#انتقامي_من_اريمار هدولة الجزانسية

42

#انتقامي_من_اريمار الحلقة :42
#ممنوع_النقل_بلا_اذن
#H_B
براءة :آسر !! شتعمل هنا
كان يشوف فلي معاها عرف معاذ اما ركز على باسل لي كان قاعد جنبها و قريب منها برشا دوب ما هدرت دار شاف معاها
آسر : كنت قريب من قلت نفوت نقعد هنا نحبها لبلاصة هاذي برشا
براءة : اوكي تنجم تقعد معانا معاذ تعرفو وهذا باسل صديق الطفولة زادة...  باسل هذا آسر شريك بابا
آسر : شريكك قصدك ههه
براءة : ههه اي شريكي بربي سمحني تحب نطلبلك حاجة
آسر : تو شوي ونطلب بربي ما نكونش قاطعتكم ...
معاذ : ههه لا كنا نردو ف ايام الطفولة
باسل : اي شفيتو وقت كانت براءة صغيرة برشا كونا بش نخرجو نلعبو اما شدت صحيح انها تخرج معانا
معاذ : وقتها طاطا صوفيا قالتلنا كان ما تخرجوهاش حد ما يخرج و تلزينا ناخذوها معانا
براءة : بربي ما تكملوش
آسر : لا خلي يكملو نحب نعرف شني لي صار
باسل : كونا نلعبو الغميضة اما هي صغيرة ما تنجمش تجري ياسر
معاذ: هههه اي ولينا شديناها كل حد من ايد و جريناها معانا اما لي صار
باسل : لي صار انو تفلتت يدي و طاحت و دخلتلها قزازة في جبينها
براءة : ههههه و تو هاهي مزالت المارة هوني و بعدت شعرها تنعتلهم آسر شاف في براءتها و الفرحة لي في عينيها لونهم كيف البحر و السماء الصافية لي وراها تبسم
باسل : اما تتذكر شنو قتلك فالوقت هذاك قتلك لي انا فلت يدك مرة و ضريتك مش يش نفلتها مرة أخرى 
معاذ : نشفى قلتلها زادة
براءة: قطعاتو  خلي نحكو في حاجة أخرى مثلا شتعمل! 
آسر :  ريقل قعدتو وهدر...  شقاللها !!
معاذ :قتللها بش كي يكبرو رح يعرسو بش معاتش يفلت يدها جملة و بش يكون ضماد لجراحها
شافت براءة في اسر لي وجهو ما يدل على حتى حاجة اما النار لي داخلو بش تحرقو هاذي لي اسمها نار الغيرة  زير على قبضتو على الكاس لي في يدو
براءة : اممم اما انا ما شفيتش
باسل : اما انا ما نسيتش  و حكملها يدها ههه
شاف اسر فيه و عينيه ما تبشرش بالخير زاد زير على الكاس حتا تكسر في يدو
براءة : ناضت مفجوعة آسر شفما و حكمتلو يدو جا باسل بش يشدلو يدو جبدها
باسل : سيب خلي نشوف جرحك
معاذ : اي خليه طبيب راهو شافت براءة فيه
براءة : طبييب!! 
باسل : تخدشت كهو مش حاجة خطيرة
آسر :...... قاعد يشوف فيه برك كون لقا يخنقو راو خنقو
براءة : صح طبيب ولا تفدلك
باسل : شبيك ستغربت
فلاااش باك
كانو يلعبو فالجنينة
معاذ هاز طيارة في يدو ويجري فرررر فررررر : كي نكبر بش نولي طياار
براءة كانت فالجعلولة و باسل يدوح بيها
باسل : امم وانت براءة شتحب تخرج كي تكبر
براءة : نحب نحارب الاشرار 
باسل : مكانش مهنة هك اما مقبولة ههه
براءة : وانت شتحب تخرج
باسل : شتحبني نخرج
براءة : اممم مش انت كل ما نطيح تعملي المرهم على الجرح انت بش تكون طبيب و كل ما نطيح نجيك داويني
باسل : باهي يا للا بش نكون طبيب في خاطرك

الحاضر...... 
براءة : يعني انت..
باسل :اي كيما وعدتك وصرت طبيب ههه
آسر : بصوت مش قاوي لز على سنيه قوم براءة
براءة : شقلت آسر !
آسر : قتلك قوم ولز على هدرتو وشاف في باسل
براءة : علاش بش نقوم 
باسل : صارت حاجة
آسر : حبيت نخنقك ايذا بغيت زعما ههه
  باسل : كيفاه شنو قلت ؟؟
آسر : براءة امشي من هوني
براءة : مش بش نمشي لحتا بلاصة
معاذ : شفما كأنو حلقة فاتتني وش صار؟
آسر شد يد براءة وهدر آسر : باهي بش نمشيو
باسل شد يدها الأخرى : ما عندها وين تمشي انت ليجيت بلا عرضة تو انت لي بش تروح و وحدك زادا
جبد آسر براءة دارها ورا ضهرو و خبطو ببوكس خلاه طايح فالارض
معاذ تلااح في نصهم : بربي شتعملو انتو اه
دز معاذ و زاد هبط عطاه بوكس ثاني خرج الدم من نيفو
براءة : بربي شتعم فك كشغل تهدر مع حيط جسمو مكبس حتى عيطت
براءة : آاااااااسر باااهي فك بش نروح معااك
فاق على صوتها جبد روحو منو و عدل قفالي الشوميز و حكملها يدها و مشا و هي تتكركر وراه وصلو للكرهبة
آسر : اركب
براءة : مش بش نركب و بربي شعملت انتا لداخل تقدر تفهمني
آسر : بش تركب ولا نركبك بطريقتي؟! 
براءة : شكونك انت حتا تضربو اه شمدخلك ؟
آسر : براءة ما تلزنيش نعمل حاجة ما ترضيكش
براءة: اعمل شنيا مزال ما عملتو
آسر : ما زلت ما ريت شي تو اركب....