#درويش_ودعجبنا
#الحلقة_39
مشغول بالك
فكرك حاير
لاك راسي محلك
ومانك طاير
مغلوب امرك
وعقلك فاير
ماك بي مخير
غصبا ساير
ظروفك عاكسة
طريقك جاير
وانت المابي
وقدرك داير
صابر وصبرك
زاهر وناير
الا مواجعك
زرعا باير
بانيهو املك
فيهو متضاير
الا مخاوفك
عدو جاك غاير
دايرة بصاير
لافة وجاية
ودنيا دواير
نحنا وراها
بنلقي مصاير
ودنيا دواير
الا دواك
في الزمن الجاير
شيل من وجعك
وانحر خوفك
واكرم صبرك
الجاك زاير
وابني مدافعك
من طين صبرك
صبرك بصمد
الا الوجعة
بناها متهاير
دنيا ملاهي
سواهي
دواهي
دايرة الحيل
الحملو بضاهي
تقيل الشيل
القاصي ضهور
العاتم النور
الآمر وناهي
ودنيا تلاهي
تلعب وتفرح
الا كمان
بتبقيك ساهي
وتطلع شايل
تعب الفرحة
حتي قروشك
يكملو ساهي
وترجع تاني
تعيش الوجعة
وتعشم تاني
مناك الرجعة
اصلها دنيا
فرحها ما دايم
مداهو ثواني
وترجع تاني
تعيش الوجعة
وتعشم تاني
مناك الرجعة
ودنيا تلاهي
أحمد كان بحكي وخايف من البحكيهو كأنوا بعترف بي جريمة إرتكبها 🤦🏾♂️
- حاجة شنو يااحمد احكي قلقت بي !!
- فاطمة ياحسن فاطمة اختك
شفتها 🤦🏾
شفت فاطمة أختك
- فاطمة اختي انا !!
شفتها وين أحكي ما تسكت اتكلم يا أحمد
- ما عارف اقول شنو ياحسن بس 🤦🏾♂️
-ما بس ولا حاجة قول قووول ياخي
- في الغرفة يا حسن كان في صورة كبيرة مبروزة ومعلقة في نص الغرفة ، ولما سألت منها محمد قال لي دي فاطمة اختك ..
- طيب المشكلة وين !!
- المشكلة ياحسن ...... 🤦🏾♂️
- ياخ قول في شنو ؟؟
- نفسها الصورة الأنا شفتها في الغرفة ياحسن
هي نفسها درويش ود عجبنا الانت بتفتش عنو 😭
سارة صاحبة شهد ياحسن هي الدرويش نفس الملامح ونفس الشبه ، ما بنساها
انا شفتها مرتين او تلاتة مع شهد زمان وما بنساها 🤦🏾
بس كيف !!
انا ماقادر افهم ، انا لما شفتها واتأكدت من انو دي سارة م عرفت اتصرف كيف ياحسن ، صراحة قربت أجن
محمد بقول انها ماتت وكان ببكي عديل ، كنت عاوز اقول ليهو اني شفتها في مكان بس خفت يكون في سر انا ما عارفو ياحسن
خفت اقول كدا لي محمد ود عمك وتحصل حاجة عمك يعرف وتبقي مشكلة
دا الحصل يا حسن امس ومن طلعت منو انا زي ما انت شفتني ، ما علي بعضي
حاسي انو انا بحلم ولا دا كابوس
وما حبيت اكلمك طوالي عشان عارف الموضوع دا عواقبو شنوو
حسسسن سامعني انت !
حسسسن !! ياود
حسسسسسسسسسسسسن
ياشباب تعالوا الحقوا معاي حسن !!
ياحسسسن قوم سامعني انت !!
في اللحظة دي ما تسألوني عن إحساسي لأنو ما بتحكي 😭🤦🏾♂️
أغمي علي وآخر حاجة سمعتها وكانت بتتردد علي سمعي
فاطمة هي نفسها سارة 😭
لأ لاااااااا
الخايف منوووو طلع صاح 😭🤦🏾♂️
