာအကြောင်းကိစ္စများလဲ ... "
ကြယ်လေးက ရိုဒန်ကို အခေါ်တော်လွှတ်လိုက်တာမို့ သူမအဆောင်သို့ ရိုဒန်ရောက်လာခဲ့ရသည်။
"အရေးကြီးတယ်ငါနင့်ကို သတိပေးစရာတစ်ခုရှိလို့ခေါ်ခိုင်းလိုက်ရတာ ... "
"ဘာများလဲ ... "
"ငါအခုပြောတဲ့ကိစ္စကို နင်မင်းကြီးကို ပြန်ပြီးမပြောပါနဲ့ ... "
"မင်းကြီး မသိအောင်နင်ဘာတွေလုပ်မလို့လဲ ကြယ်လေး ... "
"ငါလုပ်မှာမဟုတ်ဘူး ...
တခြားသူလုပ်မှာကို ငါကတားမြစ်ချင်တာ ...
ဒါပေမယ့်ငါတားလို့ရ မရဆိုတာ မသေချာတဲ့အတွက်ကြိုတင်ကာကွယ်ထားလို့ရအောင်နင့်ကိုပြောမလို့ ... "
ကြယ်လေးရဲ့ စကားတွေကို ရိုဒန်သဘောပေါက်သလိုတော့ရှိ၏။
"နင်ပြောတဲ့ တခြားသူဆိုတာ မင်းသားအင်ချန်းလား ... "
မင်းကြီးနဲ့ ကြယ်လေးတို့ရဲ့ အတွင်းရေးကိစ္စတွေအားလုံးကို သိရှိထားပြီးသူမို့ ရိုဒန်ချက်ချင်းတန်းသိသွားတာကတော့ သိပ်မဆန်းပါ။
"အင်း ဟုတ်တယ်... ရိုဒန်
မင်းသားအင်ချန်းက ငါ့ကို သတိပေးထားတယ်...
မင်းကြီးနဲ့ထီးနန်းကို သူတစ်စုံတစ်ခုလုပ်ဖို့ ကြံစည်နေပုံပဲ ...
သူ့ပုံစံကြည့်ရတာလဲ တကယ်လုပ်ဖို့ ဆုံးဖြတ်ထားပုံရတယ်... "
"ဒီကိစ္စက အရေးကြီးတယ်ကြယ်လေး ...
မင်းကြီးကို ငါတို့ပြောပြသင့်တယ်...
ဒါမှမင်းသားအင်ချန်းရှေ့မဆက်နိုင်အောင်တစ်ခုခုလုပ်ခွင့်ရှိမှာ ...
ဘုရင့်အာဏာနဲ့ဆိုရင်အရာအားလုံး အဆုံးသတ်သွားမှာပဲ ... "
"နင်ပြောသလို ငါလဲ စဉ်းစားခဲ့ဖူးတယ်...
ဒါပေမယ့်ငါမင်းသားအင်ချန်းကို ဒုက္ခမရောက်စေချင်ဘူး ...
သူ့ကို ဒီနန်းတွင်းထဲမှာပဲနေပြီး မင်းကြီးနဲ့အတူ တိုင်းပြည်အတွက်လုပ်ဆောင်စေချင်တယ်...
မင်းသားအင်ချန်းသာ မင်းကြီးကို အကူအညီပေးခဲ့မယ်ဆိုရင်မူဂန်နိုင်ငံကကောင်းမွန်ခြင်းတွေပဲ ဖြစ်လာလိမ့်မယ်... "
ESTÁS LEYENDO
အိမ်ရှေ့မင်းသားရဲ့ လမ်းပြကြယ်လေး(Normal)
Romance(Unicode & Zawgyi) ရှေးခေတ် နန်းတွင်း အချစ်ဇာတ်လမ်း fic လေးတစ်ပုဒ်။ ေရွးေခတ္ နန္းတြင္း အခ်စ္ဇာတ္လမ္း fic ေလးတစ္ပုဒ္။
