#انتقامي_من_اريمار هدولة الجزانسية

45

#انتقامي_من_اريمار الحلقة :45
#ممنوع_النقل_بلا_اذن
#H_B
مشا هو للفوتاي تقلب فيه يمين و يسار ما لقاش راحتو فيه جاب الپيسي و قعد يخدم عليه وساعة على ساعة يثبت فيها من بعيد لين داه النوم و رقد و هو قاعد

قاعدين فالكلينيك ادم في سرير و بلسان في سرير سليم عند ادم و هند عند بنتها جات الفرملية
الفرملية : خرجت النتائج و الطبيب يستنا فيكم في بيروه  خرج سليم وهند لقاو ليام في الكولوار جايلهم
ليام: شفما صرات حاجة ؟
سليم :لا اما خرجو النتائج ماشيين عند الطبيب
هند : كون ما يطابقوش (تبكي)
ليام : وقتها لازم نخبرو براءة مش هك!! 
سليم : خلي نشوفو الطبيب وش يقول سع و براءة بعثتها مع آسر مش راح تكون على يومين تو فاليومين هاذو نشوف حل ...  ليام برا عند لولاد ما تخليهمش وحدهم
ليام : باهي
مشا هو وهند وهو يهدي فيها دقو الباب و دخلو
الطبيب : اتفضلو اقعدو
هند : ما طابقش مع آدم مش هك بنتي بش تموووت اهئ اهئ
الطبيب : ربيض روحك مدام النتائج متاع ادم طابقت مع اختو بنسبة 80%  راح يقدر يتبرعلها بنقي متاعو
سليم تنهد و شكر ربي هند كانت بش تموت بالفرحة
سليم : اما آدم عندو السكر راهو
الطبيب : نعرف لهذا بش  تكون شوي مخاطر فالنقل اما ما تخافوش بش نعملو لي علينا باش ما يتضرر حتى حد
سليم : يعيشك دوكتور
الطبيب : بلا مزية نعمل في خدمتي خرج سليم و هند مشاو للبيت
ليام : شقالكم الطبيب
هند : طابقو آدم بش ينقذ اختو و دموع شلاال على خدها
لياام : بالحق ؟؟
سليم حرك راسو ايجابي
ليام : الحمد لله  اما لازم نخبرو براءة بالحقيقة
سليم : بش نخبرها اما لازملي شوي وقت
آدم فاق : بابا
سليم : ولدي البطل و مشا عندو

فاقت الصباح دورت عينها على الغرفة تستوعب وين راهي بعدها تفكرت احداث البارح  ناضت شافتو راقد وهو قاعد
براءة : شبيه رقد هك مشات جيهتو هزت الپيسي قفلاتو حطاتو على جنب جات بش تفيقو اما قعدت تتأمل في وجهو شفارو شفافو لي يشهيو و لحيتو فوتت صوابعها الصغار عليها قلبها ترعد من بلاصتو تحرك ناضت فيسع و مشات لدوش مع دخلت تبسم و حل عينيه ناض خرج من البيت مشا لدوش الثاني عمل دوش خفيف هي خرجت ما لقاتوش فالبيت لبست طالونها و هبطت وجدت قهوة و خرجت للجنينة تهبل ما بانت البارح خاطر كانت ضلمة ما بان شي الشجر في كل بلاصة و الورد تقول حديقة في  مملكة مشات جيهت الپيسن و تشوف في طابل مشات جيهتها و قعدت الجو صافي عكس فاليل لي كان مغيم حطت كاس قهوتها و غمضت عينيها تستنشق ريحت الطبيعة و التراب المبلول و تسمع في صوت الريح....  رجع للبيت ماكانش شاف فالدوش مكانش هبط التحت فات للكوزينة شافها من البالكون لي يخرج للجاغدان قاعدة تشرب فالقهوة هز قهوتو حل الباب ومشا جيهتها كانت مغمضة عينيها قعد مقابلها يثبت معاها كيفاه تستمتع بالطبيعة ملكت قلبو صايي كي حست بيه حلت عينيها تبسمتلو
براءة : صباح الخير
آسر : صباح الخير
براءة : سامحني البارح فزدت عليك نومتك في جرتي رقدت قاعد تو توجعك كرومتك كان ضهرو عند الكرسي و فنجالو في يدو تهدر موش سامع وش تهدر يشوف غير في شفافها كيف يتحركو انا هو كان غارق في بحر عينيها حتى هدر
اسر: لاريمار(l'arimar)
براءة : كيفاه!! 
آسر : لون عينك كيف جوهرة لاريمار
براءة : حشمت ههه اول مرة نسمع بيها هالجوهرة
آسر : خاطرها نادرة وغالي برشا مش موجود منو بزاف اما انتي عندك زوز منو ههه
براءة : عجبني اسمو برشا "اريمار"
آسر : يقولو انو واحد شتق اسم بنتو مع لون البحر لي في جزر الكاريبي بالسپانية و فالنهاية قرر يسميه لاريمار 
براءة : احسن ما اختار ههه
آسر : اي...