#انتقامي_من_اريمار هدولة الجزانسية

الحلقة 19

#انتقامي_من_اريمار الحلقة : 19
#ممنوع_النقل_بلا_اذن
#H_B
براءة : نروحو بكرهبتي ولا كرهبتك ليام : هههه ما يجيش بالحطة تاعي هاذي ننزل من كرهبة لونها حمر و ضحكو لزوز ركبو و طارو للبار لي قالو عليه فراس حبسو قدامو نزلو كروشات ليام و دخلو براءة كانت اول مرة تدخل لبلايص هك
ليام : باش تبقا عاقلا وقت نقولك قوم نروحو يعني نروحو  باهي  دخلو دنيا كلها غنا صوت قاوي برشا  شاف فراس من بعيد مشالو و هي مزالها مكبشة في يدو
فراس : هههه ديجا دخلت لقيت وحدا اما وش نقلك ملا زهر عندك
ليام : اقفل**** فمك بنت خويا هاذي
فراس: امم طلع عندكم الزين فالدار
ليام :بلع لا **** بطريحة نريبلك فمك
قدم فراس من براءة  و مد يدو  فراس : انا فراس
براءة : براءة ومدت تخمسلو هز يدها باسها زربت جبدتها
ليام : ترص عندك منحبش نفزدلك وجهك راني
👤: مسيو تحب تشرب حاجة
ليام: وسكي
براءة : حتا انا نحب
شاف فيها شوفة تاع موت نعمل روحي ما سمعتش و طلبلها عصير وكملو سهرتهم

