အိမ်ရှေ့မင်းသားရဲ့ လမ်းပြကြယ်လေး(Normal)

(Part - 17)

(U&Z)

မူဂန်​နန်းတွင်းရဲ့ ညီလာခံသဘင်​တွင်​အမတ်​ကြီ ဝန်​မင်းတို့၏ တင်​ပြသည့်​အ​ကြောင်းအရာသည်​သူ့ကိုစိတ်​မသက်​မသာ ဖြစ်​စေရသည်​။

"ဘာ တြိဂါက သူတို့ရဲ့မင်းသမီးတစ်​ပါးကို ငါ့မိဖုရားအဖြစ်​ဆက်​သတယ်​ဟုတ်​လား အမတ်​ကြီးတို့ ... "

"မှန်​လှပါဘုရား ... "

"မိဖုရား လာပြန်​ပြီလား မိဖုရား ...
နိုင်​ငံငယ်​တွေက မူဂန်​လိုနိုင်​ငံနဲ့ မဟာမိတ်​ဖွဲ့​ဖို့အတွက်​သူတို့နိုင်ငံရဲ့​မင်းသမီး​တွေကို လာ​ရောက်​ဆက်​သလာသမျှ ငါကလက်​ခံ​နေရ​တော့မှာတဲ့လား ... "

ထျန်​လျန်​အ​တော်​လေး စိတ်​ပျက်​နေမိပါသည်​။ ဖြစ်​နိုင်​လျှင်​သူ့အတွက်​မိဖုရားဆိုတာ မလိုအပ်​။
သို့​သော်​ရှင်​ဘုရင်​ဆိုတာ မိဖုရားမရှိလို့ မသင့်​တော်​မဖြစ်​သင့်​သည်​ဟူသည်​အစဉ်​အလာအရ​သူလက်​ခံခဲ့ရသည်​။

အခုသူ့မှာ မိဖုရား​ခေါင်​ကြီးအပြင်​နိုင်​ငံငယ်​တွေမှ ဆက်​သလာကြသည့်​မိဖုရား​တွေကလဲ လက်​ဆယ်​ချောင်းပင်​ပြည့်​လုပြီ။
ဒါနဲ့​တောင်​အခုထပ်​ပြီး​နောက်​ထပ်​မိဖုရားတစ်​ပါးလက်​ခံရယူ ရဦးမှာတဲ့လား ...။
စိတ်​ရှုပ်​စရာ​ကောင်းလွန်းလှပါ၏။

"မင်းကြီးဘုရား ... တြိဂါက စစ်​မက်​အင်​အား မ​တောင့်​တင်းတာတစ်​ခုကလွဲရင်​ပြည့်​စုံကြွယ်​ဝတဲ့ နိုင်​ငံငယ်​တစ်​ခုပါပဲ ...
တြိဂါနဲ့သာ မဟာမိတ်​ဖွဲ့ရင်​မူဂန်​ရဲ့စီးပွား​ရေးနဲ့ ကူးသန်း​ရောင်းဝယ်​ရေးကလဲ တိုးတက်​လာမှာအမှန်​ပါပဲ ဘုရား ... "

လက်​ဝဲအမတ်​ကြီး(အိုလင်းရဲ့ဖခင်​)က မင်းကြီး​လျောက်​တင်​လိုက်​လေသည်​။
လက်​ဝဲအမတ်​ကြီးလိုပင်​အခြားအမတ်​တွေ ဝန်​မင်း​တွေကလဲ ထိုကိစ္စကို​ထောက်​ခံသူများပြားခဲ့သည်​။

"အခုဆိုရင်​တြိဂါက မင်းသမီး​လေးက မူဂန်​ကိုလာ​နေပါပြီ မကြာခင်​ရောက်​လာ​တော့မှာပါ မင်းကြီးဘုရား ... "

"​တိုင်းပြည်​ရဲ့ အကျိုးစီးပွားအတွက်​ငါကထပ်​ပြီး​တော့ မိဖုရားတစ်​ယောက်​လက်​ခံရဦးမှာ​ပေါ့ ...
အတင်းငြင်းဆန်​ပြီး ပြန်​လွှတ်​လိုက်​ရင်​လဲ တစ်​ဖက်​နိုင်​ငံကို မ​လေးစားရာ နှိမ်​ရာ​ရောက်​လိမ့်​ဦးမယ်​... "