#انتقامي_من_اريمار هدولة الجزانسية

46

💕💕💕 💕💕💕
#انتقامي_من_اريمار الحلقة : 46
#ممنوع_النقل_بلا_اذن
#H_B
آسر :  حضر روحك بعد الضهر عندنا اجتماع
براءة : اجتماع متاع واش
آسر : بش يجيو شركاء من وروسيا
براءة : بربي علاش ما قتليش من قبل ما حضرتش روحي مانعرش وش نقول وش من موضوع راح نهدرو وش نلبس ما جبت شي قصدي خطفتني ما جيتش معاك برضايا اوه منك آسر
آسر : ريض روحك ما كملتش هدرتي .. تو بعثت حد بش يجيبلك دبش و ما تهدر شي فالاجتماع تو انا نفرز كل شي باهي!! 
فاتت نص ساعة وهو يفهم فيها في موضوع الاجتماع خاطرها شدت صحيح بش يفهمها
آسر : رتحت تو!! 
براءة : دارتلو ڨريماس تاع صحا قوادة هههه دق الباب جات بش تمشي
آسر : بعقلك وين ماشيا
براءة : نحل الباب
آسر : اركح في بلاصتك تو انا نحل
تبسمت في قلبها وش قصدو بليجاست لي يعملهم!! 
آسر : خوذ دبشك واطلع حضر روحك فيسع
هزت الصاشيات في يديها و طلعت لبيتها عملت دوش حوست على السوشوار شيحت شعرها خرجت جبدت الدبش تختار وش راح تلبس و أخيرا قررت تلبس سروال كلاسيك نواغ و شوميز ياج تحبل و طالون تاعها الباج و بوشاتها حلتها جبدت منها ريسيل و غلوس عملتهم وخرجت.. طلع لبس كوستيم كحل تحتو شوميز بيضة جا علي جسمو قد قد لبس ساعة في يدو رش من برفانتو و خرجو من بيوتهم في نفس اللحظة  كل حد فيهم عينو على الاخر
آسر : حاضرة!! 
براءة : امم كملت بش نطلعو تو!!
آسر : اي لازم ساعة فالطريق بش نوصلو
براءة : ساعة الكل علاش وين ماشيين
آسر : ما يجيش نعملو الاجتماع فالغابة مش باش نصيدو رانا مساكن الحيوانات عندهم عايلاتهم هههه
براءة عرفت بلي يتمسخر على هدرتها تع لبارح
براءة : هاهاهاها متضحكش جملة و مشات هبطت وهو وراها
براءة : معليش تعطيني تليفونك نسأل على آدم تليفوني نسيتو في كرهبتي جبد تيليفونو من جيب الفاست الدخلاني مدهولها و مشا للصالون يجيب الاوراق هي عيطت لبوها
سليم : صباح لخير اسر صافا ؟
براءة : بابا انا براءة
سليم : ااا بنتي المزيانة شتعمل بديتو الاجتماع
براءة : لاا مزال بش نمشيو تو
سليم : باهي علاه تكلم فيا من نمرو آسر
براءة : مشينا بكرهبت آسر وانا نسيت تليفوني فكرهبتي
سليم : ما يسالش
براءة : بابا آدم مليح ؟ عمل الانسلين!  دار سليم و شاف فيه كان راقد من وراه
سليم : لباس لباس ما تخممش فيه راني معاه انتي كمل خدمتك في عقلك
براءة : باهي تو لازم نعلق بوسلي آدم وعلقت قتلها فضولها مشات تشوف الصور لي فيه دخلت لقات آسر مع زوج بنات مزيانات اللخر وحدا تشبهو باين اختو و برشا تصاور مع طفلة لخرى محضنين بعضهم آسر هدرلها كان على اختو اما شكون الأخرى لي معاهم .. 
آسر : شتعمل؟!