صونا تيليفونو هز شاف لقاه سماعيل زرب هز عليه
سماعيل : مسيو سمحني اما المدموزال مشات هي وراجل لي يسكن معاهم للبار لي مالفين تمشيولو وعرفت لي هو بالحق خو سي سليم يعني يكون عمها
جبد تيليفون من وذنو و كبس عليه في يدو قلق عللخر مشا طلع لبس  مريول بيض فاست كوير و جينز هز مفاتح كرهبتو و هبط يزرب  ركب كرهبتو  لعصب راكبو هو فحد ذاتو مش فاهم وش عصبو اما فكرت انها راحت للبار قلقاتو عاللخر
وقيت كان قدام لبار قال يدخل يعطيها طريحة اما بصفتو شكون قعد معاها وقيت راح يولي يتحكم فيها اصلا جات مع عمها شمدخلو هو كان باش يمشي اما فاخر لحظة نزل دخل بقا يحوس بعينيه لين شافها جا ماشي جيهتها و يشوف فراس قاعد معاها و راجل يكون قدو فالعمر  فيسع ما عرفو انو عمها ليام شافو فراس
فراس :  و هوكا جا ملك الليالي
هزت راسها شافتو
براءة : آسر
ليام : تعرفو
آسر : امم بنت شريكي
فراس: صار انتي بنت سليم اييي كيفاه ما جاش في بالي لقبكم وفيق نسيت
قعد اسر حذاها و طلب كاس
آسر : شمجيبك هوني بوك يعرف ؟
براءة : لا مايعرفش
ليام : شدت صحيح باش نجيبها اما تو باش نروحو
براءة : تو جينا خلي نزيدو شوي و اهوكا اسر جا عيب نروحو في وجهو تبسم اسر على جنب
ليام : وكون يروح بوك ليلة شباش نقولو والله يقتلنا زوز
براءة : امان خلي نزيدو شوي و ذبلتلو عينها
ليام : باهي وقيت ونروحو
فراس : آسر مش قتلي ليوم رربو شبيك جيت
آسر : مليت من الدار جيت و شاف في براءة لي كانت مركزة فيه فيسع ما دورت وجها  تبسم على جنب
براءة : علاه انتو تجيو كل ليلة هوني
فراس : انا مش كل ليلة اما ملك السهرات كل ليلة هوني ويكملها بطفة في دارو ههه
تبدلت ملامحها لحزن ودورت تشوف فيه
آسر : ذرك هاذي هدا تهدرها قدامها ماك تشوف فيها صغيرة
زادت تصدمت كي عرفت بلي هي فنظرو صغيرة لعصب ركبها
براءة: مانيش صغيرة سي اسر و قحرتلو
دارت باش تقول ليام يروحو لقاتو سكران عللخر
براءة: ليام شبييك
ليام كان يشوف فيها من بعيد كفاه تتزعبل هز روحو راحلها
براءة : ليام وين ماشي
ليام :  دار وهدر امانك فراس وصلها لدار
ومشا هز معاه طفلة و طلع بيها
براءة : شنعمل انا تو
فراس : تو نكملو نسهرو شو و نهزك معايا
اسر كان يسمع و ما عمل حتى رياكسيون اما داخلو العصب ياكل فيه  ولوفار خرجلو من وذنيه  هك شوي هزت كاس ليام و شرباتو الكل فرد مرة جاها حامض دارت غريماس و رجعت هزت كاس فراس زادت شرباتو كل فرد خطرة
فراس : بصحتك ههه
جات بش تهز كاس اسر و حكملها يدها
آسر : بزايد كثرت تو تسكر
براءة : شيهمك انت شكونك حتا تدخل فيا
آسر العصب ركبو شدها من زندها و عصر عليها هيا قوم خلي نوصلك هزت الكاس و شرباتو كل مكرا فيه
آسر : انتي مش بش تعقل وتفهم بالكلام
و لاح يدو بين رجليها وهزها
براءة : سيبني نزلني شيهمك فيا 
ما جاوبهاش
آسر :  فراس كمل سهريتك انا بش نروحها
فراس: اممم عملت فيا مزية
خرج ركبها فالكرهبة و مشا 
براءة : لاحت يدها و حكماتو من مريولو  شبيك طلعت...ني كنت مس.. تانسا عللخر
آسر : وكتا لحقت تسكر 3 كيسان عملو فيك هك
براءة : اممم تعرف انت مزيان برشا
تبسم على جنب
آسر : أمم حتى انتي فرخة مزيانة عللخر
براءة : كبست عليه اكثر بيديها مشني فرخة كبيرا راني
آسر :  ههه فرخة كبيرة
براءة : قتلك ماشني فرخة 
آسر : باهي باهي عندك مفاتح بيتكم  براءة :لا
خمم تو كون يمشيها لدارهم راح تعمل مشكل و هي سكرانة هزها و مشا بيها لقصرو كي وصلو نزل و نزلها
براءة : علاه جبتني لهوني  بلا ما يجاوبها هزها بين يديه و دخل بيها وصلو بش يطلعها
براءة : حطني و جيبلي نشرب عطشت
آسر : باهي يا للا و قعدها فالدروج و راح للكوزينة يجيبلها لما طلعت وهي دايخة بسيف ما وصلت لفوق مشات ديراكت لبيتو حلتها شعل الضو وحدو مشات و ترمات عالسرير وستسلمت لرقاد
رجع ما لقاهاش  دخل الصالون مفاماش ريحتها طلع الفوق يلقا باب بيتو محلول و الضو شاعل مشا و لقاها راقدة فوق فرشو تبسم لا اراديا حط الكاس عالطابل و مشا جيهتها بعدلها شعرها على وجها فاقت شوي وهدرت بسيف
براءة : جبتلي لما هزو شربلها
آسر : براءة كيف جيت للبيتي هاذي
براءة : جيتها من قبل عرفتها بيتك سكتت و رجعت هدرت تعرف لريحت برفانتك دوخ و تلاحت حطت راسها على صدرو
تبسم و ريقل قعدتو و لزها ليه بقا يعدي صوابعو على شعرها قعد هكاك لين هزو النوم
💎💎💎💎💎💎💎💎💎