#انتقامي_من_اريمار هدولة الجزانسية

44

#انتقامي_من_اريمار الحلقة : 44
#ممنوع_النقل_بلا_اذن
#H_B
......
حل الباب و هبط مشا جيهة الكوزينة قعد عند الباب و يشوف فيها  حفيانة منحيا الطالون لي كانت لابساتو هازا شعرها لابسا الطابلية متاع الكوزينة هازة المغرف في يدها و تمشي يمين وشمال هههه وتغني
براءة : بعيد الشر لحظة تمر مانك معي فيها....  حياتي بيدونك والله ما بكفيها .... شوف بعينك شوف شو عامل حبك شوف ودقت البي مو عادية وصارت والله الوف ... وعليك بغار ليل نهار ... وأيدي انا بأيدك .. حبيبي والله دوم حدي انا بريدك ....
تبسم وهو يشوف فيها بالحالة هذيك مشا حل الفريجيدار تخطفت
براءة : وكتاه جيت ماحسيتش عليك سمطها وما ردش عليها هز حبة تفاح و خرج مشا لصالون ترما على الفوتاي هي ستغربت كملت طيبت و هزت صحن ليها وليه قعدت تاكل فالساكت
براءة : مش بش تاكل
آسر : ....
براءة : مدامك متحبش تهدر علاه مجيبني هنا وش من خدمة لي بش نخدموها فالغابة والبيت المهجور هذا بش نصيدو الحيوانات ؟ حرام نصيدوهم بلاك عندهم عايلة يصرفو عليها
آسر  تبسم من غباءها ذرك هاذي سيدة اعمال نتاجها مزالو يلعبو
آسر : غدوا تعرف وش من خدمة تو ارقد بش نقومو بكري
براءة: مجانيش نوم
آسر : اوكي
براءة : ما كليتش
آسر : شبعت رغم لي سخف عليها طلع لبيتو نحا قشو لبس سروال سورفات كهو و مشا لفرشو هي طلعت بش ترقد لقات 4 غرف
براءة : وين بش نرقد حلت البيت لولا دوب حلتها جاتها ريحتو فيسع ما قفلت الباب عرفتها لي بيتو مشات للبيت لي بجنبها بعد... دوب دخلت بدا الرعد يخبط و البرق وهي تخافهم على اللخر قوا و ما نجمتش تتحمل خرجت مشات جيهت بيتو ترددت بش الدق اما زاد ضرب الرعد دقت و فتحت الباب فاق لي هي دخلت
آسر : براءة شفما
براءة: .....
ناض من فرشو مشا جيهتها وشعل الضو ضرب الزعد باللحظة ترمات في حملتو  تبسم على جنب
اسر: ما تقوليش تخافي الرعد
بعدت عليه شوي بش تجاوبو و ترا في جسمو لي كان عريان و عضلاتو البارزا موش بلاكة شكولاطة برك هذا سني بقلاوة معسلة بالعسل الحر و وشامو لي على صدرو مش مفهوم وش مكتوب
براءة : بين شواربها ما شاء الله  سمعها آسر وتبسم ضرب الرعد مرة أخرى تخطفت و دارت يديها على وذنيها.  ...
آسر : رعد راهو مش بش يعملك شي برا ارقد في بيتك
براءة : تهدر و مهبطة راسها ....ما يسالش نرقد هنا فوق الفوتاي نخاف نبات وحدي ...
آسر : نحي تخرنينك و ارجع لبيتك جا بش يرجع لسرير هبطو دموعها
براءة : قتلك نخاف وحدي فالرعد
آسر : غضاتو وضرو قلبو عليها باهي امشي ارقد فالسرير تو انا نبات فالفوتاي  تبسمت و ترمات في حضنو تكهرب من لمساتها فاقت مع روحا جبدت عليه
براءة : يعيشك  نحات الطالون تاعها و دخلت فالفرش بش ترقد ....