#انتقامي_من_اريمار هدولة الجزانسية

الحلقة 4💕

#انتقامي_من_اريمار الحلقة : 4
#ممنوع_النقل_بلا_اذن
#H_B
براءة دخلت تزرب لصالون كي شافت بوها قاعد ترخفت و تنهدت بالقاوي ترسمت تبسيمة في وجها
سليم كي حس بيها طلع وجهو شاف بنتو و ولدو جا واقف فتح يدييه لزوز
سليم: براءة بنتي الغالية وصلتو ايجو لهوني توحشتكم
براءة سمعت صوت بوها وتلاحت في حملتو حضناتو و آدم ثاني هزو بين يديه و يبوس فيه 
سليم : ايجا بنتي الغالية اقعدي شبيكم طولتو لتو
براءة :شي عملت دورة  مع عم احمد قبل و جينا
سليم: باهي تو اطلعو لبيتكم ترتاحو يعيش بنتي و من باعد ايجا نتعشو مع بعض
براءة : باهي بابا الغالي
هزت ادم و طلعت عملت دوش ليها و لادم ريحو شوي ... دق باب غرفتها و دخلت
الخدامة: مدموزال لعشا وجد وسي سليم قالنا نعيطولك تهبطي
براءة باهي سحر اما تنجم تقعدي هوني مع ادم كون يفيق يخاف وحدو
الخدامة: باهي مدموزال متخافش عليه راني هوني تبسمت معاها و هبطت تتعشا
دخلت لصالون وين يتعشو سليم علي راس الطابلة اخر مرة قعدو عليها كانت الفرحة مالية الفيلا  العايلة الكل ملمومة و ما كان ناقصهم شي اما كل شي تقلب بين ليلة ونهار .... جبدت الكرسي و قعدت شوي تفكرت لي شافتو قبيل هزت راسها تهدر مع بوها
براءة: بابا شكونو هذاك
سليم: شكون
براءة : وقت وصلت كان راجل خارج تو وين تفكرت
سليم : اااا تهدر على آسر حطت المغرف و ثبتت فيه تسمع  .....هذاكا شريكي جديد فمشروعي الجديد منا على شهرين نبدو فيه
براءة : امم بالبراكة ان شاء الله  بابا
سليم: ونتي بنتي وكتاه تبدي تقراي هوني!! 
براءة منا يردولي لخبر فلا فاك و نبدا و نحقق حلم امي ونكون مديرة اعمال ناجحة و تبسمت بوجيعة و كملت تاكل
سليم وجعو برشا وفاة مرتو صوفيا كانت كل شي في حياتو حبها من نهار لول لي شافها اما حبو و حبها مكفاش كان يخونها سليم رغم حبو لمرتو اما عمرو ما سمح فالسهرات والنسا و خاصة عمرو ما سمح في هند...  وكان ديما يوجعها و يحبها حب تملكي كان خايف يجي نهار ويخسرهاا و من كثرت ما شدت في قلبها و كتمت وجيعتها مرضت و ستسلمت لدروڨ حتي مرضت بالسرطان وخلاتو ينهش جسمها لين خذا ربي امانتو ...
كملو تعشاو في سكات و باست بوها و طلعت لاشومبر تاعها  قدمت لسريريها شافت آدم راقد كي الملاك تكسلت بحذاه و ستسلمت لرقاد ....