#انتقامي_من_اريمار هدولة الجزانسية

41

#انتقامي_من_اريمار الحلقة : 41
#ممنوع_النقل_بلا_اذن
#H_B
نوقز تليفونها هزت
براءة : الو شكون
معاذ : ههه انا معاذ
براءة : سنوحي شحوالك
معاذ : الحمد لله  وانت
براءة : الحمد لله  وينك ما بنتش
معاذ : لبارح رجعت لبلاد قلت نسأل عليك انت فاضية نتقابلو نرجعو ايام زمان
براءة : اي فاضية حتا انا توحشت ايامنا تع زمان
معاذ : اوكي شي نص ساعة نتقابلو ف الكافي.###
براءة اوكي
دورت كرهبتها و ماشيا في طريق الكافي
نزلت مشات قعدت في بلاصة طل على لبحر بقات تشوف معاه شي ربع ساعة وصل و معاه حد جهامتو جهامة لابس شوميز بيضة محلول قفاليها من الفوق حاط يدو في جيبو نحا لونات من على عينيه و بانو عينيه لخضر ( اخضر دلاعي كي لحشيش ههه ) بقات تشوف فيه وتتفكر وين شايفاتو
معاذ :شبيك تشوف فيه كشغل ما عرفتوش
براءة : شكونو ؟ ما تقولش ب!!
باسل : هههه اي باسل ناضت حضناتو
معاذ : سقسيتني يا تيتي شيري على حابي هاني جبتهولك بش نكملو المجموعة
باسل : هههه تتذكرو قعدو يتفكرو في صغرهم و ضحكاتهم مليانا الكافي

كان مجتامع مع رجالو كالعادة يمد في اوامرو عليهم
آسر : السلعة لي راح توصلنا المرة هاذي مش كيما لي قبلها ما نقبل بحتا عذر كان تصرالها حاجة بش نقضي عليكم الكل تو كل واحد يشد خدمتو مشا دخل المستودع يترقب فيه و مشا لبيروه قعد يخمم في هدرت ضياء يعني شكون عندو مصلحة يقتلو عايلتو و يخليه عايش هالسنين الكل هك علاش عمل هك حتى وكان غلط بوه وش مدخل امو واختو و خطيبتو فهالشي  فاق من سرحتو و قام طلع ركب كرهبتو  عيطلو اسماعيل
آسر :شفما
اسماعيل: سي اسر مدموزال براءة
آسر: شبيها انطق
اسماعيل : ..... كي طلعت مشات للكافي لي في ###
آسر : ايييه شنعمللها
إسماعيل : هي مع زوج رجال يضهرلي صحابها
آسر : شنوااا باهي عس عليهم تو نجي حرق الكياااس في طريقو للكافي حبس حذاه نزل بكل وهرة ريقل شعرو بصباع يديه و دخل شافها من بعيد كي كانت تضحك معاهم و زاهيتلها لعصب ركبو مشا جيهتهم
كانت تضحك لين بدات تنقص ضحكتها وقلبها يزيد في دقاتو وقف عندهم ...