#درويش_ودعجبنا
#الحلقة_29
-ألو منو معاي !!
- حسون كيفك
-🤦🏾🤦🏾🤦🏾
لا اله الله الا الله دي مصيبة شنو
منو معاي؟
- يعني معقولة صوتي دا لحقت نسيتوا
- انسي شنو هو انا عرفتوا لمن انساهو منو انا ما عندي أخلاق
-أنا علا القبيل أهديتك القلم
اتصلت عليك قلت أطمن علي هديتي وكدااا
- جبتي رقمي من وين ؟
- البسأل ما بتوه بعدين ياخ دا بدل تسألني وتقول لي كيفك واشتقنا والحركاات دي ، نحن مافي الجامعة اخد راحتك معاي
- طيب حآخد راحتي عن إذنك وقفلت فيها الخط
يلا انا هنا خلاص جبت آخري منها وشميتها عديل
ما إفترا مني ولا قلة ادب بس الإسلوب البتتعامل بيهو البت دي مقزز 🤦🏾
بعدها الشباب جو وكانوا جاهزين للطلعة زي ما اتفقنا قبيل
- انت ياشاب لسة ما جهزت موش اتفقنا نطلع !!
- والله انا نسيت عديل ياخ 😅
اسي اجهز ثواني
جهزت وطلعنا كلنا واتحركنا علي الخرطوم وتحديداً شارع 117
حايمين من مطعم لي مطعم لحدي ما إخترنا مطعم كدا وخشينا طلبنا
وقعدنا نتونس ونحكي لحدي ما الأكل نزل
اتعشينا واتحركنا علي شارع النيل ، وكنا بنحب نمشي عوامة مراسي الشوق
خشينا وصبيناها هناك ونسات وجبنات وضحك
في نص الونسة أحمد نط زي المخلووع ولفت انتباهنا كلناا
- دقيقة دقيق دقيقة دااا شنووو داااااا
امسسسسسك
كلنا اتخلعنا في شنو
كان ماسك تلفونوا وبقلب فيهو لحدي مافتح صورة كدااا
ومررها للشباب واحد واحد وكل واحد لمن يشوفها كان بنطط عيونو وبعاين لي انا استغربت من الموضوع وسألتهم
وروني معاكم في شنوو ؟؟
قعدوا يضحكوا ويرفرفو لي بعيونهم
- والله يا حسسن لكن طلعت خلبوص وشاذ عديل شنو لكن خانق الصاروخ وعامل فيها الود مسكين
- صاروخ !! خانق كدي فهموني حاجة ؟
احمد مد لي التلفون وشفت الصورة ..
هي دا انا وعُلا واقفين سواااا ...
ياربي دا منو الصورنا داا !!
قلت ليهو :
- جبت الصورة دي من وين وكنت منفعل ..
قعد يضحك وقال لي
- ما تنفعل ياخوي انت قايل في شئ بتدس الزمن داا
دا قروب في الواتس ، اسمو شمارات الجامعة 😅
اي صغيرة وكبيرة بتحصل بتترفع فيهو
والليلة القروب كلوو بتكلم عن صاروخ آداب عُلا فرنسي والولد الأداها شاكوش وفشلها في نص الجامعة
انا طبعاً كنت مستغرب لي حاجتين اول شئ
لي الطلبة بنتهكوا خصوصيات بعض كداا يعني منو الأداهم الحق يصورو البت دي ويتكلموا عنها كدااا ، اي صاح هي تستاهل بس في النهاية دا ما بديهم الحق خالص يعملوا كدااا
الشي التاني الكنت مستغرب ليهو
الصورنا داا ساب كل أشغالوا وبقي قصاد علا والبتسويهو علا
صحي مجتمع فارغ والله ، يعني ابدا ما موضوع مستحق الإهتمام داا
قلت ليهم دي شنو التفاهة دي هسي دا موضوع ليكم
احمد رد لي :
-يازول دي عُلا فرنسي الجامعة كلها متابعاها ومكسرة فيها واي شئ بتعملوا الناس بتكون مركزة
لكن انت يا اخ صحي فشلتها واديتها شاكوش ؟؟
والله يطلع كلام الناس دا صاح ادقك
في زول بفشل عُلا ياخ دي قرض ياخ
انا من زمان كايس لي معاها نفس
وبدو يحللو في الموقف ويتأكدوا
- اي صاااااح لمن كنا في الجبنة كانت تمشي وتجي تتحاوم جمبنا اتاريها عينها عليك
والله ياحسن لكن طلعت ما هين ، عُلا فرنسي مكسرة فيك انت 😅
وبدوا يدوروني ويشغلوها لي واي واحد فيهم بدا يديني في نصايح لازم تحنك معاها وتعز نفسك دي فرصة جاتك من فوق
وانا سااااااكت لحدي ما خليتهم يخلصوا كلامهم ..
قلت ليهم
-خلاص خلصتوا ؟
طيب وروان يا شباب ، ولا روان دي ما عملتوا حسابها ، موش عارفيني بحبها كيف اخونها مع واحدة تانية
فرضاً عُلا سمحة وحاجة واو ، بي ياتو قلب
انا ما عارف انتوا بتفكروا كداا كيف
منتصر قال لي :
- وروان دخلها شنوو ، عاين روان دي في القلب خليها
اما عُلا دي ختها في الحلق ان شاء الله ولا في البلعوم اي حتة ، خلي قلبك إستراحة ياخ يشيل من الحبايب الف 😆
