#انتقامي_من_اريمار هدولة الجزانسية

33

💕💕💕💕الحلقة 33💕💕💕💕
نزل مشا للبيرو تاعو هدر مع لا سكريتار
آسر : كي تجي مدموزال براءة طلعوها لبيرويا
سكريتار: اوكي مسيو آسر
طلع دخل قعد و بقا يستنا فيها
حبست كيما الشريكة نزلت دخلت مشات سقسات لغيسپسيون طلعوها لبيرو آسر
دق الباب و دخلت السكريتار
... مسيو آسر مدمزال براءة وصلت
آسر : دخلوها و قف ومشا جيهت الباب وهي دخلت تبسمت سرح في بسمتها و تبسملها هو زادا
آسر : مرحبا بيك هوني
براءة : يعيشك
آسر : فوتي اقعدي
براءة : ههه اوكي راني متحمسة شوي سمحني
آسر : ما يسالش بالطبيعة تتحمسي...  تشربي حاجة
براءة : لا يعيشك
سكتو شوي
آسر : امشي نوريلك بيروك
براءة : يكون احسن
آسر : ماعجبتكش القعزة عندي!  ههه
براءة : لاا ما قصدتش اما نحب نبدا الخدمة كان يساعدك
آسر : ههه اوكي
خرجو مشاو جيهت بيروها فتح الباب
آسر : هاذ بيروك كان ناقصو حاجة ولا تقدر تكلم السكريتار
براءة : اوكي يعيشك
آسر : اما قبل لازم نعرفك على الخدامين هوني
براءة : شافت فيه متلبكة لازم ؟!
آسر : امم لازم
براءة : اما نحشم راني
آسر : ماتحشمش راني معاك
قلبها خبط على كلمتو اللخرة ثبتت معاه كيف متبسملها ويطمن فيها بعينيه
براءة : اوكي
آسر : امشي خرجو لم العمال الكل
آسر : كيما تعرفو الكل سي سليم نقل اسهمو لي معانا الكل لبنتو مدموزال براءة و ليوم انضمت لينا نحب نعرفكم بيها
الكل متفاجئ صغيرة برشا كانو يحسبوها كبيرة شافت الاستغراب في وجوهم الكل تلبكت كثر  طلعت راسها شوي شافت دور فالدقيقة شافها كيفاه مستريسيا
آسر : من اليوم هي الشريكة و صلاحياتها كيف صلاحياتي راح تكمل وين ما حبس سي سليم
الكل رحبو بيها بدا يتنحالها التوتر
آسر : الكل يرجع لخدمتو تو
مشا هو وياها راجعين لبيروها
آسر : ما تخافش كي تحب شي حاجة ولا اطلبها مني تو نعاونك
تبسمتلو و حركتلو راسها ايجابي رجعو لبيرواتهم و بدات تتعرف على كل شي ما حستش بالوقت لين دق الباب و تحل
آسر : بش تبات هوني
براءة : علاه قداه الساعة و شافت في يدها اوووه فيسع فات الوقت ما حسيتش بيه
آسر : امم ما جعتش انتي
براءة : لا متعودة ما ناكل شي حتا لعشية
آسر : بزايد اليوم ما يجيش سي سليم يقلي تعبتلي بنتي ههه
براءة : لا تهني موش هوني اما عندك حق توخرت لازم نروح
آسر : اوكي تو نوصلك انا
براءة : لا جيت بكرهبتي ولازم نمشي عند رفيقتي الاول
آسر : مالا نعملو حاجة
براءة : شني؟
آسر : لعشية بش نعرضك تتعشى
براءة : اما .. قطعها
آسر : لا اما لا شي مكش بش تعارض بش يكون عشاء عمل اللول مع شريكتي
براءة : ههه اوكي
آسر : لعشية نفوت نهزك 
نزلو وكل واحد ركب كرهبتو ومشا 
فروزان : يعني راح تخرجو وحدكم انتي وهو كهو
براءة : بربي وش نحكي من الصباح قال عشا عمل ومدري شني
فروزان : عشاء عمل من بعدها عشاء رومنسي متشوقة لهذوك الايام هههه
براءة : فروزان يزي
فورزان : شنو بش تلبس! 
براءة : بش نلبس عادي كيما راك تراني
فروزان : هبلة انتي ؟ تي عشاء كلاص يا بنتي لازملك ....
براءة : وش لازم!  اتكلم
فروزان : لقيتها امشي خلي نروحو
براءة : وين ؟؟
فروزان : امشي برا كي نوصلو تعرف
طريق الكل هي تسأل فيها ما جاوبتهاش
براءة : وش نعملو في محل امك ؟
فروزان : بش نختارو روب تصلح
براءة : لاا منحبش تو نلبس عادي
فروزان : حتا انا ماقتلكش تلبس سواري روب عادي
براءة : مش بش تخطاني! 
فروزان : لا وطلعت حواجبها وهبطتهم
براءة : باهي انزل
نزلو جربت فوق من 10 ما عجبها شي
فروزان : شبيك ما عجبك شي
فايزة: فروزان براءة شتعملو هوني
فروزان : امي براءة عندها عشاء مع شريكها اول عشاء ما عجبها شي
براءة : لا عجبوني اما طاطا انا منحبش قلت تو نلبس عادي ونروح
فايزة : عادي ؟ متقليش تلبس كيما راكي لابسا
براءة : شبيها لبستي طاطا
فايزة : هههه تباني طالعة من الحضانة يا بنتي تو لازمك حاجة سپيسيال و انا عرفت وش هي
فروزان : اممم حاجات امي السپيسيال ما تخرجهمش لاي حد
فايزة : بالطبيعة براءة مش اي حد
براءة : هههه يعيشك