#انتقامي_من_اريمار هدولة الجزانسية

تابع

تااابع
الدنيا دارت بيها دارت شافت في آسر
براءة : امان خلي ندخلو
غمض عينيه وحلهم بمعنى اوكي و مشاااو بلا ما يمدو حتي تصريح اخر دخلو قعدو في بلايصهم طلبو وش ياكلو ...
آسر : علاه ما مديت حتى تصريح
براءة : معندي حتا فكرة على لي سألوه الكل
آسر : حتا فكرة!! 
براءة : اممم وهبطت تاكل .... مثلا منعرفش ايذا بابا في علاقة مع هند ولا لا ولا علاش بابا ما وراناش من قبل للصحافة
آسر : مش كلش يتقال صحيح وانت بش تولي تعرف لي الصحافة ينجمو يكذبو في موضوع ويزيدو عليها ... تو خلينا من الموضوع هذا خلي نحكيو في شي اخر
براءة : مش عشاء عمل! 
آسر : هههه اسمو هك اما نجمو نحكيو فمواضيع الخاصة زادة
براءة : نجم نسأل!
آسر : أسأل لي تحب
براءة : امم انت عايش وحدك ؟
آسر : امم وحدي
براءة : وعايلتك! 
سكت مجاوبهاش
براءة : سمحني دخلت رو...  قطعها
آسر : كنت عايش مع امي واختي وبابا ردت شعرها ورا وذنها فازة تعملها كي تكون مركزة
براءة: ..  ايه
آسر : خسرت امي و اختي فنفس اليوم اختي ماتت مقتولة لاسباب مجهولة وامي ما تحملتش حبس قلبها
عينيها تملاو دموع
براءة : سامحني مكنتش نعرف
آسر : عادي تو لحكاية عندها 5 سنين
براءة : و بوك! 
آسر : ما نعرف عليه شي ما بانش من يومين قبل الحادثة
براءة : الله يرحمهم
آسر : يعيشك وانت احكيلي على حياتك
براءة : امم انا امي كنت نحبها برشا رغم لي قليل وين نشوفها اما كنت نحبها كثر من روحي
آسر : علاه قليل وين تشوفها
براءة : كانت تخدم تروح كان فالليل وسعات بالسمانة بش نشوفها اما بابا كان ديما معانا هو كل شيء في حياتي...  و كاين ليام هو مش عمي كهو هو خويا و صاحبي زادة و مامي ليلى هي لي رباتني نحبها برشا كنا الكل فرحانين لين ما امي مرضت و ماتت...  و نحب زادا البيانو من لي وانا صغيرة نعزف عليه يونسني برشا كيف نكون قلقانة
آسر: الله يرحمها
براءة : آمين
آسر : مالة و وركز على لبيانو لي وراههم دورت عينيها ليه
براءة : هههه لا امان مش ذرك اصلا راني متوترة مايجيش نتوتر اكثر
آسر : بااهي.... امك روسية صح!! 
براءة : امم صح حتا مامي ليلى هي خالت امي و الفرد الوحيد لي نعرفو من عايلة امي
آسر :  متعرفهمش انتي؟
براءة : تفكرت الراجل لي مالف يجيها...  امي عمرها ما حكاتلي على عايلتها حتى مامي زادة
كملو هدرو و فوتو سهرة تهبل...
براءة : راح الحال خلي نروحو
اسر : امم كيف ما تحب
خرجو ركبو حتا سألاتو وهي حشمانة
براءة : مكش معرس! 
آسر سكت معرفش وش يجاوبها المرا الوحيدة لي حبها غتاصبوها و هي انتاحرت ؟!
آسر : لا مش معرس
براءة حاجة رتاحت في قلبها فما بزاف اسئلة تحب تسألهم اما مش تو وصلو نزلو
براءة : مرسي على لعشا مرة أخرى
آسر : انا نشكرك لي طلعت معايا نعاودوها مرة أخرى
براءة : ان شاء الله 
آسر : بش تجي غدوا بش نبداو الاجتماع كيف ما تفاهمنا
براءة : اوكي
آسر : تصبحي على خير
براءة : و انت زادا
دخلت الكالم
سحر : براءة 
براءة : سحر ما رقدتش! 
سحر :لا ستنيتك بلكشي ما هزيتش مفاتحك
براءة : يعيشك اختي  الكل راقد؟
سحر : سي ليام خرج و آدم نايم
براءة : اوكي برا ترقد حتا انتي تصبحي علا خير طلعت لبيتها تبسمت مشات بدلت و دخلت في سريرها رقدت