#درويش_ودعجبنا
#الحلقة_37" صباح الخير ياعريس "
قوم خلاص كفاك نوم الليلة يومك 😅ااااخ بعد قمت واخدت لي مقية كداا 😌
صحصحت شوية ورفعت راااسي ، فتحت عيوني
- اووووو عبد الرحمن 😍
حمد الله علي السلامة منورين ودعجبنا جيتو متين
- الله يسلمك والله قلنا نجي بدري نلحق التجهيزات 😍
قوم قوم كفاك نوم ..- وين صبري وناس احمد ؟؟
طبعاً شايل هم أحمد شديد وكنت مقلق شديد
- أحمد دخل الصالون تعبان قال عاوز يرتاح شوية
قمت من السرير بسرعة ودخلت الصالون وفعلا لقيتو راقد ومتغطي بي ملاية ودافن راسو تحت المخدة بس شكلوا كويس لانو لو كان حصلت ليهو حاجة كنت حعرف من ناس صبري وعبد الرحمنقمت مشيت وسلمت علي صبري وبارك لي وتقريباً الناس كلها كانت صاحية الوقت داك
وكلنا طاقتنا فل ومستعدين 😍
الساعة كانت حوالي 7 صباحاً وناس صبري شكلهم طلعوا بدري شديد وجوو
طوالي مشيت استحميت وجيت صليت وبعديها قعدنا شربنا الشاي وبدينا نتناقش في مواضيع العرس وحنعمل شنو
انا قلت ليهم والله انا من يدكم دي لي يدكم دي 😅
قمت بعديها مشيت بي هناك علي النسوان وسلمت علي خالتي كوثر والبنات وبالمرة اشوف عملوا شنو وجابوا شنووخالتي كوثر ما قصرت والله كل شئ جابتواا ، الهدايا الحيقدموها وحتي حاجات العروس
كل شئ هم أنجزو علي اكمل وجه 😊🙏🏼وانا ماشي عاوز ارجع علي الديوان ندهت علي خالتي كوثر
- اي يا خالتي عاوزين حاجة ولا ناقصاكم حاجة !!
- لالا ياولدي ما ناقصنا شي تنقص زنوبك انت يا يابا وتتبارك ما تتشارك
بس انا كنت عاوزة اسألك من حاجة
- اتفضلي يمة
- أنت احمد دا مالو امس بعد وصلنا ، جا راجع متغير مرة واحدة حتي ما اتكلم مع زول دخل نام طوالي والصباح خشمو ما فتحو مع زول لحدي ما وصلنا هنا دخل تاني نام- انتي جادة يا خالتي مالوا ياربي 😰
اهاااا انا خلاص الفيني كملت ، وبديت اتوتر
- طيب يا خالتي بتكلم معاهو واشوفووو مالوا
طلعت منها ورجعت الديوان تاني قلت اشوف احمد صحي ولا لسة عشان يبرد لي قلبي ويوريني حصل شنو معاهو 🤦🏾♂️
بالذات كلام خالتي دا وترني وخوفني شديد يارب ما تكون في مصيبة حتحصل 😭وانا راجع علي الديوان صادفت في طريقي شهد كانت داخلة علي البنات جواا ترتب معاهم الحاجات
اصلا البيت شبه مليان ، اهل احمد كلهم كانوا قاعدين وكأنوا عرس احمد ولدهم ما عرس واحد غريب ما معروف اصلوا ولا فصلوا
بس كل الحكاية انهم شافوا فيني خير واتعاملوا معاي بي اصلهم 💜
شهد كانت ماشة جمبي وبتتحاشي تعاين لي او حتي تسلم علي ، كانت مدنقرة تحت وماشة سريعكانت جاية من الزقاق ومتوجهة علي غرفة البنات وانا جاي من الغرفة التانية ماشي علي الزقاق عشان اطلع وامشي الديوان
كانت بينا مسافة واول ماشافتني دنقرت ومشت سريع علي اتجاه غرفة البنان ☹️
