#درويش_ودعجبنا
#الحلقة_32
- أحمد كيفك حمد الله ع السلامة
كدا برضو يااحمد تجي براك وما ترضي تجي معاي
- كدي هسي ياحسن الموضوع دا خليهو
قوم استحم وغير وبعد نروق نتناقش فيهو
- طيب قايم عمي ابراهيم وين !!
- ابوي في المسجد
قمت من السرير ومشيت استحميت وغيرت ملابسي واتوضيت صليت العصر الفاتني والمغرب
بعد الصلاة طلعنا السراير برااا في الحوش
بس المرة دي ناقصة كانت ، ناقصة سريرين
سرير منتصر وعبدالله
فقدتهم وفقدت الونسة والضحك والتشغيلات حقتنا سوااا
لحظتها اتزكرت روان القالت جاية بعدين عشان الاقيها ، سألت احمد
- احمد روان جات ؟
- اي جات وقاعدة بهناك ، امال انا صحيتك لي يافالح
عاين ياحسن ياتكلمها انت يا اكلمها انا بي موضوع علا داا
- يا احمد والله انت فاهم الموضوع غلط ، انتو م اديتوني فرصة عشان اشرح ليكم
انا والله البت دي ما عندي ليها حاجة ، وعاوز روان بس
لكن هي مكرهاني حياتي وماعارف اعمل معاها شنو وروان هسي بكلمها قدامك
- وانا اسف كمان ياحسن انا امس اتهورت وزعلت بس والله انا كنت مشوش بالذات بعد الحصل جمب الاحفاد وتاني الحصل بعد تلفون علا
صراحة انت غامض والحصل دا خلانا مافاهمين حاجة
- انا عارف والله ودا الماضي حقي وانتو عشان ما عارفين اتخلعتوا
طيب انا مستعد احكي ليك كل شئ وافهمك الحاصل كلوو بس ما تزعل مني انت عارف انا ماعندي غيركم
- خير ياحسن كدي هسي انا بحاول اخليك تقابل روان وتقعد معاها شوية وبعدها نقعد ونتكلم
ونفاتح ابوي في الموضوع
والفيها خير ربنا يقدمها
احمد مشي بي هناك وخلاني في الحوش براي ، وبعد 5 دقايق كداا نده علي وجيت
لقيتو واقف في الممر البفصل بين الديوان والبيت جواا واقف ومعاهو روان 🙈
كانت لابسة توب وماشاءالله زي القمرة ، بس كانت عيانة 🤦🏾 عيونها واقعة وتقح وشايلة منديلها
بقينا واقفين التلاتة انا واحمد وروان بعديها احمد عاين لي
ورمقني بنظرة غريبة بس انا فهمتها ، نظرة بتقول كلمها ما تنسي ، وانا لحظتها نسيت كل شي وبس بقيت مع روان
- المنصفة ، سلامتك ياخ ان شاء الله الياباك
- دقيقة انا م مصدقة انت جيت فعلاً انا لحدي ما احمد ناداني عشان الاقيك ما كنت مصدقة
الجابك شنو موش قلت عندك شغل والدكان وما بعرف ايه
- اامممممم فعلا عندي شغل بس خليتو عشانك
المهم طمنيني عليك بقيتي كيف
- احسن الحمد لله
كيف من تعب السفر والطريق!!
-هسي بقيت كويس بعد شفتك
علي فكرة اشتقت ليك
- امشي يامستهبل تلقاك ، مباري البنات في الجامعة وما شغال بي لكن انا اقبضك بتخوني مع واحدة الا اضبحك انت وياها
انا هنا اتخلعت ، البت في زول جاب ليها سيرة علا
ولا شنوو
ضحكت وحاولت اغير الموضوع ، وقلت ليها
- عايني انا عاوز اقعد معاك تاني بي رواقة لكن
في موضوع مهم شديد عاوزك فيهو
واتفقنا نتلاقي في البحر تاني يوم عصريات كدااا
وقررت افاتحها في موضوع العرس
وافرحها
