#انتقامي_من_اريمار هدولة الجزانسية

الحلقة 22

#انتقامي_من_اريمار الحلقة : 22
#ممنوع_النقل_بلا_اذن
#H_B
قاعد في بيروه لين ما نوقز تيليفونو
سارة: آسر
آسر : شكونك
سارة: سارة ما تذكرتش صوتي
آسر :شتحب منين جبت نمرويا سارة: دبرتو خاطرني توحشتك عللخر عندك يومين ما جيتش للبار نستناك ليلة!  باش تجي ؟!
آسر : شمدخلك فيا نجي ولا لا و معدش طعيتلي و علق عليها
فيسع ما رجع ينوقز هز بلا ما يشوف في بالو هي لي عيطت
آسر : شتحب انت اه
مرا: سمحني سي آسر اما عيطلك بش نقلك تحضيرات الحفلة كل وجدت
آسر : ما يسالش...  مرسي يعيشك وعلق عليها هز الفاست متاعو و مفاتحو و تليفونو و خرج من البيرو فراس: كنت بش نجيكلك فما قضية لازم نحكو فيها
آسر : خلي وقت اخر تاعب تو
فراس: امم باهي
هبط فلاسونصار و هز عيط
سليم : ههه سي اسر صفا؟!
آسر : امم صفا راك فاضي تو ؟
سليم : خير شفما ؟
آسر :  تجهيزات الحفلة كلها واجدا و دعوات كلها وصلت لصحابها
سليم : اممم باهي عللخر جا بش يقطع...  آسر
آسر : وي
سليم : ايجا حذانا تتعشا اليوم
آسر : خمم شوي اما فيسع ما قبل دعوتو اوكي  وسكر الخط
هابطة فالدرج تسمع فيهم يهدرو فالبيرو
هند : لوكتاه نزيد نصبر ما نجمش تو سنين نستنا علاه تعمل فيا هك بربي تهدر وتبكي
سليم : ريض روحك زيد اصبر معايا شوي مش وقتو تو
جات براءة بش تدخل عليهم وتفهم وش صاير صونا لباب عاودت بعدت مشات بش تفتحو
سحر: خلي عليك تو نفتحو انا
براءة : ما يسالش برا انت و انا تو نفتحو
حلت لباب و تلقاه قدامها  جات ماشية
آسر : بوك هوني
شافت فيه و قلبت عينيها و مشاات خلاتو يغلي من الفازة لي درتها في حياتو حد عمل معاه هك
خرج سليم من بيروه شافو
سليم : ااا اسر شبيك واقف فوت
فاتو لصالون وهند معاهم
طلعت لبيتها
براءة : شمجيبو هذا تو اه ميكونش جاي يخبر بابا على لي صرا لبارح  حتى ليام مش معاهم تو يلقا راحتو عللخر ويحكيلو لازمني نهبط تحل باب غرفتها
آدم : بلاءة جعت عللخر راني
براءة : امم ايجا نهبطو تو يحطو لعشا و تاكل  شداتو من يدو وهبطو لصالون
سليم : براءة وينو ليام مش بش يتعشا حذانا ؟
براءة : منعرفش خرج قبيل
آدم : جعت راني
ضحكو
سليم : هيا تفضلو نتعشاو
قامو الكل قعدو في بلايصهم سليم ترأس الطاولة و هند قعدت جنبو براءة مقابلة آسر و ادم بحذاها
آدم : قوم هزيكا بلاثت امي
شافت هند في سليم
سليم : آدم عيب راهو
آدم : ناض يبكي و يخبط قوم بلاثت امي ازيكا
هند : ما يسالش تو نبدل بلاصتي حكمها سليم من كف يدها
سليم: لا اقعد انتي
مزال ادم يخبط
براءة : يعيش خويا ما يسالش خليها
هبط فلرض ويبكي تنرفز سليم
سليم : آدم اطلع لبيتك معاقب راك .... سحر سحررر
سحر : وي سي سليم
سليم : هز آدم طلعو لبيتو
آسر : خليه صغير ميسالش
سليم : لا بش يتعلم يحتارم و يقدر لي اكبر منو
براءة : بابا
سليم : برا هزو سهر
براءة : خلي عليك سحر تو نهزو انا  جات بش تقوم
سليم : لز على سنيه انتي بش تبقا لهوني تتعشا حذا ضيوفنا
براءة : اول مرة بوها يتصرف هك عنيها كلهم دموع ما كلات شيء  قعدو يحكو وهي مش معاهم آسر لي عنيه ما نحاهمش منها راها كيفاش نقلقة عللخر هو بذاتو مش فاهم شنو صار حتى تتقلق هك بعد ما كملو عشا مشاو قعدو فالفوتاي
آسر : يعيش سي سليم على لعشا
سليم : ما عملت شي
آسر : غدوا كيما تعرفو حفل افتتاح شراكتنا فمشروعنا الجديد كل شي جاهز
سليم : ههههه من شهور نستنا في هاذ اليوم و انا عندي ما نعلن غدوا وشاف في فوتاي لي مقابلو وين كانت قاعدة هند و براءة
هند فرحت عللخر اما براءة مكانتش معاهم
براءة : سامحوني اما تعبت و لازم نطل على آدم هزت روحا
آسر : تصبح على خير  شافت فيه و تبسمتلو و دارت تمحات بسمتها و طلعت عند خوها
حلت باب بيتو لقاتو راقد مشات ليه بساتو غطاتو طفات الضو و خرجت مشات لبيتها تسمع في آسر يودع في بوها دخلت لبتها و مشات لطاقة تشوفو منها
خرج جا بش يركب كرهبتو شافها فالطاقة طل ركب و طار حرق الكياس ماشي للبار كيف كل ليلة......