#انتقامي_من_اريمار هدولة الجزانسية

الحلقة 20

#انتقامي_من_اريمار الحلقة :20
#ممنوع_النقل_بلا_اذن
#H_B
حل عينيه شافها راقدة في حضنو تبسم راسها في صدرو و هو محاوط ضهرها بيدو عدا يدو على بشرتها الطرية  بقا يتأمل فيها  اغراتو ببراءتها وطفولة لي متخبية فكل ركن فيها عدا عينيه على جسمها لاغوب طلعتلها عطاه شعور بالنشوة...  خلاه يشعل رغبتو تعداو ثواني و هو يبلع في ريقو جذباتو .. قتل رغبتو فيسع.. .. هو انسان قاسي الدنيا علماتو يغطي على ضعفو بذكاء و حنكة مش لازم يرخف ديما كابس حتى على رغبتو  لي خلقها ربي فيه ... جبد روحو منها و دخل عمل دوش بارد اما كل ما يغمض عينو تجيه صورتها قدامو  كمل فيسع حط منشفة علي وسطو و خرج لقاها مزالت راقدة فات لدريسيغ لبس كوستيم تحط على لحمو قد قد ختار منڨالة رش من برفانتو و خرج مشا ليها يفوت في صبعو على وجها بدات تتحرك باش تفيق جبد روحو وقف حط يدو في جيبو يستنا فيها تفيق
هي راقدة تشم في ريحت بارفان تعرفها بدات تحل في عينيها حلتهم و شافتو واقف بكل وهرة  لابس كوستيم جسمو باين فيه حاط يدو في جيب سروالو  دورت عينها لشومبر   ستوعبت غير كي هدر
آسر :  صباح الخير
حلت عينيها على وسعهم وجات نايضة
براءة : شنعمل انا هوني شنعمل في بيتك انا
تبسم آسر : هاك تعرف لي هي بيتي تو مباعد نسألك كيفاه عرفتها اما تو ازرب باش نوصلك لداركم 
جا ماشي بش يخرج  قاطعاتو
براءة : كيفاه حتا جيت لهوني عملت شي حاجة منتذكر شي راني
آسر : مش بش نجاوبك بش مرة أخرى ما تشربش هاذو جزد 3 كيسان عملو فيك هك  وخرج خلاها  دورت وجها على لبيت
براءة : مغباك علاش تحل فمك انت وتقول بيتو مشات للدوش غسلت خرجت قابلتها دريسينغ روم مشات دخلت هي بيت فيها طابل فالنص شافت كوستيماتو و دبشو منضمين مشات للكوافاز هزت برفانتو حلتها شمتها  رشت منهاا فيسع ما فاقت فاش تعمل خرجت هزت الفاست متاعها و لبست طالونها و هبطت لقاتو فالصالو يفطر
آسر : اقعد تفطر بعدها نروحك
بلا ما تهدر جبدت الكرسي لي حذاه و قعدت
آسر :  شم ريحت برفانتو تبسم.... مالة ماكش متذكرة شي
براءة : مهبطة راسها مدام هدر هك يعني عملت عملة كبيرة...  اممم مانتذكرش
آسر : باهي مليح كي متذكرتش
براءة : بكل براءة  اذا عملت كاش حاجة سمحني و هبطت عينها راح تبكي
آسر : ما عمل شي سكرتي كهو هزيتك جبتك هوني بش ما
نديرونجيش لي في بيتكم
براءة : يعيشك امان ما تجبدش سيرة لبابا تعمل مزية
آسر : بشرط
شافت فيه.. براءة :شنو هاذ الشرط
آسر : ما تمشيش لبلايص كيمهكاك و ما تشربش مرة أخرى
براءة : تبسمت بااهي اصلا ما عجبنيش الجو
آسر : ماو باين لبارح كان عاجبك عللخر و مرجتني كي روحتك
هبطت راسها تنعل في روحا و فالمقف لي تحطت فيه
آسر : ايذا كملت خلي نمشيو قبل ما يروح بوك
براءة : باهي
💎💎💎💎💎💎💎💎💎💎💎💎💎